मोठी बातमी: रायगडमध्ये 90 जणांवर रेमडेसिविरचे साईडइफेक्टस; इंजेक्शन्सचा वापर थांबवण्याचे आदेश

रायगड जिल्ह्यासाठी हेटेरो हेल्थ केअर कंपनीच्या कोविफोर या इंजेक्शनच्या 500 कुप्या पुरवण्यात आल्या होत्या.

रेमडेसिविर इंजेक्शन

रायगड: गेल्या काही दिवसांपासून गंभीर प्रकृती असलेल्या कोरोना रुग्णांसाठी रामबाण औषध ठरत असलेल्या रेमडेसिविर इंजेक्शनबाबत (Remdesivir injection )एक धक्कादायक माहिती समोर आली आहे. रायगडमध्ये या इंजेक्शनच्या वापरामुळे अनेक रुग्णांवर दुष्परिणाम झाले आहेत. त्यामुळे अन्न आणि औषध प्रशासनाने रायगड जिल्ह्यात तात्काळ रेमडेसिविर इंजेक्शनचा वापर थांबवण्याचे आदेश दिले आहेत. (Remdesivir injection side effects on patients in raigad district)

प्राथमिक माहितीनुसार, रायगड जिल्ह्यासाठी हेटेरो हेल्थ केअर कंपनीच्या कोविफोर या इंजेक्शनच्या 500 कुप्या पुरवण्यात आल्या होत्या. त्यानंतर साधारण 120 कोरोना रुग्णांवर उपचारासाठी रेमडेसिविर इंजेक्शन वापरण्यात आले होते. यापैकी 90 रुग्णांना या इंजेक्शनमुळे दुष्परिणाम जाणवल्याची धक्कादायक माहिती समोर आली आहे. या सगळ्यांमध्ये इंजेक्शन दिल्यानंतर थंडी आणि ताप अशी लक्षणे दिसून आली. इतक्या मोठ्याप्रमाणावर रुग्णांना दुष्परिणाम जाणवल्याने आता अन्न आणि औषध प्रशासनाने संपूर्ण रायगड जिल्ह्यातच रेमडेसिविर इंजेक्शनचा वापर थांबवण्याचे आदेश दिले आहेत. रायगडच्या जिल्हाधिकारी निधी चौधरी यांनी या वृत्ताला दुजोरा दिला आहे.

आतापर्यंत कोरोनाच्या उपचारात रेमडेसिविर इंजेक्शन प्रभावी ठरताना दिसून आले होते. मात्र, या ताज्या घटनेमुळे आता रेमडेसिविरच्या वापरावरही प्रश्नचिन्ह उपस्थित झाले आहे. गेल्या काही दिवसांपासून संपूर्ण राज्यात रेमडेसिविर इंजेक्शन्सचा मोठ्याप्रमाणावर काळाबाजार होताना दिसत आहे.

रेमडेसिविर इंजेक्शनमुळे कोरोनाच्या रुग्णांना खात्रीशीररित्या फायदा होईलच असे नाही, हे डॉक्टरांनी वेळोवेळी सांगूनही अनेकजण रेमडेसिविरच्या वापरासाठी आग्रही आहेत. त्यामुळेच राज्यात रेमडेसिविर इंजेक्शनची मागणी अचानक वाढली आहे.

बोर्डाऱ्यातील पाचही वॉर्ड ग्रामपंचायतच्या नागरी सुविधा पासुन वंचित.

 बोर्डाऱ्यातील पाचही वॉर्ड ग्रामपंचायतच्या नागरी सुविधा पासुन वंचित.

बोर्डा ग्रामविकास अधिकाऱ्यांचे पाचही वॉर्ड कडे दुर्लक्ष

     ( तुलसीदास अलाम गोंडवाना न्यूज )

वरोरा :- बोर्डाऱ्यात असलेल्या पाचही वॉर्ड मध्ये कचऱ्याची समस्या दिवसेंदिवस वाढतच चालली  असून पाचही वार्ड मधील नागरिकांना हि समस्या सोसावी लागत आहे. कारण पाचही वॉर्ड  मध्ये कित्येक महिण्यापासून कचरा गाडी येत नसल्याने नागरिकांनी कचरा टाकायचा तरी कुठे पाचही वॉर्ड  च्या नागरीकांना हा प्रश्न पडलेले आहे की आमचा वार्ड  बोर्डा ग्रामपंचायत मध्ये येत नाही का?

 पाचही वार्ड  मध्ये कोणतीच कचरा गाडी अथवा कोणत्याही प्रकारची ग्रामपंचायतची सेवा नाही.दिड महीना पासुन कचऱ्यांची गाडी  येत नाही तसेच लेबर नाली काढतात व नालीतील घाण तशीच कित्येक  दिवस रस्त्यावर  पडुन राहते .लहान मुल घरासमोरा खेळतात पण नालीचा कचरा रस्त्यावर  असल्यामुळे  त्याना सुध्दा खेळायला मिळत नाही वार्ड न. ४च्या नाल्या काढुन भरपुर दिवस झाले मलबा उचलुन नेला नाही .लहान मुलांच्या  आरोग्याला सुध्दा धोका आहे

कचरा हा एकच ठिकानी राहत असल्यामुळे डास व अनेक प्रकारची रोगराई या कचऱ्यापासून निर्माण होत असल्याचे दिसून येत आहे. अभावि पाचही वार्ड मध्ये होत आहे त्यामुळे वार्डातील नगरीकांना खुप जास्त प्रमाणात त्रास सहन करवा लागत आहे.

