यिन केंद्रीय कॅबिनेट सभापतीपदी दिव्या भोसले यांची वर्णी

यिन केंद्रीय कॅबिनेट सभापतीपदी दिव्या भोसले यांची वर्णी

संपूर्ण राज्यातील युवकांमधून झाली निवड

मुंबई ( प्रतिनिधी) नुकत्याच झालेल्या यिन 'कॉनक्लेव २०२२' कार्यक्रमात भरघोस मताधिक्क्याने जळगावच्या  दिव्या भोसले यांची यिन केंद्रीय  कॅबिनेट सभापती म्हणून निवड करण्यात आली. राज्यातील लाखो युवकांनी दिव्या भोसले यांच्या नावावर मतांच्या माध्यमातुन शिक्कमोर्तब केले.यिन,समिधा प्रतिष्ठान, राष्ट्रवादी युवती काँग्रेस, स्टुडंट्स ऑलिम्पिक अससोसिएशन अशा विविध संघटनेचे राज्यभरातील त्यांचे संघटनात्मक व सामाजिक कार्य आणि युवक वर्गातील संपर्क याचा विचार करून मतदानाच्या माध्यमातून ही निवड झाली आहे. दोन महिने चाललेल्या या निवड प्रक्रियेच्या सर्व टप्प्यांवर यश मिळवत अखेर दिव्या यांनी या समितीवर त्यांचे स्थान मिळवले. ऑनलाईन परीक्षा, मुलाखत आणि सामाजिक कामाचा अहवाल, अस या निवडीचे स्वरूप होते. भोसले यांचे सामाजिक काम, युवकांचा थेट संपर्क आणि दांडगा अनुभव यामुळे त्यांची नियुक्ती झाली आहे. यिनच्या माध्यमातून दिव्या गेल्या 8 वर्षांपासून संबंध महाराष्ट्रभर कार्यरत आहे. विविध सामाजिक उपक्रमांमध्ये त्यांचा सहभाग असतो.समिधा प्रतिष्ठानच्या माध्यमातून फक्त महाराष्ट्रभर नव्हे तर 5 राज्यांमध्ये शाश्वत विकासाचे अनेक उपक्रम त्यांनी हाती घेतले आहेत. या कार्यक्रमासाठी अभिजीत पवार, पुण्याचे पोलीस आयुक्त अमिताभ गुप्ता, तुकाराम महाराज यांचे वंशज सदानंद मोरे, सिनेअभिनेते सौरभ गोखले, महेंद्र सोनवणे, सकाळचे संपादक  संदीप काळे व यिन चे व्यवस्थापक श्यामसुंदर माडेवार आदी दिग्गज मान्यवरांनी यावेळी या नेतृत्व करणाऱ्या युवकांना मार्गदर्शन केले.

'यिन' च्या माध्यमातुन देशभरातील युवकांना जोडणार.- दिव्या भोसले

येत्या काळात यिन केंद्रीय कॅबिनेट समितीच्या माध्यमातून 'यिन'चे जाळे भारतभर पसरविण्याचे माझा मानस आहे. या माध्यमातून तळागाळातील प्रश्न मी सोडविण्यासाठी कटिबद्ध आहे. युवकांनी माझ्यावर दाखविलेला विश्वास आणि दिलेल्या मताची मी कायम ऋणी राहीन,ही प्रतिक्रिया देऊन दिव्या भोसले यांनी सर्व मतदारांनविषयी कृतज्ञता व्यक्त केली.

विद्यार्थ्यांच्या जडणघडणीत पालकांचेही योगदान :- आमदार प्रतिभा धानोरकर .

  विद्यार्थ्यांच्या जडणघडणीत पालकांचेही योगदान :-  आमदार प्रतिभा धानोरकर

वरोरा काँग्रेसतर्फे गुणवंत विद्यार्थ्यांचा सत्कार

 वरोरा : -

 शिक्षक विद्यार्थ्यांना घडवतात परंतु विद्यार्थ्यांच्या जडणघडणीत पालकांचेही मोठे योगदान असते असे प्रतिपादन आमदार प्रतिभाताई धानोरकर यांनी केले. गुणवंत विद्यार्थी व त्यांच्या पालकांच्या सत्कार सोहळ्यात बोलताना विद्यार्थी यशवंत, किर्तीवंत होताना आपल्या परिवाराचे, आपल्या शाळेचेच नाही, तर आपल्या गावाचाही लोकिक वाढवितात असे आमदार धानोरकर म्हणाल्या.

