वरोरा पं. स. सभापती पदासाठी सामाजिक कार्यकर्त्या सौ. रोशनी अलाम यांचे नाव चर्चेत, 'अजा महिला' आरक्षण ठरले महत्त्वाचे.

वरोरा पं. स. सभापती पदासाठी सामाजिक कार्यकर्त्या  सौ. रोशनी अलाम यांचे नाव चर्चेत, 'अजा महिला' आरक्षण ठरले महत्त्वाचे.

वरोरा :- पंचायत समितीच्या निर्वाचक गणांचे आरक्षण आज जाहीर करण्यात आले असून, यावर्षी पंचायत समितीचे सभापती पद अनुसूचित जमाती (महिला) साठी राखीव झाले आहे. या आरक्षण सोडतीमुळे वरोराच्या राजकारणात मोठी उलथापालथ होण्याची शक्यता वर्तवली जात आहे. आज जाहीर झालेल्या आरक्षणानुसार, बोर्डा गणातून सर्वसाधारण (महिला) तर शेगाव गणातून सर्वसाधारण  असे आरक्षण जाहीर झाले आहे.

या महत्त्वपूर्ण आरक्षणानंतर, पंचायत समिती सभापती पदासाठी  बोर्डा गावातील सामाजिक कार्यकर्त्या सौ. रोशनी तुलसीदास अलाम यांचे नाव जोरदार चर्चेत आले आहे.  रोशनी अलाम या युवा नेते सामाजिक तथा राजकीय कार्यकर्ता, पत्रकार बोर्डा-शेगाव जिल्हा परिषद क्षेत्र. श्री. तुलसी अलाम यांच्या पत्नी आहेत.     

राजकीय विश्लेषकांच्या मते, तुलसी अलाम यांच्या सामाजिक आणि राजकीय कार्यात त्यांच्या जिल्हा परिषद क्षेत्रात भरीव विकास कामे होत असल्याचा दावा केला जात आहे. याचाच फायदा त्याच्या पत्नीला आगामी निवडणुकीत होऊन, पंचायत समिती सभापती पदासाठी उमेदवार आघाडीवर राहू शकेल, अशी शक्यता वर्तवण्यात येत आहे. अनुसूचित जमाती महिला आरक्षणामुळे व सामाजिक क्षेत्रात सक्रिय नेतृत्वामुळे वरोरा पंचायत राजकारणाला नवी दिशा मिळू शकते.

दरम्यान, या महत्त्वाच्या पदासाठी इतर पक्षांकडून उमेदवारीकरिता शोधाशोध सुरू झाली आहे.

भाजपा, सेनेचे दोन्ही गट काँग्रेस, राष्ट्रवादी, वंचित या पक्षांनीही हे पद मिळवण्यासाठी कंबर कसली असून, प्रमुख पक्षांमध्ये सभापती पदासाठी जोरदार रस्सीखेच होणार हे निश्चित आहे.