राज्य महिला आयोग सदस्या संगीता चव्हाण यांची शिवसेनेचे मध्यवर्ती कार्यालय “शिवालय” येथे सदिच्छा भेट

*राज्य महिला आयोग सदस्या संगीता चव्हाण यांची शिवसेनेचे मध्यवर्ती कार्यालय “शिवालय” येथे सदिच्छा भेट*

*कर्नाटक एम्टा व केपीसिएल कंपनी विरोधात उपोषणकर्ती महिलांना भेट देणार*

वरोरा :

राज्य महिला आयोग सदस्या ॲड. संगीता चव्हाण या चंद्रपूर जिल्ह्याच्या दौऱ्यावर असतांना आज दि. 02 ला “शिवालय” शिवसेना मध्यवर्ती कार्यालय वरोरा येथील कार्यालयास सदिच्छा भेट दिली. याप्रसंगी मौजा बरांज मोकासा येथे कर्नाटक एम्टा कंपनी व केपीसिएल कंपनी नियमबाह्य व बेकायदेशिर कुठलाही ताबा न घेता अवैध उत्खनन करीत असल्यामुळे तसेच गावकऱ्यांवर अन्याय अत्याचार करीत असून त्यांना न्याय व हक्क मिळण्याबाबत तसेच यासंबधाने बरांज मोकासा येथील महिलांचे सुरू असणारे उपोषणाबाबत माहिती देण्यात आली.

“शिवालय” सदिच्छा भेटीप्रसंगी त्यांना महाराष्ट्राचे आराध्य दैवत छत्रपती शिवाजी महाराज यांचे मानचिन्ह, शॉल व पुष्पगुच्छ देवुन चंद्रपूर जिल्हा संघटीका नर्मदा बोरेकर यांच्या हस्ते सत्कार करण्यात आला. त्यांच्यासोबत असलेल्या शिवसेना महिला जिल्हा संघटीका गडचिरोली छाया कुंभारे, चंद्रपूर माजी जिल्हा संघटीका निलीमा  शिंदे, चंद्रपूर जिल्हा संघटीका उज्वला नलगे यांचासुध्दा छत्रपती शिवाजी महाराज यांचे मानचिन्ह, शॉल व पुष्पगुच्छ देवुन सन्मान करण्यात आला. 

उपोषणकर्त्या महिलांना यावेळी उपोषणासंदर्भाने या प्रकरणासंबंधाने संपुर्ण कागदपत्राची मागणी केली तसेच तेथील उपोषणग्रस्त महिलांना भेट देणार असल्याचे यावेळी राज्य महिला आयोग सदस्या संगीता चव्हाण बोलल्या.  त्यांनी आपल्या मार्गदर्शपर भाषणात राज्य महिला आयोगाबाबत उपस्थित मंडळीना माहिती दिली तसेच महिलांचे सक्षमीकरण व महिलांकरीता महिला आयोग काय भुमिका बजावतो यावर योग्य मार्गदर्शन करीत, महिलांना कोणतीही मदत लागल्यास मदत करण्याचे आश्वासन दिले.

यावेळी चंद्रपुर जिल्हा संघटीका नर्मदा बोरेकर, वरोरा विधानसभा प्रमुख रविंद्र श्रीनिवासराव शिंदे, वरोरा तालुका प्रमुख तथा संचालक कृ.उ.बा.स.वरोरा दत्ता बोरेकर, उपतालुका प्रमुख तथा वरोरा कृ.उ.बा.स. संचालक अभिजीत पावडे, चंद्रपुर जिल्हा युवती सेना अधिकारी प्रतिभा मांडवकर, वरोरा तालुका संघटीका सरला मालोकर, वरोरा शहर संघटीका शुभांगी अहिरकर, उपतालुका संघटीका स्मीता ताटेवार, उपशहर प्रमुख अनिल सिंग, अधिवक्ता विनोद खोब्रागडे, दुर्गा खनके, मुक्ता हजारे, लता दाते, सुप्रभा मस्की, साक्षी दौलतकर व अनेक महिला व पुरूष पदाधिकारी उपस्थित होते.