              वरोरा शहर काँग्रेस कमिटीतर्फे, माध्यमिक व उच्च माध्यमिक शालांत परीक्षेतील गुणवंत विद्यार्थ्यांचा सत्कार सोहळा आज पार पडला.वरोरा शहर काँग्रेस कमेटीचे अध्यक्ष विलास टिपले, बाजार समितीचे माजी सभापती राजेंद्र चिकटे, माजी नगराध्यक्ष गजानन मेश्राम, काँग्रेस महिला तालुकाध्यक्ष रत्ना अहिरकर, शहराध्यक्ष दिपाली माटे, माजी जिप सदस्य सुनंदा जीवतोडे याप्रसंगी प्रामुख्याने उपस्थित होते.

             वरोरा तालुक्यातील माध्यमिक शालांत परीक्षेतील पलक जोबनपुत्रा, सानिया सिंग, नीरज हरियाणी, गायत्री मत्ते, नंदिनी  बरडे, आर्यन लोडे, गायत्री निखाडे, पलक मांडवकर व उच्च माध्यमिक शालान्त परीक्षेतील गुणवंत  मृणाल लाभे, कीर्तिराज जमनोटिया, लब्धी गांधी, हिमांशी बोरा, ज्ञानेश्वरी हिवरे या गुणवंतांचा त्यांच्या पालकासह शाल, पुष्पगुच्छ व स्मृतिचिन्ह देऊन गौरव करण्यात आला.

      याच कार्यक्रमात जयपूर येथे अखिल भारतीय आंतर विद्यापीठस्तरीय वुडबॉल स्पर्धेत गोंडवाना विद्यापीठाकडून खेळणाऱ्या आनंद निकेतन महाविद्यालयाच्या विद्यार्थिनी मयुरी गाडगे, विशाखा भोयर, अनुजा खिरटकर, अंजली चौधरी, मयुर भोयर या सुवर्ण पदक विजेत्या खेळाडुंचाही सत्कार करण्यात आला.

            कार्यक्रमात काँग्रेस पदाधीकारी 

मनोहर स्वामी, छोटूभाई शेख, प्रदीप बुराण,बसंत सिंग, राजु मिश्रा, सुभाष दांदले , अनील झोटींग, सनी गुप्ता, सलीम पटेल, प्रफुल्ल आसुटकर,राहील पटेल, प्रमोद काळे,चेतना शेट्टे, शिरोमणी स्वामी, ऐश्वर्या खामनकर,मंगला पिंपळकर, संगीता आगलावे, मीना रहाटे यांच्यासह गावातील प्रतिष्ठित नागरिक उपस्थित होते.

महागाई विरोधातील आंदोलनात आमदार प्रतिभाताई धानोरकर यांना अटक

*महागाई विरोधातील आंदोलनात आमदार प्रतिभाताई धानोरकर यांना अटक*  

*वरोऱ्यात महागाई विरोधात काँग्रेस रस्त्यावर*

चंद्रपूर : केंद्र सरकारविरोधात आज काँग्रेसकडून देशव्यापी आंदोलनाची हाक देण्यात आली. या पार्श्वभूमीवर देशात काँग्रेस कार्यकर्ते आक्रमक झाल्याचं पाहायला मिळालं. जिल्ह्यामध्येही पोलिसांनी काँग्रेस कार्यकर्त्यांची धरपकड सुरु केली. वरोऱ्यात पोलिसांनी काँग्रेस कार्यकर्त्यांना ताब्यात घेतले. वरोऱ्यात पोलिसांनी आमदार प्रतिभाताई धानोरकर  यांना ताब्यात घेतलं. 

