शासकीय आश्रम शाळा मंगी शाळेतील शिक्षकांवर बडतर्फची कारवाई करण्यात यावी*

*शासकीय आश्रम शाळा मंगी शाळेतील शिक्षकांवर बडतर्फची कारवाई करण्यात यावी* 

 *मागणी -जनसेवा गोंडवाना पार्टी ,चंद्रपूर* 

 *चंद्रपूर* 

          *मंगी खुर्द येथील एका शासकीय आश्रम शाळेतील शिक्षकाने मुलींशी अश्लील व जातिवाचक शिवीगाळ केल्याची बाब समोर आली आहे सदरहून शिक्षकाचे नाव सुटे असल्याचे तक्रारीत नमूद करण्यात आले आहे. आश्रम शाळेतील हा प्रकार गावातील नागरिकांच्या तसेच जनसेवा गोंडवाना पार्टीचे राजुरा तालुका संघटक भाऊराव सिडाम व काही पदाधिकाऱ्यांचे कानावर येतात या शिक्षकाविरुद्ध त्यांनी एक लेखी निवेदनातून सदरहून शिक्षकाला सेवेतून बडतर्फ करावे अशी मागणी प्रकल्प अधिकारी एकात्मिक आदिवासी विकास प्रकल्प यांचे कडे गुरुवार दिनांक 29 डिसेंबरला केली आहे. या निवेदनाच्या प्रती त्यांनी चंद्रपूरच्या जिल्हाधिकाऱ्यांसह राज्याचे मुख्यमंत्री, आदिवासी विकास मंत्री तसेच अनुसूचित जाती जमाती आयोग मुंबई, भोपाल व आदिवासी विकास विभाग नागपूरचे विभागीय आयुक्त यांच्याकडे पाठवील्या आहे. दरम्यान गुरुवारी चंद्रपुरात वरिष्ठ अधिकाऱ्यांना निवेदन सादर करताना जनसेवा गोंडवाना पार्टीचे गडचिरोली चंद्रपूर लोकसभा अध्यक्ष मा. बंडूजी मडावी, विनोद शेंडे चंद्रपूर गडचिरोली लोकसभा संघटक जनसेवा गोंडवाना पार्टी, ज्योतीताई पेंदोर महिला चंद्रपूर जिल्हा अध्यक्ष जनसेवा गोंडवाना पार्टी, सुदर्शन आत्राम राजूरा तालुका अध्यक्ष जनसेवा गोंडवाना पार्टी, भाऊराव सिडाम तालुका संघटक राजुरा जनसेवा गोंडवाना पार्टी, मिथुन मसराम जिल्हा प्रसिद्धी प्रमुख जनसेवा गोंडवाना पार्टी, शालीक तुमराम जेष्ठ कार्यकर्ते जनसेवा गोंडवाना पार्टी, वसंत मेश्राम उपस्थित होते. या शिक्षकाने केलेले कृत्य हे शिक्षकी पेशाला काळीमा फासणारे असून ते नेहमीच शासकीय आश्रम शाळेतील मुलींना जातीवाचक बोलत असून मुलींकडे वाईट नजरेने बघत असल्याचे तक्रारीत म्हटले आहे. अशा मनोविकृती शिक्षकाची बदली न करता त्यास थेट सेवेतून बडतर्फ करण्याची मागणी जनसेवा गोंडवाना पार्टीच्या पदाधिकाऱ्यांनी केली आहे. त्या शिक्षकाविरुद्ध कारवाही न केल्यास शासकीय आश्रम शाळाविरुद्ध तीव्र आंदोलन करण्याचा इशारा जनसेवा गोंडवाना पार्टीने दिला आहे*.