सरपंचा विरोधात अविश्वास ठराव मांडला.

सरपंचा विरोधात अविश्वास ठराव मांडला

 तसीलदारांनी सरपंचाला केले अपात्र घोषित

  सभेतून बाहेर निघाल्यानंतर उपसरपंचानी केली अपात्र सरपंचाला शिवीगाळ व मारपीट 

 वरोरा पोलिसात तक्रार

 वरोरा

       गट ग्रामपंचायत फत्तापूर ही सात सदस्यीय असून या ग्रामपंचायतीत रामपूर व पिंपळगाव ही गावे अंतर्भूत आहे.2 जानेवारी 2024 ला सकाळी 11 वाजता दरम्यान विद्यमान सरपंचा अर्चना संजय कुमरे यांच्यावर सर्व ग्रा.प.सदस्यांनी अविश्वास ठराव मांडला.अविश्वास ठराव कार्यवाही ही तहसीलदारांचे उपस्थित पार पडली. सरपंचाच्या विरोधात सहा विरुद्ध एक असे सदस्य संख्या असल्याने ठराव संमत झाला त्यामुळे तहसीलदारांनी विद्यमान सरपंचा यांना अपात्र घोषित केले. आणि कार्यवाही पूर्ण झाल्यानंतर तहसीलदार ग्रा.प.च्या कार्यालयाबाहेर पडले.त्याचवेळी सरपंचा सुद्धा तहसीलदारांचा आदेश मान्य करीत बाहेर पडल्या. तहसीलदारांनी सांगितले की अपील करता येतो.असे सांगून तहसीलदार निघून गेले. सरपंचा सार्वजनिक ठिकाणी असतांना उपसरपंच विलास वायदुडे आले सरपंच महिलेला अश्लिल शिवीगाळ करीत हाता बुक्क्यांनी मारहाण केली.त्यामुळे सरपंच महिलेच्या हाताला मर लागला आहे .असे पोलीस तक्रारीत म्हटले आहे.मारहाण होतांना सरपंचा महिलेचा पती संजय कुमरे व गावातील नंदू जोगी आणि अभिमान जोगी यांनी मध्यस्थी करीत वाद सोडविला.उपसरपंच विलास वायदुडे यांचे पासून माझ्या जीविताला धोका निर्माण झाला असल्याचे तक्रारीत नमूद आहे.पोलीस निरीक्षक काचोरे यांचे मार्गदर्शनाखाली वरोरा पोलिसांनी गुन्हा नोंद केला आहे.

देशी दारू भट्टी सुरू करण्यासाठी द्यायचे आहे नाहरकत प्रमाणपत्र

   गावात देशी दारू भट्टी सुरू करण्याकरिता ग्रामपंचायत चे नाहरकत प्रमाणपत्र पाहिजे त्यासाठी मी अडसर ठरली होती.  म्हणून उपसरपंचासह पाच असे एकूण सहा सदस्यांनी अविश्वास आणून मला पायउतार करायचे असे नियोजन केले होते.चिरीमिरी घेऊन देशी दारू भट्टी धारकाला नाहरकत प्रमाणपत्र देण्याचा डाव असल्याने माझ्यावर  अविश्वास आणण्यात आला.

  अर्चना संजय कुमरे

           माजी सरपंचा फत्तापूर ग्रा.प.