आनंद निकेतन महाविद्यालय आनंदवन,वरोरा येथे" महाराष्ट्र स्टार्टअप आणि नाविन्यता यात्रेचे स्वागत "

 आनंद निकेतन महाविद्यालय आनंदवन,वरोरा येथे

" महाराष्ट्र स्टार्टअप आणि नाविन्यता यात्रेचे स्वागत "

वरोरा,

        आनंद निकेतन महाविद्यालय,आनंदवन,वरोरा येथे " महाराष्ट्र स्टार्टअप आणि नाविन्यता यात्रा मोबाईल व्हॅन चे मनःपूर्वक स्वागत  वरिष्ठ व कनिष्ठ महाविद्यालयाच्या शिक्षकवृंदानी तथा विद्यार्थ्यांनी केले. महाविद्यालयाच्या सभागृहात कार्यक्रम घेऊन या यात्रे संदर्भात विद्यार्थ्यांना सविस्तर माहिती देण्यात आली.महाराष्ट्र शासनातर्फे सर्व जिल्ह्यातील तालुक्यांमध्ये या यात्रेच्या माध्यमातून महाविद्यालयीन विद्यार्थी आणि सुशिक्षित बेरोजगार यांना स्वयम रोजगार निर्माण करण्यासाठी त्यांना चालना मिळावी तसेच नवउद्योजक घडविण्यासाठी " ध्यास नाविन्याचा शोध नवउद्योजकांचा " या घोषवाक्य प्रमाणे राज्यातील नागरिकांच्या नवसंकल्पनांना मूर्त स्वरूप देण्यासाठी, महाराष्ट्र शासनाचा उपक्रम शिबिरे घेऊन प्रचार प्रसार करण्यात येत आहे. या कार्यक्रमाचे अध्यक्ष प्रभारी प्राचार्य, प्रा.डॉ.अरविंद सवाने, मार्गदर्शक श्री,रुपेश तलवारे, विभागीय समन्वयक, अमरीन पठाण मॅडम तालुका समन्वयक कौशल्य विकास,खैरे मॅडम तालुका समन्वयक कौशल्य विकास, प्रमुख उपस्थिती उपप्राचार्य, प्रा.राधा सवाने,रा.स.यो. कार्यक्रमधिकारी प्रा.डॉ.मोक्षदा मनोहर,प्रा.राठोड, प्रा.राजू महाजन, महाविद्यालय समन्वयक नीरज आत्राम, या सर्व मान्यवरांनी विद्यार्थ्यांना मार्गदर्शन करताना सांगितले की, महाराष्ट्र च्या तळागळातील नवउद्योजकांना आणि नाविन्यपूर्ण संकल्पनांचा शोध घेऊन त्यांना स्थानिक पातळीवर व्यासपीठ उपलब्ध करून देणे, नवसंकल्पनांना तसेच सुरुवातीच्या टप्प्यातील नवउद्योजकांना प्रोत्साहन, तज्ञ मार्गदर्शन,निधी आणि आवश्यक पाठबळ पुरविणे, राज्यातील उद्योजकता व नाविन्यपूर्ण परिसंस्था बळकट करणे. यात सहभाग घेणाऱ्या महिला व पुरुष  यांना जिल्हास्तरीय पारितोषिके प्रथम रु.25000, द्वितीय रु.15000, तृतीय रु.10000, विभागस्तरीय पारितोषिके 6 स्टार्टअप हिरो प्रत्येकी रुपये 1,00,000 आणि 6 सर्वोत्कृष्ट महिला उद्योजिका प्रत्येकी रुपये एक लाख, तसेच राज्यस्तरीय पारितोषिके 7 क्षेत्रनिहाय प्रत्येकी दोन विजेते प्रथम रुपये एक लाख, द्वितीय रुपये 75 हजार, देण्यात येणार आहे. ज्या नागरिकांना या उपक्रमात सहभाग व्हायचा असेल त्यांनी महाविद्यालय समन्वयक नीरज आत्राम यांच्याशी संपर्क साधावा. स्टार्टअप यात्रेचे प्रामुख्याने तीन टप्पे असतील तालुकास्तरीय प्रचार व प्रबोधन, जिल्हास्तरीय प्रशिक्षण शिबिर व सादरीकरण स्पर्धा, राज्यस्तरीय सादरीकरण स्पर्धा व विजेत्यांची घोषणा असा हा संपूर्ण कार्यक्रम असेल. या कार्यक्रमाचे सूत्रसंचालन तथा प्रास्ताविक महाविद्यालय समन्वयक नीरज आत्राम यांनी केले. तर आभार प्रदर्शन प्रा.वीरशहा आत्राम यांनी केले.या कार्यक्रमाच्या यशस्वितेकरिता प्रा.नितीन बारेकर,प्रा.मानसी काळे, प्रा.रमेश पळसुटकर,प्रा.बाबुल मंडल,आणि इतर सहकाऱ्यांनी केले. या कार्यक्रमाला विद्यार्थ्यांची उपस्थिती बहुसंख्येने लाभली. कार्यक्रमाची सांगता राष्ट्रगीताने करण्यात आली.