ट्रस्ट च्या माध्यमातून हरलेल्या माणसात आत्मविश्वास निर्माण करण्याचे काम सुरु - रविंद्र शिंदे

ट्रस्ट च्या माध्यमातून हरलेल्या माणसात आत्मविश्वास निर्माण करण्याचे काम सुरु - रविंद्र शिंदे

         

आष्टी ता. वरोरा येथील महिलेला एक हात मदतीचा म्हणून शिलाई मशीनचे वितरण

अमर राजू ताजने या मुलाच्या संपुर्ण शिक्षणाचा खर्च ट्रस्ट करणार

वरोरा (प्रतिनिधी):-

             घरची परिस्थिती जेमतेम असल्यावर व्यक्तींना जीवन कसे जगावे व आपल्या कुटुंबाचा उदरनिर्वाह करणे अडचणीचे ठरत असते. त्यामुळे आपणही आपल्या पतीला कामात हातभार लावावा असे प्रत्येक महिलेला वाटत असते. 

        आष्टी येथील मनीषा पोले यांचीही कहाणी अशीच, घरची परिस्थिती जेमतेम व घरात कमावणारे व्यक्ती कमी त्यामुळे गरीबीला तोंड द्यावे लागत असतांना त्यांनी आपली परिस्थिती सुधारणा व्हावी म्हणून पंचायत समिती मार्फत शिलाई मशीन मिळण्याकरिता अर्ज सादर केला परंतु त्यांना शासनाच्या योजनेचा लाभ झाला नाही त्यामुळे त्या हतबल झाल्या पण हारायचे नाही अशी ठाम भूमिका घेतलेल्या मनीषा पोले यांनी स्व. श्रीनिवास शिंदे मेमोरियल रवींद्र शिंदे चॅरिटेबल ट्रस्ट चे अध्यक्ष रवींद्र शिंदे यांच्याकडे धाव घेतली. 

     या गोष्टीची तात्काळ दखल घेत रवींद्र शिंदे यांनी शिवसेना नेते व माजी उपाध्यक्ष नगर परिषद वरोरा खेमराज कुरेकार यांच्या माध्यमातून दि.(01) ला त्यांच्या स्वगावी आष्टी येथे जाऊन त्यांना शिलाई मशीनचे वाटप करण्यात आले.

           शिलाई मशीनचे वाटप कार्यक्रम संपल्यावर गावकऱ्यांशी चर्चा करत असतांना तेथील एक मुलगा हा अनाथ असल्याचे व त्यांचे पालनपोषण त्याची आजी तानेबाई सूर्यभान देऊलकर करत असल्याचे सांगण्यात आले. त्याप्रसंगी क्षणाचाही विलंब न लावता रविभाऊ शिंदे यांनी सदर मुलाला संस्थेमार्फत दत्तक घेत असल्याचे जाहीर केले व त्याच्या पुढील शिक्षणाकरिता काही रोख स्वरूपात आर्थिक मदत केली.

       यावेळी बोलतांना रवींद्र शिंदे यांनी ट्रस्ट मार्फत सुरू असलेल्या आरोग्यविषयक व शैक्षणिक कार्याची माहिती दिली. शेतकरी हा जगाचा पोशिंदा असून कुणीही त्याला कमी लेखू नये व सर्वांनी त्याचा आदर करावा असे सांगून बँकेतर्फे चालवीत असलेल्या विविध योजनांची माहिती दिली. हरलेल्या व्यक्तींमध्ये आत्मविश्वास निर्माण करण्याचे काम कोरोना काळात ट्रस्ट च्या माध्यमातून झाल्याचे त्यांनी नमूद केले तसेच कोरोना काळात मरण पावलेल्या आईवडिलांच्या मुलांच्या लग्नाचा खर्च ट्रस्ट च्या माध्यमातून करत असून त्याची नोंदणी सुरू आहे तरी गरजू व्यक्तीनी आपली नोंदणी करावी  तसेच आचार्य विनोबा भावे रुग्णालय सावंगी मेघे व ट्रस्ट च्या माध्यमातून विविध भागांमध्ये आरोग्यविषयक कॅम्प राबविणार असल्याचे त्यांनी नमूद केले

      यावेळी माजी उपाध्यक्ष नगर परिषद वरोरा तथा शिवसेना नेते खेमराज कुरेकार, दत्ताभाऊ बोरेकर, माजी उपसभापती पंचायत समिती वरोरा तथा संचालक कृषी उत्पन्न बाजार समिती वरोरा, वर्षाताई खेमराज कुरेकार, विनोद कोठेकर, विठ्ठल पोले, सुधाकर पोले, बालाजी ताजने, मुरलीधर पोले, महादेव देऊलकर, गणेश पोले, तुषार पोले,गिरीजा मुक्के, मनीषा पोले (लाभार्थी), तुळजाबाई देऊलकर, मनीषा पिंपळशेंडे, दिनेश पोले यांची उपस्थिती होती. प्रसंगी सर्वांनी भाऊंच्या कार्याचे कौतुक केले व पुढील वाटचाली करीता शुभेच्छा दिल्या.