वरोरा शहरात निर्माण होणार आदिवासी व मुस्लिम समाजाच्या हक्काचे समाजभवन

*वरोरा शहरात निर्माण होणार आदिवासी व मुस्लिम समाजाच्या हक्काचे समाजभवन* 

*खासदार बाळू धानोरकर व  आमदार प्रतिभाताई धानोरकर यांच्या हस्ते भूमिपूजन*

चंद्रपूर : आदिवासी संस्कृतीचे जतन व्हावे, आदिवासी लोककलेला व्यापक स्वरूप मिळावे,  तसेच मुस्लीम समाजाला देखील हक्काची वस्तू  प्राप्त व्हावी याकरिता खासदार बाळू धानोरकर व प्रतिभाताई धानोरकर  यांनी पुढाकार घेऊन दोन सभागृह मंजूर केले आहे.   

आज प्रधानमंत्री खनिज क्षेत्र कल्याण योजनेच्या 2021-22 च्या अंतर्गत चंद्रपूर जिल्ह्यातील वरोरा येथे आदिवासी समाज भवन व मुस्लिम समाज भवनाचा भूमिपूजन सोहळा लोकसभेचे खासदार बाळू धानोरकर आणि वरोरा- भद्रावती विधानसभेचे आमदार प्रतिभाताई धानोरकर यांच्या हस्ते पार पडला. 

शहरातील आदिवासी व मुस्लिम समाज बांधव मागील कित्येक दशकापासून समाज भवन बांधकामाची मागणी पूर्ण झाली आहे. 

 

येथे सामूहिक लग्न, परंपरागत सण उत्सव, आणि त्यांच्यातील उपजत कलागुणांना व सांस्कृतिक कार्यक्रमांना चालना देण्याचा दृष्टीने जागा उपलब्ध नसते. परंतु या समाज भवनांमुळे त्यांना हक्काची जागा मिळणार आहे. 

यावेळी माजी नगराध्यक्ष अह ते शाम अली, शहर काँग्रेस अध्यक्ष विलास टिपले, तालुका काँग्रेस अध्यक्ष मिलिंद भोयर, माजी नगरसेवक गजानन मेश्राम, माजी नगरसेवक राजू महाजन, महिला काँग्रेस अध्यक्षा दीपाली माटे,  अनिल झोटिंग, छोटू शेख, सामाजिक कार्यकर्ता प्रमोद मगरे, मनोहर स्वामी यासह अन्य मान्यवरांची उपस्थिती होती.  दोन्ही समाज भवन बांधकामावर ६० लक्ष रुपये खर्च करून सर्व सोयीयुक्त बांधकाम करणार आहेत. शहरातील आदिवासी व मुस्लिम बांधव समाज भवन झाले पाहिजे याकरिता कित्येक वर्षापासून प्रयत्न करीत होते.  आज दोन्ही समाज भवनाचे भूमिपूजन झाल्याने खासदार बाळू धानोरकर व आमदार प्रतिभाताई धानोरकर यांनी दिलेला शब्द पाळला, अशा प्रतिक्रिया आदिवासी व मुस्लिम समाज बांधव व्यक्त करीत होते.  कार्यक्रमाला मोठ्या प्रमाणात नागरिक उपस्थित होते