निखिल मांडवकर यांची युवासेना उपजिल्हा प्रमुख (वरोरा, चिमूर, ब्रम्हपुरी) पदावर नियुक्ती

निखिल मांडवकर यांची युवासेना उपजिल्हा प्रमुख (वरोरा, चिमूर, ब्रम्हपुरी) पदावर नियुक्ती

वरोरा : हिंदुहृदयसम्राट शिवसेनाप्रमुख बाळासाहेब ठाकरे व धर्मवीर आनंद दिघे यांच्या आशीर्वादाने, शिवसेना मुख्य नेते व राज्याचे उपमुख्यमंत्री एकनाथजी शिंदे यांच्या आदेशानुसार तसेच खासदार डॉ. श्रीकांत शिंदे यांच्या मार्गदर्शनाखाली युवासेना चंद्रपूर जिल्हा पदाधिकाऱ्यांच्या नवीन नियुक्त्यांची घोषणा करण्यात आली.

या घोषणेनुसार निखिल मांडवकर यांची युवासेना उपजिल्हा प्रमुख (वरोरा, चिमूर, ब्रम्हपुरी) म्हणून नियुक्ती करण्यात आली आहे. सदर नियुक्तीपत्रावरील मान्यता युवासेना कार्याध्यक्ष पुर्वेश प्रताप सरनाईक, युवासेना मुख्य सचिव राहुल लोंढे, युवासेना सचिव (महाराष्ट्र राज्य) किरण साळी, पूर्व विदर्भ सचिव शुभम नवले तसेच युवासेना कार्यकारिणी सदस्य हर्षल शिंदे यांच्या मार्गदर्शनातून देण्यात आली.

निखिल मांडवकर हे अनेक वर्षांपासून युवासेनेत सक्रिय असून युवकांच्या प्रश्नांवर लढणारे, विविध सामाजिक उपक्रमांचे आयोजक आणि संघटनात्मक कार्यात सातत्याने सक्रिय असलेले कार्यकर्ते म्हणून ओळखले जातात. त्यांच्या या नियुक्तीमागे पक्ष नेतृत्वाचा विश्वास असून त्यांच्या मार्गदर्शनामुळे वरोरा, चिमूर व ब्रम्हपुरी विभागातील युवासेनेचे संघटन अधिक प्रभावी व जोमदार होईल, असा विश्वास व्यक्त करण्यात आला आहे.