टेमूर्डा येथे 24 जुलैला शेतकऱ्यांचे रस्तारोको आंदोलन

टेमूर्डा येथे 24 जुलैला शेतकऱ्यांचे रस्तारोको आंदोलन

शेतकऱ्यांचा सातबारा कोरा करा : अपंग, विधवा महिला, शेतकरी,

शेतमजूर, मेंढपाळ, मच्छीमार एकत्र येणार

वरोरा : शासनाच्या विविध योजनांचा लाभ न मिळाल्याने तसेच गेल्या अनेक वर्षांपासून प्रलंबित असलेल्या मागण्यांकडे शासनाचे दुर्लक्ष होत असल्याचा आरोप करत अपंग, विधवा महिला, शेतकरी, शेतमजूर, मेंढपाळ आणि मच्छीमार समुदाय एकत्र येऊन २४ जुलै २०२५ रोजी सकाळी ९ वाजता टेमूर्डा येथे तीव्र रस्तारोको आंदोलन करणार असल्याची माहिती शेतकरी नेते किशोर डुकरे आणि युवा नेते तथा सामाजिक कार्यकर्ता तुलसी अलाम यांनी दिली आहे.

या आंदोलनाच्या माध्यमातून सरकारने निवडणुकी दरम्यान ७/१२ कोरा करण्याचे

आश्वासन देण्यात आले होते ते पूर्ण करावे अशी मुख्य मागणी असून त्यासोबतच विविध सामाजिक, आर्थिक, आणि मूलभूत हक्कांशी संबंधित प्रश्न उपस्थित केले जाणार आहेत. अनेक वर्षांपासून अपंग व विधवा महिलांना योग्य लाभ न मिळणे, भूमिहीन शेतमजुरांना न्याय मिळत नसणे, मेंढपाळ व मच्छीमार बांधवांना योजनांपासून वंचित ठेवले जाणे. या सर्व बाबींविषयी आंदोलन छेडल्या जाणार असल्याची माहिती शेतकरी नेते किशोर डुकरे आणि तुलसी अलाम युवा नेते तथा सामाजिक कार्यकर्ता वरोरा यांनी दिली आहे.