पॉवर कंपनीपासून होणाऱ्या प्रदूषणामुळे शेतकरी हवालदिल

*पॉवर कंपनीपासून होणाऱ्या प्रदूषणामुळे शेतकरी हवालदिल*

*लक्षवेधीतुन आमदार प्रतिभाताई धानोरकर यांनी सरकारचे शेतकऱ्यांच्या  न्यायासाठी लक्ष वेधले* 

*१५ दिवसाचा आत बैठक घेण्याचे उद्योग मंत्री उदय सावंत यांचे आश्वासन*

चंद्रपूर : जिल्ह्यात मोठ्या प्रमाणात पॉवर प्रोजेक्ट आहेत. यामध्ये अनेक भूमिपुत्रांनी आपली जागा देऊन भूमिहीन झाले आहे. अनेकांना नोकऱ्या सुद्धा मिळालेल्या नाही. या पॉवर प्रोजेक्ट जवळील ज्या शेत जमिनी आहेत. त्यातील पीक या कंपनीतील प्रदूषणामुळे खराब होत असते. कृषी विभाग सर्वे करून नुकसान भरपाईचे अहवाल कंपनीकडे पाठवीत असतात. परंतु दोन -दोन वर्षे उलटून देखील त्यांना नुकसान भरपाई मिळत नाही, शेतकऱ्यांचे आर्थिक नुकसान टाळण्यासाठी कठोर पाऊले उचलावी याकरिता लक्षवेधीच्या माध्यमातून विधानसभेत आमदार प्रतिभाताई धानोरकर यांनी सरकारचे लक्ष वेधले.

यावर उत्तर देताना उद्योग मंत्री उदय सावंत म्हणाले, "शेतकऱ्यांचे नुकसान टाळण्यासाठी सरकार कटिबद्ध आहे. अधिवेशन संपल्यानंतर १५ दिवसाच्या आत या मुद्द्यावर बैठक लावून शेतकऱ्यांना न्याय देऊ असे आश्वासन त्यांनी यावेळी दिले."

या बैठकीत पॉवर कंपनीकडून होणाऱ्या प्रदूषणामुळे शेतकऱ्यांना होणारे नुकसान, नुकसान भरपाईचे कायदे, याबाबत चर्चा होईल. या बैठकीत शेतकऱ्यांचे प्रतिनिधित्व करणारे पदाधिकारी देखील उपस्थित राहतील.