 

  वरोरा शहरातील युवक मिळून स्वतः वॉर्डात करतात निर्जंतुकीकरण फवारणी आणि नगर परिषद मात्र सुस्तीत

वरोरा:- कोरोना चा प्रसार रोखण्यासाठी निर्जंतुकीकरण करणे गरजेचे आहेत पण वरोरा नगरपरिषद कडून या फवारणीचा किव्हा सॅनिटाईझ चा शिरकाव होतांना दिसत नाही आहे म्हणून शहरातील काही युवक मित्रमंडळी मिळून स्वतःचा वॉर्ड सॅनिटाईझ करण्याचे ठरवले .वरोरा शहरातील सुभाष वॉर्ड येथील प्रवीण चिमुरकर,अमितसिंग ठाकूर,विजय जुनघरे,राजू पोलशेट्टीवार, आणि अन्य मित्रांनी मिळून स्वतःच्या संपूर्ण वॉर्डला सॅनिटाईज करण्यास सुरुवात केली आहे.सुरुवात ही स्वतः पासून केली पाहिजे याच म्हणीचा आदर्श घेत मित्रमंडळी मिळून वॉर्डात फवारणी करीत आहे .संपूर्ण वॉर्डात एकूण 5 फवारणी पंप सुरू आहेत .जे काम नगर परिषदेकडून व्हायला पाहिजे तेच काम या युवकांनी करून आदर्श काम हाती घेतल आहे नगर परिषदेच्या काही गोष्टी निर्दशनात आणून सुद्धा त्या समस्या कडे वरोरा नगर परिषदे कडून झोपीचे ढोंग करताना दिसून येत आहेत.

उदा.१) वरोरा वणींनाका मशान भूमी तील पाण्याची दूर अवस्था. हा प्रशन कित्येक महिन्या पासून आहेत पण या कडे नगर परिषद डोळेझाक करत आहेत .

२)काही ठिकाणी असे लक्ष्यात आले की जर नागरिकांना काही असुविधा होत असेल आणि त्या असुविधा नागरिकांनी आपल्या वार्ड मेम्बर कडे काही समस्या निर्दशनात आणून दिल्या तर वार्ड मेम्बर चे नागरिकांनाशी अश्या प्रकारे बोलणे असते की नगर परिषदे मध्ये सर्व अधिकारी व कर्मचारी कोव्हीड च्या कामात व्यस्त असते . माझा या वार्ड मेम्बरांना एक प्रशन आहे नेमके नगर परिषद चे अधिकारी व कर्मचारी नेमके कोणत्या कोव्हीडच्या कामात व्यस्त असते..? आणि आता परियन्त वॉर्ड मेम्बरानी कोव्हीडचा प्रसार रोखण्यासाठी स्वतः कडून आपल्या वॉर्डातील जनतेच्या हितासाठी काय कामगिरी बजावली आहेत …?अश्या प्रकारच्या प्रश्नांचा वर्षाव जनते कडून वरोरा शहरात मोठ्या प्रमाणात होताना दिसून येत आहे.

बोर्डा ग्रामपंचायतच्या नळाला दूषित पाणी.

 बोर्डा ग्रामपंचायतच्या नळाला दूषित पाणी.

 वरोरा तालुक्यातील बोर्डा येथील काही वॉर्डात दूषित पाण्यामुळे नागरिकांचे आरोग्य धोक्यात आले आहे आठवड्यातून एकदा नळाला पाणी येते.

 एप्रिल महिन्यात आतापर्यंत चार वेळा पाणी आले, चारही वेळा दूषित पाणी आल्यामुळे नागरिक त्रस्त झाले आहेत. ग्रामपंचायतची यंत्रणा मात्र याकडे लक्ष द्यायला तयार नाही. त्यामुळे व्यथा कुणाकडे मांडायची, असा प्रश्न नागरिकांसमोर निर्माण झाला आहे.

बोर्डा गावाच्या काही वार्डात आठ दिवसांनंतर पाणी येते. आणि काही भागातील नळांना दुर्गंधीयुक्त दूषित पाणी येत असल्याची तक्रार नागरिकांनी केली आहे. त्यामुळे नागरिकांना पिण्याच्या पाण्यासाठी जारच्या पाण्यावर अवलंबून रहावे लागते. नळाला येणाऱ्या पाण्याला इतकी दुर्गंधी असते की या पाण्याने आंघोळ करणे किंवा कपडे धुणे देखील शक्य होत नाही. 

 दुर्गंधीयुक्त पाणी हौदातील पाण्यात मिसळत असल्यामुळे हौदातील पाणी देखील वापरण्या योग्य राहिलेले नाही. त्यामुळे नागरिकांना मनस्ताप सहन करावा लागत आहे.

दूषित पाण्याबरोबरच नळाला पाणी येण्याच्या वेळीच वीजपुरवठा खंडित होण्याच्या समस्येला देखील या भागातील नागरिकांना तोंड द्यावे लागत आहे. नळाला १५ ते २० मिनिटेच पाणी येते आणि त्यातच वीजपुरवठा खंडीत होतो, त्यामुळे पाणी भरायचे कसा, असा प्रश्न निर्माण झाला आहे. पाणीपुरवठ्याच्या वेळेतच वीज खंडित कशी होतो याबद्दल नागरिकांमध्ये उलटसलट चर्चा आहे. तांत्रिक कारणामुळे एखाद्या दिवशी पाणीपुरवठा झाला नाही, तर दुसऱ्या दिवशी पाणीपुरवठा केला जात असे. आता तर नऊ-नऊ दिवस पाणीच येत नाही, अशा तक्रारी देखील नागरिकांनी केल्या आहेत. बोर्डा ग्रामपंचायतने यात लक्ष घालून दूषित पाण्याचा प्रश्न प्राधान्याने सोडवावा, अशी मागणी केली जात आहे.