माजरी परिसरात अनेक ठिकाणी अवैध रेती तस्करी , तस्करांना राजकीय वरदहस्त की,महसूल प्रशासनाची मदत !

माजरी  परिसरात अनेक ठिकाणी अवैध रेती तस्करी , 

तस्करांना राजकीय वरदहस्त की,महसूल प्रशासनाची मदत !

 भद्रावती तालुका प्रसिध्दी प्रमुख :- अनिल इंगोले 

मो. 9209459483

माजरी परिसरातील अवैध रेती तस्करी जाळे खूप विस्तृत पसरले असून या क्षेत्रात रेती तस्करी  मागील दोन महिन्यापासून धडाक्यात सुरू असल्याचे निदर्शनास येत आहे, ही रेती तस्करी  इतकिंचीत थांबण्याचे नाव घेत नाही आहे.राळेगाव , मनगाव गावातील मांडवगोटा व वर्धा नदीपात्रतील इतर ठिकाणावरून मोठ्या प्रमाणावर रेती उपसा सुरू असल्याचे दिसून येते आहे. हा सर्व खेळ रात्री सुरू होत असून यामधे माजरी,कुचणा,परिसरातील नामवंत बहाद्दर जे राजकीय क्षेत्रात वरदहस्त असलेल्या नेत्यांसोबतआपले संबंध स्थापन  करून आहेत,व त्यांचा वचपा सुद्धा आहे हे सर्व महाभाग रेती तस्करीत सामील असल्याचे जनमानसात बोलले जात आहेत जवळपास ७ ते ८ ट्रॅक्टर,हायवा,ट्रक च्या साह्याने चंद्रपूर जिल्ह्यातील वर्धा नदीपात्रातील रेती  वरोरा,भद्रावती ,माजरी,वणी,यवतमाळ,क्षेत्रात चोरट्या मार्गाने नेवून मनमानी दरात सर्रास विक्री करताहेत. मागील काही वर्षापासून पर्यावरण संतुलन राखण्यासाठी वर्धा नदीपात्र, तसेच भद्रावती तालुक्यातील अनेक घाटाचे लिलाव झाले नाहीत त्यामुळे अनेक शासकीय कामे व गृहनिर्माण कार्य ठप्प पडली आहेत. अनेक घरकुल योजना अंतर्गत बांधकामे सुधा रखडली आहेत.

                 दरम्यान हे रेती तस्कर वर्धा नदीपात्रातील,तसेच माजरी,चालबर्डी, कोंढा, पाटाळा,इत्यादी नदी घाटातील पत्रातून रेती चोरट्या मार्गाने बिनधास्त उपसा करून जिल्ह्यात व दुसऱ्या जिल्ह्यात नेवून भद्रावती तालुक्यातील महसूल व खनिज विभागाचा करोडो रुपयाचा महसूल बुडवीत आहेत, असे निदर्शनास येत असूनही या रेती तस्करांना ना कुणाचा धाक आहे ना कुणाची वचक आहे मागील दोन महिन्यापासून या रेती तस्करांवर कोणतीच ठोस कार्यवाही झाल्याचे दिसून आले नाही ,भद्रावती तहसीलदारांनी तसेच पोलिस प्रशासनाने तालुक्यात कार्यवाहीचा तडाखा सुरू केल्या कारणाने फ्कत दोन ते तीन दिवस ही तस्करी बंद पडली होती मात्र पुन्हा या रेती तस्करानी डोके वर काढत हे रेती तस्कर मुजोरीने जोरात सक्रिय झाले असून राळेगाव मणगाव ,परिसरातील वर्धा नदीपात्रातून ,तसेच माजरी क्षेत्रातील अनेक नाल्यातून  परिसरात अंदाजे ७ ते ८ ट्रॅक्टर व बहुतांश हयवा ट्रक च्या साह्याने रात्रौ ला सर्रास रेती चोरी करून वरोरा, वणी, माजरी क्षेत्रात या  मनमानी दरात विकत असल्याचे दिसून येत आहे .

           ( याबाबत माजरी येथील पठवारी , शंभरकर यांना विचारणा केली असता माझ्या नोकरीचा कार्यकाळ संपला आहे तसेच हे क्षेत्र आपल्या परिसरात येत नसल्याचे त्यांनी सांगितले,                                                  याबाबत पत्रकारांनी  पाटाळा येथील पठवारी खोब्रागडे यांचे वर्जन घेतले असता :- मागील काही दिवसापूर्वी मंडवगोटा परिसरात खड्डा खोदला होता येथील रेती तस्करी खूप दिवसापासून बंद होती आता शासकीय घाट लिलाव झाला असून इथे चोरी केली जात नाही आम्ही टिपी चेक केली असता  येथील रेती तस्करी बंद असल्याचे सांगितल )

  परंतु प्राप्त माहितीनुसार एम.एस.ई.बी. च्या कंपनीला पुरवठा होणारी रेती ही घाटातून निघते खरी पण ती खरच कंपनीला जात आहे काय ,की कंपनीच्या नावावर अवाढव्य रेती उपसा सुरू आहे ,किती ब्रास रेती उत्खनन झाले आहे याबाबतची माहिती नाही व एकच टीपी वापरून किती ट्रिप रेती काढल्या जाते आहे हे सिद्ध झाले नाही , दिवसभर एकाच टीपीवर अनेक गाड्या काढल्या जात असून ही रेती बाहेर बाजारात कशी काय विकली जात आहे हा सर्वात मोठा प्रश्न आहे !आता याबाबत महसूल विभागाने दुर्लक्ष केले आहे का ? की जाणून बुजून दुर्लक्ष होत आहे,  जर तसे काही नसेल मागील दोन महिन्यापासून हा गोरखधंदा सुरू असून या बाबतीत महसूल अधिकारी गप्प का त्यांनी मौन का पाळले आहे किंवा या तस्करी वर कार्यवाहीचा बडगा का सुरू होत नाही, व या चोरीची पडताळणी का होत नाही ?  की चोर चोर मौसेरे भाई अशी परिस्थिती आहे, हे अजून समजलेले नाही