वरोरा विधानसभेच्या राजकारणात नवीन वळण

वरोरा विधानसभेच्या राजकारणात नवीन वळण

जिल्ह्यातील वरोरा-भद्रावती विधानसभा मतदारसंघात भारतीय जनता पक्षाच्या पक्षप्रवेश सोहळ्यात राजकीय वातावरणात नवीन वळण आणले आहे. भाजपा प्रदेशाध्यक्ष रवींद्र चव्हाण यांच्या उपस्थितीत काँग्रेसचे जेष्ठ नेते डॉ. विजय देवतळे आणि डॉ. आसावरी देवतळे यांनी भाजपमध्ये प्रवेश केला. या प्रवेशामुळे भाजपला स्थानिक स्तरावर मजबूती मिळणार आहे. वरोरा-भद्रावती विधानसभा मतदारसंघाचे आमदार करण

देवतळे यांच्या नेतृत्वावर विश्वास ठेवून अनेक ज्येष्ठ नेते भाजपमध्ये दाखल झाले आहेत. या नेत्यांमध्ये डॉ. विजय देवतळे, डॉ. आसावरी देवतळे, कन्हैयालाल जयस्वाल, राजुपाटील देवतळे, संदीप दिडमिशे, ज्योतीताई जयस्वाल, गुणवंताजी भोयर, अॅड. जयंतजी ठाकरे, लोकेशजी पांढरे आदी मान्यवरांचा समावेश आहे. या प्रवेशामुळे वरोरा भद्रावती

राजकीय महत्त्वपूर्ण तालुक्यातील समीकरणांमध्ये बदल होण्याची शक्यता आहे. कॉंग्रेसच्या जेष्ठ नेत्यांच्या भाजपमध्ये प्रवेशामुळे त्यांच्या समर्थकांची संख्याही वाढण्याची शक्यता आहे. यामुळे भाजपला स्थानिक स्तरावर मजबूत संघटन होणार असे राजकीय वर्तुळात चर्चा व्यक्त होत आहे. या प्रवेश

सोहळ्यात भाजप प्रदेशाध्यक्ष रवींद्रजी चव्हाण यांच्या उपस्थितीत भाजपच्या वरोरा विधानसभेत नवीन शक्ती, युक्ती मिळाली आहे. वरोरा-भद्रावती मतदारसंघातील हे नवे सामर्थ्य या क्षेत्रातील स्थानिक निवडणुकांसाठी भाजपला मोठा जनाधार मिळणार त्यामुळे या क्षेत्रातील विकासाच्या नव्या बाटचालीला चालना मिळणार असे राजकीय विश्लेषकांचे मत आहे. हा प्रवेश सोहळा स्थानिक राजकारणाच्या दिशेने एक नवीन वळण आहे, ज्यामुळे या क्षेत्रातील विकास कामांना नव्याने दिशा मिळेल येथील राजकीय वाताबरण चर्चेतून सिद्ध होत आहे.