यावेळी तालुका काँग्रेस अध्यक्ष मिलिंद भोयर, शहर काँग्रेस अध्यक्ष विलास टिपले, विशाल बदखल, माजी बाजार समिती सभापती राजेंद्र चिकटे, छोटूभाई शेख, प्रदीप बुराण, सन्नी गुप्ता, मनोहर स्वामी, सलीम पटेल, राहुल देवडे, प्रमोद काळे, विजय पुरी, सुभाष दांदले, राहील पटेल, प्रफुल असूटकर, अनिल झोटिंग, गणेश काळे, पुरुषोत्तम पावडे, राजेंद्र बन्सोड, प्रदीप घागी, तन्वीर शेख, प्रफुल आसुटर, राहुल देवळे, मयूर वीरूटकर, निखिल राऊत, सुरज बावणे, अनिरुद्ध देठे, राजेश महाजन,सूरज गावंडे, प्रमोद नागोसे, शेख रिजवान शेख रसूल, वसंता उमरे, शेख मोहिद्दीन, रवींद्र धोपटे, अरुण बरडे, सुरेश मेश्राम, पुरुषोत्तम पावडे, यशोदा खामणकर, शिरोमणी स्वामी, दीपाली मोरे, सरिता सूर, प्रतिभा सोनटक्के, रत्नमाला अहिरकर, मीना राहटे, माया साळवे, शीतल गेडाम, लता इंदूरकर, मंगला पिपळकर, अभिमान काळे यांची उपस्थिती होती.                

सध्या देशातील वाढती महागाई आणि इंधनाच्या वाढत्या किमतीमुळे सर्वसामान्यांना मोठा फटका बसत आहे. इंधनाच्या किंमती दररोज वाढत असल्याचे चित्र दिसत आहे. वाढत्या महागाईच्या मुद्यावरुन काँग्रेस चांगलीच आक्रमक झाली आहे. या महागाई विरोधात काँग्रेसने देशभर आंदोलन करण्याची घोषणा केली होती. दरम्यान या आवाहनानुसार आज आमदार प्रतिभाताई धानोरकर यांचे सह शेकडो कार्यकर्ते रस्त्यावर उतरले. या कार्यकर्त्यांनी मोदी सरकार विरुध्द घोषणाबाजी करीत परीसर दणाणून सोडला. 

सर्वसामान्य नागरीकांना रोज लागणा-या आवश्यक वस्तुंवर सुध्दा जीएसटी लावण्यात आल्याने खादयपदार्थांची दरवाढ झाली आहे. या भाववाढीने सर्वसामान्य नागरिकांचे जगणे मुश्कील झाले असले तरी सरकार मात्र दखल घेण्यास तयार नाही. त्यामुळे कॉग्रेसने आज देशभर आंदोलन केले. वरोरा - भद्रावती तालुक्यात मोठया प्रमाणात पुराने शेती खरडून गेली.  मात्र, मदत मिळालेली नाही. त्यामुळे शेतक-यांमध्ये सुध्दा सरकार विरुध्द संताप आहे. सरकारच्या या तुघलकी निर्णयांच्या विरोधात अखेर काँग्रेस कार्यकर्त्यांचा राग अनावर झाला. आज वरोरा येथे आमदार प्रतिभाताई धानोरकर यांच्या नेतुत्वात आंदोलन करण्यात आले. यावेळी पोलिसांनी त्यांच्यासह शेकडो काँग्रेस कार्यकर्त्यांना ताब्यात घेतले.

वेकोलि प्रकल्पग्रस्तांच्या नोकरीचा प्रश्न खासदार बाळू धानोरकर यांच्यामुळे सुटला*

*वेकोलि प्रकल्पग्रस्तांच्या नोकरीचा प्रश्न खासदार बाळू धानोरकर यांच्यामुळे सुटला*

चंद्रपूर । बीपी, शुगर व रंग अंधत्व असलेल्या शेकडो प्रकल्पग्रस्तांना नोकरीपासून वंचित राहावे लागत होते. या संदर्भात खासदार बाळू धानोरकर यांनी केंद्राकडे वारंवार पाठपुरावा केला. त्यास वेकोलि अधिकाऱ्यांनी मंजुरी दिल्याने प्रकल्पग्रस्तांच्या नोकरीचा प्रश्न सुटला आहे. खासदार बाळू धानोरकर यांच्या प्रयत्नामुळे हा प्रलंबित प्रश्न सुटल्याने  प्रकल्पग्रस्तांनी आभार मानले आहे. 

