बोर्डाऱ्यातील पाचही वॉर्ड ग्रामपंचायतच्या नागरी सुविधा पासुन वंचित.

 बोर्डाऱ्यातील पाचही वॉर्ड ग्रामपंचायतच्या नागरी सुविधा पासुन वंचित.

बोर्डा ग्रामविकास अधिकाऱ्यांचे पाचही वॉर्ड कडे दुर्लक्ष

     ( तुलसीदास अलाम गोंडवाना न्यूज )

वरोरा :- बोर्डाऱ्यात असलेल्या पाचही वॉर्ड मध्ये कचऱ्याची समस्या दिवसेंदिवस वाढतच चालली  असून पाचही वार्ड मधील नागरिकांना हि समस्या सोसावी लागत आहे. कारण पाचही वॉर्ड  मध्ये कित्येक महिण्यापासून कचरा गाडी येत नसल्याने नागरिकांनी कचरा टाकायचा तरी कुठे पाचही वॉर्ड  च्या नागरीकांना हा प्रश्न पडलेले आहे की आमचा वार्ड  बोर्डा ग्रामपंचायत मध्ये येत नाही का?

 पाचही वार्ड  मध्ये कोणतीच कचरा गाडी अथवा कोणत्याही प्रकारची ग्रामपंचायतची सेवा नाही.दिड महीना पासुन कचऱ्यांची गाडी  येत नाही तसेच लेबर नाली काढतात व नालीतील घाण तशीच कित्येक  दिवस रस्त्यावर  पडुन राहते .लहान मुल घरासमोरा खेळतात पण नालीचा कचरा रस्त्यावर  असल्यामुळे  त्याना सुध्दा खेळायला मिळत नाही वार्ड न. ४च्या नाल्या काढुन भरपुर दिवस झाले मलबा उचलुन नेला नाही .लहान मुलांच्या  आरोग्याला सुध्दा धोका आहे

कचरा हा एकच ठिकानी राहत असल्यामुळे डास व अनेक प्रकारची रोगराई या कचऱ्यापासून निर्माण होत असल्याचे दिसून येत आहे. अभावि पाचही वार्ड मध्ये होत आहे त्यामुळे वार्डातील नगरीकांना खुप जास्त प्रमाणात त्रास सहन करवा लागत आहे.

 

  वरोरा शहरातील युवक मिळून स्वतः वॉर्डात करतात निर्जंतुकीकरण फवारणी आणि नगर परिषद मात्र सुस्तीत

वरोरा:- कोरोना चा प्रसार रोखण्यासाठी निर्जंतुकीकरण करणे गरजेचे आहेत पण वरोरा नगरपरिषद कडून या फवारणीचा किव्हा सॅनिटाईझ चा शिरकाव होतांना दिसत नाही आहे म्हणून शहरातील काही युवक मित्रमंडळी मिळून स्वतःचा वॉर्ड सॅनिटाईझ करण्याचे ठरवले .वरोरा शहरातील सुभाष वॉर्ड येथील प्रवीण चिमुरकर,अमितसिंग ठाकूर,विजय जुनघरे,राजू पोलशेट्टीवार, आणि अन्य मित्रांनी मिळून स्वतःच्या संपूर्ण वॉर्डला सॅनिटाईज करण्यास सुरुवात केली आहे.सुरुवात ही स्वतः पासून केली पाहिजे याच म्हणीचा आदर्श घेत मित्रमंडळी मिळून वॉर्डात फवारणी करीत आहे .संपूर्ण वॉर्डात एकूण 5 फवारणी पंप सुरू आहेत .जे काम नगर परिषदेकडून व्हायला पाहिजे तेच काम या युवकांनी करून आदर्श काम हाती घेतल आहे नगर परिषदेच्या काही गोष्टी निर्दशनात आणून सुद्धा त्या समस्या कडे वरोरा नगर परिषदे कडून झोपीचे ढोंग करताना दिसून येत आहेत.

