युवतीचे गळफास घेवून आत्महत्या

युवतीचे गळफास घेवून आत्महत्या

माजरी- प्रतिनिधी    गजानन देठे 

 येथील चैतन्य कॉलनी वार्ड क्रमांक ३ मध्ये राहणाऱ्या एका युवतीने मंगळवारी दुपारी १२ वाजताच्या  सुमारास आपल्या राहत्या घरात गळफास घेऊन आत्महत्या केल्याची घटना उघडकीस आली आहे. कु.रुख्मिणी जियालाल शेवडय्या वय २२ वर्ष असे तिचे नाव आहे. मृतक युवतीचे आई-वडील नसून,गळफास घेत असताना त्यावेळी युवतीची बहीण लहान मुलीला शाळेतून आणण्याकरिता गेली होती, आणि तीन भाऊ बकऱ्यांचा व्यवसायाकरिता बाहेर गावी होते.  रुख्मिणीचे आत्महत्येचे नेमकं कारण समजू शकले नाही. घटनेची माहिती मिळताच माजरी पोलीसांनी घटनास्थळ गाठून पंचनामा केला व प्रेत उत्तरीय तपासणीकरिता उपजिल्हा रुग्णालय वरोरा येथे पाठविण्यात आला. पोलीसांना घटनास्थळी कोणत्याही सुसाईड नोट मिळून आला नाही.

पुढील तपास ठाणेदार अजितसिंग देवरे यांच्या मार्गदर्शनात पोहा. पोहवा बंडू मोहुर्ले,  गुरु शिंदे हे करीत आहे.