कोल इंडीयाकडे संबंधीत प्रकल्पग्रस्तांच्या अनेक तक्रारी प्रलंबित होत्या. बीपी, शुगर व रंग अंधत्व असलेल्याना शारीरिक अनफिट असल्याचे कारण दाखवून  नोकरीपासून वंचित ठेवण्याचा प्रयत्न वेकोलिकडून केला जात होता. खासदार बाळू धानोरकर यांनी सातत्याने पाठपुरावा करून कोल इंडीयाला  सकारात्मक निर्णय घेण्यास भाग पाडले आहे. त्यामुळे प्रकल्पग्रस्तांच्या नोकरीचा मार्ग मोकळा झाला आहे. त्यामुळे चंद्रपूर आणि यवतमाळ जिल्हयातील शेकडो प्रकल्पग्रस्तांना त्याचा लाभ होईल. खासदार धानोरकर यांनी यापूर्वी वेकोलिच्या कायद्यात संशोधन करण्याची गरज व्यक्त केली होती.

पंचायत समितीच्या माध्यमातून बोर्डा क्षेत्रातुन उमेदवाराची संधी मिळाल्यास क्षेत्रात महिला सक्षमीकरण करण्याचा रोशनी अलाम यांचा दावा......

पंचायत समितीच्या माध्यमातून बोर्डा  क्षेत्रातुन उमेदवाराची संधी मिळाल्यास क्षेत्रात महिला सक्षमीकरण करण्याचा रोशनी अलाम यांचा दावा......

वरोरा तालुक्यातील पंचायत समिती बोर्डा क्षेत्रातुन सामाजिक कार्यकर्त्या रोशनी अलाम यांना उमेदवाराची संधी मिळाल्यास क्षेत्रात महिला सक्षमीकरन करण्याचा दावा केला आहे.

सध्या, होऊ द्यातलेल्या पंचायत समिती बोर्डा क्षेत्र हा अनुसूचित जमाती महीलेसाठी आरक्षित झाला असल्याने प्रमुख दावेदार. म्हणून रोशनीताई अलाम त्यांनी क्षेत्रात आपली महिला सक्षमीकरनच्या हेतू आपल्या बोर्डा क्षेत्रात एक दौरा ही पूर्ण केला आहे.

रोशनीताई अलाम यांची ओळख म्हणजे रोशनीताई तुलसीदास अलाम या बोर्डा गावच्या रहिवाशी आहे.

गेल्या अनेक वर्षांपासून त्या तालुक्यात व गावात सामाजिक कार्यात नेहमी सकिय आहे. त्यांचे पत्ती तुलसी अलाम हे पण सामाजिक तथा राजकीय कार्यकर्ते म्हणून तालुक्यात परिचित आहेत.

त्याच्याशी संपर्क केला असता त्या म्हणाल्या की मला पुढील काळा मध्ये रुद्ध महिला निराधार काम करण्याची इच्छा असून मला जर ही संधी मिळाली तर नक्की मी सामाजिक कामासाठी मार्गी लावण्यासाठी प्रयत्न करेल.

जनमानसात त्या अतिशय लोकप्रिय आहेत. बोर्डा, शेगाव, जामगाव बु, जामगाव खुर्द, परसोड, एकअर्जूना, करंजी, शेंबड, यादी गावात त्याचा मोठा मित्र परिवार आहे.

यामुळे त्याच्या उमेदवारी बाबत बोर्डा परिसरात पाठींबा वाढत आहे तसेच बोर्डा क्षेत्रात महिला नेतृत्व म्हणून त्या अल्पाधितच लोकप्रिय झाल्या असल्याचे तसेच वरिषठ पातळीवर अनेक मोठ्या पक्षातील नेत्यांसोबत त्याचा मोठा जनसंपर्क असल्याने त्यांना सर्वच पक्षाकडून उमेदवारीसाठी विचारणा होत आहे .

बोर्डा क्षेत्रात भाजपा कडून पण विचारणा झाली असल्याने लवकरच त्या पक्षप्रवेश व उमेदवारी बाबत आपली भूमिका जाहिर करणार असल्याचे समजत आहे.

यामुळे बोर्डा क्षेत्रात महिला अनुसूचित जमाती जागेसाठी आता आरक्षण सोडत जाहीर होताच उमेदवारी साठी मोठी स्पर्धा निर्माण होत असल्याचे दिसत आहे.