उदा.१) वरोरा वणींनाका मशान भूमी तील पाण्याची दूर अवस्था. हा प्रशन कित्येक महिन्या पासून आहेत पण या कडे नगर परिषद डोळेझाक करत आहेत .

२)काही ठिकाणी असे लक्ष्यात आले की जर नागरिकांना काही असुविधा होत असेल आणि त्या असुविधा नागरिकांनी आपल्या वार्ड मेम्बर कडे काही समस्या निर्दशनात आणून दिल्या तर वार्ड मेम्बर चे नागरिकांनाशी अश्या प्रकारे बोलणे असते की नगर परिषदे मध्ये सर्व अधिकारी व कर्मचारी कोव्हीड च्या कामात व्यस्त असते . माझा या वार्ड मेम्बरांना एक प्रशन आहे नेमके नगर परिषद चे अधिकारी व कर्मचारी नेमके कोणत्या कोव्हीडच्या कामात व्यस्त असते..? आणि आता परियन्त वॉर्ड मेम्बरानी कोव्हीडचा प्रसार रोखण्यासाठी स्वतः कडून आपल्या वॉर्डातील जनतेच्या हितासाठी काय कामगिरी बजावली आहेत …?अश्या प्रकारच्या प्रश्नांचा वर्षाव जनते कडून वरोरा शहरात मोठ्या प्रमाणात होताना दिसून येत आहे.

बोर्डा ग्रामपंचायतच्या नळाला दूषित पाणी.

 बोर्डा ग्रामपंचायतच्या नळाला दूषित पाणी.

 वरोरा तालुक्यातील बोर्डा येथील काही वॉर्डात दूषित पाण्यामुळे नागरिकांचे आरोग्य धोक्यात आले आहे आठवड्यातून एकदा नळाला पाणी येते.

 एप्रिल महिन्यात आतापर्यंत चार वेळा पाणी आले, चारही वेळा दूषित पाणी आल्यामुळे नागरिक त्रस्त झाले आहेत. ग्रामपंचायतची यंत्रणा मात्र याकडे लक्ष द्यायला तयार नाही. त्यामुळे व्यथा कुणाकडे मांडायची, असा प्रश्न नागरिकांसमोर निर्माण झाला आहे.

बोर्डा गावाच्या काही वार्डात आठ दिवसांनंतर पाणी येते. आणि काही भागातील नळांना दुर्गंधीयुक्त दूषित पाणी येत असल्याची तक्रार नागरिकांनी केली आहे. त्यामुळे नागरिकांना पिण्याच्या पाण्यासाठी जारच्या पाण्यावर अवलंबून रहावे लागते. नळाला येणाऱ्या पाण्याला इतकी दुर्गंधी असते की या पाण्याने आंघोळ करणे किंवा कपडे धुणे देखील शक्य होत नाही. 

 दुर्गंधीयुक्त पाणी हौदातील पाण्यात मिसळत असल्यामुळे हौदातील पाणी देखील वापरण्या योग्य राहिलेले नाही. त्यामुळे नागरिकांना मनस्ताप सहन करावा लागत आहे.

दूषित पाण्याबरोबरच नळाला पाणी येण्याच्या वेळीच वीजपुरवठा खंडित होण्याच्या समस्येला देखील या भागातील नागरिकांना तोंड द्यावे लागत आहे. नळाला १५ ते २० मिनिटेच पाणी येते आणि त्यातच वीजपुरवठा खंडीत होतो, त्यामुळे पाणी भरायचे कसा, असा प्रश्न निर्माण झाला आहे. पाणीपुरवठ्याच्या वेळेतच वीज खंडित कशी होतो याबद्दल नागरिकांमध्ये उलटसलट चर्चा आहे. तांत्रिक कारणामुळे एखाद्या दिवशी पाणीपुरवठा झाला नाही, तर दुसऱ्या दिवशी पाणीपुरवठा केला जात असे. आता तर नऊ-नऊ दिवस पाणीच येत नाही, अशा तक्रारी देखील नागरिकांनी केल्या आहेत. बोर्डा ग्रामपंचायतने यात लक्ष घालून दूषित पाण्याचा प्रश्न प्राधान्याने सोडवावा, अशी मागणी केली जात आहे.

