विदर्भ ऑटो रिक्षा चालक धडकले वरोरा तहसीलवर , हिट एण्ड रन कायदा रद्द करण्याच्या मागणी करीता निवेदन

विदर्भ ऑटो रिक्षा चालक  धडकले वरोरा तहसीलवर , हिट एण्ड रन कायदा रद्द करण्याच्या मागणी करीता निवेदन

03/01/2024 :-तुलसीदास अलाम वरोरा प्रतिनिधी.

वरोरा :- वाहन चालकावर अन्याय करणारा हिट अॅन्ड रन हा काळा कायदा रद्द करण्याचा मागणी करीता आज 3 जानेवारी रोजी विदर्भ ऑटो रिक्षा चालक कामगार संघटना वरोराच्या वतीने  तहसील कार्यालयावर मागण्या संदर्भात घोषणा देत तहसीलदार मार्फत मा.मुख्यमंत्री महाराष्ट्र राज्य आणि मा. प्रधानमंत्री नरेंद्र मोदी भारत सरकार यांना निवेदन पाठविण्यात आले.

 शासनाने रस्ते अपघात संदर्भात हिट अॅन्ड रन हा कठोर कायदा अमलात आणण्याचा निर्णय घेतलेला आहे या अंतर्गत रस्ते अपघातात अनावधानाने कूणी दगावल्यास वाहन चालकाला १० वर्षाची शिक्षा व ७ लाखाचा दंड ठोठावण्यात येणार आहे या अन्यायकारक कायद्या विरोधात वाहन चालकानी राज्यव्यापी बंद पूकारलेला आहे तालूका ऑटो रिक्षा चालक संघटनेने सूद्धा सदर बंद आंदोलनात सहभागी होत आज आपले सर्व प्रवासी मालवाहतूक खाजगी वाहने बंद ठेवत आंदोलनात सहभागी झाले.

      हा कायदा अत्यंत कठोर असून जेमतेम मिळकतीवर कूटूंबाचा उदरनिर्वाह करणार्या गरीब वाहन चालकांचे व त्यांचा कूटूंबाचे जिवनच उध्वस्त करणारा आहे या कायद्याचा फेरविचार करण्यात यावा याकरीता आज वरोरा तहसीलदार  मा. योगेश कौटकर यांचा मार्फत शासनाला निवेदन पाठविण्यात आले. सदर निवेदन देताना प्रमोद धोपटे अध्यक्ष,बाबा खंडाळकर उपाध्यक्ष,अतुल पाटील सचिव ,अमर गुप्ता आमीन शेख,प्रभाकर भोयर,गजू आगलावे,विकास काळे,फारुख शेख,राजु लोहकरे,नवाब शेख,अशोक बावणे,नाना बावणे,राम ठाकूर,तसेच मोठ्या संख्येत ऑटो चालक, मालक हजर होते