कोण कोण कोणत्या पक्षाकडून उमेदवारी बाबत आपली ताकत अजमावत हे ही पाहणे उत्सुकेचे ठरणार आहे.

तरी बोर्डा क्षेत्रातुन रोशनी अलाम या इच्छुक असून त्यांनी आपल्या  क्षेत्रा एक दौरा ही पूर्ण केल्याचे समजते.

याबाबत लवकरच त्या उमेदवारीबाबत आपली भूमिका जाहिर करणार आहे यामुळे मोठी उलधापालध बोर्डा क्षेत्रात होणार असल्याचे दिसत आहे यामुळे आगामी काळात पंचायत समिति निवडणुका बाबत उत्सुकता वाढली आहे तरी आरक्षना मध्ये महिलासाठी जास्त संधी हया जिल्हा परिषद, पंचायत समिती निवडणूक दरम्यान मिळाल्यास महीला राज पुन्हा एकदा तालुक्यातील दिसणार का असा ही एक सवाल सर्व सामान्य नागरीकांना पडला आहे तरी रोशनीताई अलाम याच्या उमेदवारी बद्धल भविष्य काळच ठरवेल आणि त्या उमेदवारी मिळवणारच असा त्यांनी बोर्डा क्षेत्रातुन निश्रयच केल्याचे चित्र त्याच्या सध्याच्या कारकीर्तीतुन दिसत आहे.

क्रीडांगण शारीरिक विकासाचे केंद्र बनावे : आमदार प्रतिभाताई धानोरकर*

*क्रीडांगण शारीरिक विकासाचे केंद्र बनावे : आमदार प्रतिभाताई धानोरकर*

चंद्रपूर : देशाला जागतिक स्तरावर कणखर बनविण्यासाठी शालेय शिक्षणाबरोबर कौशल्य विकास शिक्षणासोबत क्रीडा क्षेत्राच्या माध्यमातून त्यांच्या शारीरिक विकास करणे गरजेचे आहे. शालेय वयात मुलांना पुस्तकी ज्ञानाबरोबरच शारीरिक विकास साधने अत्यंत गरजेचे असून कोरोना काळात मुले अधिक काळ घरात राहिल्यामुळे त्यांच्या मानसिकतेवर व शारीरिक विकासावर ताण निर्माण झालेला आहे, शाळा चालू झाल्यानंतर हा ताण कमी करण्यासाठी शिक्षकांनी अथक परिश्रम घेणे गरजेचे असून विद्यार्थ्यांना अभ्यासाबरोबर जास्तीत जास्त क्रीडांगण उपलब्ध करून देणे व त्यातून त्यांची शारीरिक क्षमता वाढविणे महत्त्वाचे राहील. क्रीडांगण शारीरिक विकासाचे केंद्र बनण्याची गरज असल्याचे प्रतिपादन आमदार प्रतिभाताई धानोरकर यांनी केले. 

त्या भद्रावती येथील भद्रावती येथे तालुका क्रीडा संकुल येथे बहुउद्देशीय हॉल मध्ये बॅडमिंटन फ्लोरिंग मॅट व क्रीडांगणावर खेळाडूसाठी पिण्याच्या पाण्याची व्यवस्था या दोन्ही कामाचे लोकार्पण करण्यात आले. त्यावेळी त्या बोलत होत्या. 

याप्रसंगी नगराध्यक्ष भद्रावती अनिल धानोरकर, तहसीलदार अनिकेत सोनवणे, पोलीस निरीक्षक गोपाल भारती, मुख्याधिकारी सुर्यकांत पिदूरकर, गट विकास अधिकारी मंगेश आरेवार, जिल्हा क्रीडा अधिकारी अविनाश पुंड, उपविभागीय अभियंता आर. आर. मत्ते, जेष्ठ क्रीडा संघटक डॉ. बी. प्रेमचंद, महासचिव डॉ. राकेश तिवारी, सदस्य सचिव तालुका क्रीडा संकुल समिती विजय डोबाळे यांची उपस्थिती होती. 