किरकोळ वादातून हत्या!

किरकोळ वादातून हत्या!

माजरी प्रतिनिधी- अनिल इंगोले

माजरी येथील स्थानिक वॉर्ड क्रमांक ६ येथील रहिवासी कृनाल कुमरे (२५)ह्या युवकाची शुल्लक वादातून हत्या झल्याची घटना नुकतीच समोरीस आली आहे दरम्यान या घटनेतील सविस्तर वृत्त असे की कृनाल कुमरे हा दारू पिऊन घरी जात असताना वॉर्ड क्रमांक ६ येथील रहिवासी नत्थु खारकर यांच्या घरासमोरून जात असतांना शुल्लक कारणावरून वाद झाला आणि त्या वादाचे रूपांतर मारहाणीत झाले होते दरम्यान वाद झाला त्या वादमध्ये नत्थु खारकर यांचा मुलगा ज्ञानेश्वर नथु खारकर याने राग अनावर झाल्याने बैलगाडीच्या उभारीने कृनाल कुमरे याला मारहाण केली दरम्यान उभारणीच्या मारहाणीत तो नालीत पडल्यामुळे त्याच्या डोक्याला गम्भीर दुखापत झाली त्यामध्ये काही नागरिकांनी वाद  सोडवत कृनाल कुमरे याला स्थानिक शासकीय रुग्णालयात उपचारासाठी नेले परंतु प्राथमिक उपचार करून येथील वैधकीय अधिकाऱ्यांनी त्यांना तातडीने चंद्रपूर येथे हलविण्यास सांगितले व त्याला उपचारासाठी चंद्रपूर येथे उपचारासाठी दाखल ही करण्यात आले आणि काल दिनांक  २२ला त्याचे डोक्याचे ऑपरेशन करण्यात आले परंतु डोक्यावरील घाव हे गम्भीर स्वरूपाचे असल्याने कृनाल कुमरे याचा मृत्यू रात्री ११वा. दरम्यान झाल्याचे सांगण्यात येत आहे !   त्यापासून दोन दिवस या घटनेची नोंद माजरी पोलीस स्टेशन ला झाली नव्हती ही महत्वाची गोष्ट! काल रात्री माजरी पोलिसांनी कार्यवाही करत   नत्थु  खारकर तसेच त्यांचा मुलगा ज्ञानेश्वर नत्थु खारकर याला ताब्यात घेतले असून पुढील कार्यवाही माजरी पो.नि. विनीत घागी यांच्या मार्गदर्शनाखाली सुरू असल्याचे सांगितले जात आहे.

युवकाचा डागा खाणीच्या गड्ड्यात बुडून मृत्यू

*युवकाचा डागा खाणीच्या गड्ड्यात बुडून मृत्यू

माजरी प्रतिनिधी - अनिल इंगोले

भद्रावती परिसरातील बेलोरा (किलोनी)  येथील रहिवासी असलेला प्रगत बंडू गाडगे (२२)  हा दिनांक १९ मार्च पासून  घरून बेपत्ता असल्याची तक्रार भद्रावती पोलिसांत नोंद झाली होती हा तरुण भद्रावती  मध्ये औधोगिक प्रशिक्षण घेत होता दरम्यान  १९ तारखेला आपले प्रशिक्षण आटोपून सरळ शेतात गेला अशी प्राप्त माहिती आहे त्यावेळी तो डागा  कंपनीने उखन्नामध्ये झालेल्या गड्ड्या मध्ये च्या  सायंकाळी ५च्या दरम्यन शेताकडे गेला असवा स्वतःची गुरे पाणी पाजताना  दरम्यान तोल जाऊन पाण्यात पडल्यामुळे व तरंगता येत नसल्याने तो बुडाला ! दरम्यान मुलगा घरी न परतल्यावर घरच्यांनी जवळपास दोन तीन दिवस  शोध घेतला असता तो  परंतु मिळून आला नाही दरम्यान दिनांक २२ला गावातील नागरिक याच नाल्यावर गेले असता प्रेत तरंगताना दिसून आले याची माहिती भद्रावती स्टेशन ला तात्काळ  देण्यात आली त्यावेळी भद्रावती पोलिसांनी घटनेची दखल घेत पंचनामा करून मृतदेह  उत्तरीय तपासणीसाठी  भद्रावती शासकीय रुग्णालयात पाठविला!

