सोलर पॉवरने नव्हे तर, विद्युत प्रवाहित तारेच्या स्पर्शानेच वाघिणीचा मृत्यु तपासात स्पट होईल !

सोलर पॉवरने नव्हे तर, विद्युत प्रवाहित तारेच्या स्पर्शानेच वाघिणीचा मृत्यु तपासात स्पट होईल !

तपासात होईल उलगडा ,वनविभाग अधिकारी!

माजरी प्रतिनिधी:- गजानन देठे

दि.१६.१.२३

माजरी - भद्रावती तालुक्यातील माजरी येथील शेतशिवारात काल एका वाघिणीचा विजेच्या धक्क्याने मृतदेह आढळल्याने एकच खळबळ उडाली. सदर घटना रविवारीच्या सकाळी समोरीस आली आहे. शेतातील शेतपिकाला जंगली प्राण्यांपासून संरक्षण करण्यासाठी लावलेल्या विद्युत प्रवाहात हा वाघ अडकला. शेतमालकाच्या मुलाला तीन दिवस वन कोठडीत ठेवण्यात आले.  प्राप्त माहितीनुसार  क्षेत्र सहाय्यक भद्रावती येथील वन विभागीय अधिकारी विकास शिंदे तपासांतर्गत अटक केलेल्या शेतमालकाच्या मुलाच्या प्रास्ताविक माहितीनुसार  आम्ही शेत संरक्षणासाठी सोलर पॅनलच्या कमी दाबाच्या विद्युत प्रवाहाचा वापर करीत आहे परंतु  वनविभाग अधिकारी यांचे म्हणणे आहे की विद्युत प्रहार सोलर पॅनलचा नसून इलेव्हन के. व्ही. प्रवाह असल्याचे सांगण्यात आले आहे.

शक्यतोवर सोलर पॅनलच्या विद्युत प्रवाहने कोणत्याही श्र्वापदाची मृत्यू होत नाही तरी या वाघिणीचा मृत्यू उच्च दाबाच्या विद्युत प्रवाहामुळे झालेला दिसून येत आहे.

माजरीचे स्थानिक परिसरात ही वाघाच्या मृत्यूची तिसऱ्यांदा घडलेली घटना असल्यामुळे माजरी परिसरात अनेक ठिकाणी असल्या प्रकारचे विद्युत प्रवाह लावल्या जात असल्याचे स्पष्ट होते आहे. त्यामुळे वन्य प्राण्यांच्या उपजीविकेचा सर्वात मोठा गांभीर्याने प्रश्न निर्माण होत आहे.

दिनांक 15.1.2023 रोजी चंद्रपूर वन विभाग उपक्षेत्र भद्रावती येथील सर्व्हे  नंबर 320  /15 शेतमालक पंढरी महादेव पाटेकर यांच्या शेतांतर्गत पट्टेदार वाघीण मरण पावल्याच्या सर्व माजरी परिसरात खडबड उडाली होती मात्र या सविस्तर घटनेत शेत मालकाने स्वमर्जीने आपल्या शेतात उच्च दाबाच्या विद्युत पुरवठा केला होता अशी सूत्रांची माहिती आहे. 

डॉक्टर रविकांत खोब्रागडे पशुवैद्यकीय अधिकारी ताडोबा अंधारी व्याघ्र प्रकल्प डॉक्टर बावणे पशुवैद्यकीय अधिकारी चंद्रपूर यांच्या माहितीनुसार ही वाघीण जवळपास 200 किलो वजनाची असून ही वाघीण रुबाबदार असल्याचे सांगण्यात आले होते. मात्र वन्यजीव स्वरक्षक कायद्या अंतर्गत येणाऱ्या कोणत्याही कलमांचे ध्यान न ठेवता माजरी परिसरातील शेतकऱ्यांनी इलेव्हन केवी च्या उच्च दाबाच्या विद्युत प्रवाहाचा वापर सर्रास होत असल्याचे दिसून येते आहे.

प्रशांत खाडे वन विभाग अधिकारी चंद्रपूर, जे.चौरे, सहाय्यक वनरक्षक, वनविभाग पो. कु.निकिता,, बंडू धोत्रे एन टी सी ए चे प्रतिनिधी, तथा महाराष्ट्र वन्यजीव मंडळ प्रतिनिधी मुकेश भांदककर, प्रधान मुख्य वन जीव रक्षक आमचे प्रतिनिधी व अन्य वन कर्मचारी यांचे उपस्थित पटेदार वाघिणीचे पोस्टमार्टम करण्यात आले.