पुढे बोलताना आमदार प्रतिभाताई धानोरकर म्हणाल्या कि, भद्रावती - वरोरा विधानसभेत महिला आमदार म्हणून मी काम करीत आहे. या भागातील महिला सर्वच क्षेत्रात अव्वल ठराव्या त्याकरिता महिलांनी पुढे यावे असे आवाहन त्यांनी केले आहे. या भागातील महिलांना येणाऱ्या समस्या मार्गी लावण्यासाठी मी कटिबद्ध असल्याचे त्यांनी सांगितले. यावेळी अन्य मान्यवरांनी देखील आपली मते व्यक्त केली.

धुवाधार पावसात घर कोसळले.🔶भद्रावती तालुक्यातील पावना येथील घटना 🔶

          धुवाधार पावसात घर कोसळले.

🔶भद्रावती तालुक्यातील पावना येथील घटना 

🔶 शम्मा खान आठवड्या पासून अर्धपोटी उपाशी

🔶 प्रशासनासह कुणाचीही मदत नाही

भद्रावती :- देश स्वातंत्र्याचा अमृत महोत्सव सर्वत्र साजरा होत असताना अजुनही काही कुटुंब अत्यंत गरिबीचे व हलाखीचे जीवन जगत असल्याचा प्रत्यय येतो नेसर्गिक आपत्तीचा वेळी तरी त्यांना पुरेशी मदत झाली पाहिजे.

भद्रावती तालुक्यातील पावना येथे ही अत्यंत वेदना दाहक व दुर्देवी घटना घडली या महिलेच्या आईचे घर १२जुलै 2022 च्या रात्रीला तीन वाजेच्या सुमारास भर पावसात कोसळले.

मोलमजुरी करून जगणारी ही महिला एक आठवडया पासून अर्धपोटी उपवशी असून प्रशासनासह कुणीही तिच्या मदतीला धावले नाही. त्या दुर्दैवी महिलेचे नाव आहे शम्मा रमजान खान पठाण या महिलेसह तिच्या आईला प्रशासनाने घरकुलासह शक्य ती सर्व मदत करावी.

अशी मागणी पावना (रे) येथील युवा सामाजिक कार्यकर्ता तुलसीदास अलाम यांनी केली आहे.

पावना या गावात बायादी रमजान खान पठाण ही वयोवुद्ध महिला आणि तिची मुलगी शम्मा ह्या दोघा मायलेकी बऱ्याच वर्षांपासून वास्तव्यास आहे मुलगी शम्मा मोलमजुरी करून आई व स्वतःच जीवन निर्वाह करीत आहे. शम्माचे वडील रमजान याचे तेवीस वर्षापूर्वी निधन झाले. शम्माचा मोठा भाऊ शब्बीर याचे आठ वर्षापूर्वी निधन झाले शम्माचा दुसरा लहान भाऊ मुन्ना नागपूरला रोज मजूरी करून जगत आहे शम्माची आई बायादी याची तीन वर्षापूर्वी हदयाची शस्त्रक्रिया झाली त्यांना डोळ्याने व्यवस्थित दिसत नाही त्यामुळे डोळे तपासणीसाठी त्याचा लहान मुलगा मुन्ना कडे एक महि्न्यापूर्वीच गेल्या आई एक महिन्यापूर्वीच भावाकडे गेली असताना १२ जुलै २०२२ ला रात्रौ भरपावसात घर कोसळले यातघराच्या दोन भिंती पडल्या शिल्लक असलेली एक भित हलत आहे तर दुसरी साधारण बऱ्या अवस्थेत असली तरी त्या दोन्ही भिंती केव्हाही कोसळू शकतात अशीही भीती निर्माण झाली आहे.

घरावर टिनाचे शेड होते सध्या उभ्या असलेल्या परंतु धोका दायक असलेल्या दोन भीतीच्या मध्ये टिनटाकून शम्मा जिवन जगत आहे पावसाने घर अस्तव्यस्त झाले घरात सर्वत्र तिन फूट पाणी साचले.

सर्व सामानाची नासधुस झाली खाण्याकरीता काहीच शिल्लक राहिले नाही ब्रेड व बिस्कीट खाऊन अर्धपोटी राहात असल्याने जगणे अत्यंत कठीण झाल्याचे शम्मा यांनी अत्यंत दुःख पूर्ण अंत करणान बोलतांना सांगितले.

प्रशासनाचे आपल्या समस्येकडे केव्हा लक्ष जाईल ? असा प्रश्र्नही सुध्दा त्यांनी यावेळी उपस्थित केला.