घरात उभी असलेली दुचाकी ,आगीत जाळून खाक!

*घरात उभी असलेली दुचाकी ,आगीत जाळून खाक!

माजरीप्रतिनिधी :-    तुलसीदास आलाम 

माजरी वस्ती येथे घराच्या समोर अंगणात लावलेल्या दुचाकी मोटरसायकल जाळण्याचा प्रकार शुक्रवारी मध्यरात्री उघडकीस आला. या आगीत एक दुचाकी जळून खाक झाली. यापूर्वीही अशा प्रकारे चार चाकी गाड्यांना आग लावण्याचा प्रकार घडला होता. या प्रकरणी माजरी पोलिस ठाण्यात गुन्हा दाखल करण्यात आला आहे.

या बाबत शिवकुमार सुरेश झाडे (वय २३, रा. माजरी वस्ती) यांची टीव्हीएस रायडर दुचाकी क्र. एम एच ३४ सी ई ०८४२ तक्रार दिली आहे. पोलिसांनी दिलेल्या माहितीनुसार, माजरी येथे शनिवारी पहाटे तीनच्या सुमारास घराच्या अंगणात असलेल्या दुचाकी ला अचानक आग लागली. घरातून धूर येत असल्याने रहिवाशांना जाग आली. त्यांनी घराकडे धाव घेऊन त्वरीत आग आटोक्यात आणली. या आगीत शिवकुमार सुरेश झाडे यांची दुचाकी जळून खाक झाली. या जळीतकांडामध्ये एक लाख एक हजार रुपयांचे नुकसान झाले. ही दुचाकी त्याने काही दिवसा आधीच घेतली होती.

माजरी वस्ती जिल्हा परिषद शाळेच्या परिसरात सीसीटीव्ही नाही. पूर्ववैमनस्यातून ही आग लावलेली असल्याचे रहिवाशांनी सांगितले. या परिसरात दहशत पसरविणाऱ्या स्थानिक गुंडांकडेही चौकशी करण्यात यावी असे स्थानिक रहिवाशांनी सांगितले आहे. माजरी पोलिस ठाण्याचे उपनिरीक्षक भोजराज लांजेवार पुढील तपास करीत आहे.