बोर्डा येथील नळाच्या पाण्यात अळ्या अन् किडे

बोर्डा येथील नळाच्या पाण्यात अळ्या अन् किडे

बोर्डा येथील रहिवास्यांना दुषित अळयायुक्त पाण्याचा पुरवठा.

तुलसीदास अलाम

 वरोरा प्रतिनिधी

वरोरा तालुक्यातील बोर्डा वार्ड क्र.4 येथील इंदिरा नगर, विकास नगर, स्वप्नपुर्ती, परिसरात गेल्या सहा दिवसांपासून दूषित पाणीपुरवठा होत आहे. नळामधून पाण्याबरोबर अळया आणि किडे येत असल्याची तक्रार संतप्त नागरिकांनी केली आहे. याबाबत त्वरित कार्यवाही करण्याची मागणी त्यांनी केली.

    

बोर्डा येथील  इंदिरा नगर, विकास नगर वासीयांची तक्रार; शुध्द पाणीपुरवठ्याची मागणी‍

विकास नगर, इंदिरा नगर येथील नेहमीप्रमाणे पाणीपुरवठा होताच पाण्यात अळया आणि किडे आढळले.   इंदिरा नगर, विकास नगर, हे मध्यम वस्ती आहे. सुमारे एक हजार नागरिक येथे राहतात.  या आधीही दूषित पाणीपुरवठा झाला होता.  

 बोर्डागावाच्या काही भागात गेल्या आवठड्यात दूषित पाणीपुरवठा होत असल्याच्या तक्रारी नागरिकांनी केल्या होत्या.  यामुळे बोर्डा ग्रामपंचायतनी  याकडे त्वरित लक्ष देऊन दूषित पाणीपुरवठ्याचे कारण शोधून नागरिकांना शुध्द पाण्याचा पुरवठा करावा, अशी मागणी नागरिकांनी केली आहे.

एका युवकावर केला तीन युवकांनी धारदार शस्त्राने हल्ला; हल्यात युवक गंभीर जखमी.

चंद्रपूरः- जिल्ह्यात आत्महत्या व हल्ल्यात वाढ होत असून वरोरा शहरातील रत्नमाला चौक परिसरात एका युवकावर तीन युवकांनी धारदार शस्त्रांनी हल्ला केला. त्यात युवक गंभीर जखमी झाला. वरोरा येथील उपजिल्हा रुग्णालयात उपचार केल्यानंतर प्रकृती अधिक गंभीर असल्याने त्याला पुढील उपचारार्थ चंद्रपूर येथे दाखल करण्यात आले. 

सदर हल्ल्यात जखमी युवकाचे नाव गणराज गोविंद गेडाम (वय २१, रा. दत्तामंदिर वॉर्ड वरोरा) असे आहे. गणराज गेडाम हा काम शोधण्याकरिता रत्नमाला चौकातून ले-आउटकडे जात असताना अनिकेत राजेश श्रीरंग (वय २०, रा. जिजामाता वॉर्ड) व त्याच्या अन्य तीन सहकाऱ्यांनी धारदार शस्त्राने हल्ला केला. याप्रकरणी पोलिसांनी हल्ला करणाऱ्या युवकांस ताब्यात घेतले आहे. पुढील तपास सुरू आहे