वरोरात स्टॅम्पपेपर विक्रीत लूट थांबवा --- श्री.तुलसी अलाम सामाजिक कार्यकर्ता वरोरा.

वरोरात स्टॅम्पपेपर विक्रीत लूट थांबवा --- श्री.तुलसी अलाम सामाजिक कार्यकर्ता वरोरा.

प्रशासनाची बघ्याची भूमिका ५०० चा स्टॅम्प ५५० रुपयात विक्री

 वरोरा, कायदेशीर कामासाठी आवश्यक असलेल्या स्टॅम्पपेपरच्या विक्रीत वरोरा शहरात सरकारी दराला हरताळ फासून खुलेआम जादा दराने वसुली सुरू असल्याचा संतापजनक प्रकार उघडकीस आला आहे. शासनाने निश्चित केलेला ५०० रुपयाचा स्टॅम्प पेपर थेट ५५० रुपयात विकला जात असल्याचा आरोप तुलसी अलाम याच्या कडून केला जात आहे.

नोंदणी, करारनामा, खरेदी-विक्री, शपथपत्रे व न्यायालयीन कामासाठी आलेल्या नागरिकांना "घ्यायचा असेल तर एवढाच दर" अशी सक्ती केली जात असून कोणतीही पावती न देता जादा पैसे उकळले जात असल्याची चर्चा आहे. हा प्रकार अनेक दिवसांपासून सुरू असूनही संबंधित

मुद्रांक विभाग व प्रशासन डोळेझाक करत असल्याचा आरोप होत आहे. गरीब, शेतकरी, कामगार व मध्यमवर्गीय नागरिकांवर हा ५० रपयांचा बिनधास्त अवैध कर लादला जात असून दररोज शेकडो स्टॅम्प विक्रीतून मोठी रक्कम कुणाच्या खिशात जात आहे, हा प्रश्न अनुत्तरित आहे.

ही अवैध दरवाढ कोणी ठरवली? यामागे दलालांचे जाळे आहे का? संबंधित अधिकारी मौन का बाळगून आहेत? स्टॅम्पपेपर ही थेट शासनाची मालमत्ता असताना, त्याची जादा दराने विक्री म्हणजे सरकारी नियमांची थट्टा व नागरिकांची सरळ फसवणूक असल्याची भावना तीव्रया होत आहे. हा प्रकार थांबवण्यात आला नाही, तर वरोरात याविरोधात जनआक्रोश उसळण्याची शक्यता व्यक्त केली जात आहे. आता तरी जिल्हा प्रशासन, मुद्रांक अधीक्षक व संबंधित अधिकाऱ्यांनी चौकशी करून दोषींवर कारवाई करावी, अशी मागणी तुलसी अलाम यांच्या कडून होत आहे.

स