एका युवकावर केला तीन युवकांनी धारदार शस्त्राने हल्ला; हल्यात युवक गंभीर जखमी.

चंद्रपूरः- जिल्ह्यात आत्महत्या व हल्ल्यात वाढ होत असून वरोरा शहरातील रत्नमाला चौक परिसरात एका युवकावर तीन युवकांनी धारदार शस्त्रांनी हल्ला केला. त्यात युवक गंभीर जखमी झाला. वरोरा येथील उपजिल्हा रुग्णालयात उपचार केल्यानंतर प्रकृती अधिक गंभीर असल्याने त्याला पुढील उपचारार्थ चंद्रपूर येथे दाखल करण्यात आले. 

सदर हल्ल्यात जखमी युवकाचे नाव गणराज गोविंद गेडाम (वय २१, रा. दत्तामंदिर वॉर्ड वरोरा) असे आहे. गणराज गेडाम हा काम शोधण्याकरिता रत्नमाला चौकातून ले-आउटकडे जात असताना अनिकेत राजेश श्रीरंग (वय २०, रा. जिजामाता वॉर्ड) व त्याच्या अन्य तीन सहकाऱ्यांनी धारदार शस्त्राने हल्ला केला. याप्रकरणी पोलिसांनी हल्ला करणाऱ्या युवकांस ताब्यात घेतले आहे. पुढील तपास सुरू आहे

बोर्डा ग्रामपंचायत निवडणुकीत माजी सरपंचास मारहाण.

बोर्डा ग्रामपंचायत निवडणुकीत माजी सरपंचास मारहाण.

वरोरा-महाराष्टात सध्या ग्रामपंचायत निवडणूक ची धामधूम सुरू आहे.यातच चंद्रपुर जिल्ह्यातील वरोरा तालुक्यातील बोर्डा ग्रामपंचायत अंतर्गत निवडणूक मतदान सुरू आहे.तिरंगी लढत असल्याने मतदारांचे मत जिंकण्यासाठी उमेदवाराची जणु चढाओढ सुरू असल्याचे चित्र दिसत आहे.

यातच आपल्या समाजाची मते आपल्या उमेदवार ला मिळावा अशी जाती निहाय मत बांधणीसाठी प्रयत्न सुरू आहे.यातच आज बोर्डा ग्रामपंचायत चे माजी सरपंच भारत सोयाम हे आपल्या प्रभागातील परीचित लोकांसोबत चर्चा करीत असतांना बोर्डा निवासी एक प्रतिष्ठीत व्यक्तीने भारत सोयाम यांना "तु आमची मत हिसकावून राहिला"गोंडाळ्या तुला गडचिरोली च्या जंगलात हिकलीन व जातीवाचक शिवी देत मारहाण केली.सदर घटना घटली तेव्हा जवळच पोलिसांचा ताफा जात होता,पण पोलीसांनी बघ्याची भुमिका घेतली अशा आरोप पिडीत व्यक्तीने केला आहे.सदर निवडणूक दरम्यान आचारसंहिता, सुरू असताना हा प्रकार घडला आहे,सदर प्रकरणाची तक्रार वरोरा पोलीस स्टेशन ला करण्यात आली असुन आरोपीचा राजनैतिक संबंध प्रगढ असल्यामुळे त्याला असल्या प्रकरणाने काहीही फरक पडत नाही अशा आरोप ही नागरीकांनी केला आहे.आता सदर आरोपींवर फौजदारी कारवाई करण्यात येईल की नाही याकडे लक्ष वेधले जात आहे.

माजरी येथे युवतीची गळफास घेऊन आत्महत्या

माजरी येथे युवतीची गळफास घेऊन आत्महत्या

माजरी- प्रतिनिधी अनिल इंगोले

दिनांक १६/१२/२०२०

माजरी येथील स्थानिक वॉर्ड क्रमांक ६ येथील  रहिवाशी असलेल्या जयश्री मोरेश्वर आस्वले वय २० वर्ष असलेल्या युवतीने आपल्याच राहते घरी दिनांक  १५ डिसेंबर रोजी दुपारचे ३: ३५, वा. दरम्या8 गळफास घेऊन आत्महत्या केल्याचे वृत्त आहे . मृतक युवती ही माजरी येथील कर्मवीर विद्यालय माजरी येथे इयत्ता ११  वी कला शाखेत नुकतीच शिकत होती दरम्यान प्राप्त माहितीनुसार सदर युवतीची मानसिक तणावात असून तिची शारीरिक प्रकृती बरोबर नसल्याने तिने आत्महत्या केल्याचे बोलले जात आहे.परंतु जयश्री च्या आत्महत्या चे कारण अजूनही समजू शकले नाही दरम्यान माजरी पोलिसांनी घटनेच्या दिवशी दुपारी ४ वा. घटनास्थळी धाव घेत पंचनामा करून मृतदेह उत्तररिय तपासणीसाठी उपजिल्हा रुग्णालय वरोरा येथे पाठविण्यात आला.पुढील तपास माजरी ठाणेदार यांच्या मार्गदर्शनाखाली माजरी पोलीस करीत आहेत.

*बोर्डा गावात गटाराचे सांडपाणी रस्त्यावर**बोर्डा ग्रामपंचायतचे अक्षम्य दुर्लक्ष !*

*बोर्डा गावात गटाराचे सांडपाणी  रस्त्यावर*

*बोर्डा ग्रामपंचायतचे  अक्षम्य दुर्लक्ष  !*

गोंडवाना न्यूज तुलसीदास अलाम

 वरोरा प्रतिनिधी 

वरोरा :- वरोरा तालुक्यातील बोर्डा गावातील वार्ड क्रमांक - 1 येथील रहिवासी गुणाबाई घाटे यांचे घरापासून तर दिलीप कष्टी यांचे घरापर्यंतचे कॉन्क्रेट रोडवर बोर्डातील सामूहिक लोकांचे सांडपाणी येवून लोकांच्या आरोग्यावर परिणाम होत आहे. सध्या संपूर्ण देशात कोरोना संक्रमनाची साथ सुरु आहे. अनेक वयोवृद्ध व लहान मुले रस्त्यावर घसरून पडल्याने किरकोळ व गंभीर दुःखापत झाली आहे. बोर्डा वॉर्ड क्रमांक 1 मध्ये मच्छराचे प्रमाण मोठया प्रमाणात वाढले आहे. ग्रामपंचायत बोर्डा कडून कधीही गावात कोणतीही फवारणी करण्यात आलेली  नाही. कोरोना वायरस व  इतर कोणत्याही गंभीर बिमारीचा प्रादुर्भाव वाढल्यास कोणतीही व्यक्ती मरण पावल्यास  बोर्डा ग्रामपंचायत, जबाबदार राहील,आणि  त्वरित गटाराच्या सांडपाण्याचे विलेवाट ग्रामपंचायतनी लावावी नाहीतर मोठे आंदोलन करण्यात येईल असे बोर्डा ग्रामस्थ रहीवाश्यांनी  निवेदना दवारे म्हटले आहे.

 सदर   ग्राम पंचायतीने वेळेत योग्य पाऊल न उचल्यास आंदोलन तीव्र होईल.