महसुल मंत्री मा.ना.श्री. चंद्रशेखर बावणकुळे, याची वरोरा येथे प्रचार सभा

 महसुल मंत्री मा.ना.श्री. चंद्रशेखर बावणकुळे, याची वरोरा येथे प्रचार सभा

दिनांक 29/11/2025

वरोरा नगर परिषद सार्वत्रिक निवडणुक 2025 चे रणधुमाळी सूरु असुन त्याप्रचारार्थ महाराष्ट्र शासनाचे महसुल मंत्री मा.ना.श्री. चंद्रशेखर बावणकुळे, याची भव्य सभा वरोरा येथील कर्मवीर विदयालय चे खुले पटांगण येथे उदया दिनांक 29/11/2025 रोज शनिवार ला दुपारी 12.00 वाजेपासुन आयोजित करण्यात आलेले आहे. तव्दतच सदर सभेमध्ये महाराष्ट्र शासनाचे माजी मंत्री तथा माजी पालकमंत्री श्री सुधिरभाऊ मुनगंटीवार, आमदार बल्लारपुर विधानसभा क्षेत्र, आणि श्री करण भाऊ संजय देवतळे, आमदार, वरोरा भद्रावती विधानसभा क्षेत्र, हे सुध्दा उपस्थित राहणार आहेत..

सदर सभेमध्ये वरोरा शहरातील शासकीय जमिनीवर व नगर परिषद जागेवर निवासी प्रयोजनार्थ मागील 15-20 वर्षापासुन अतिक्रमण केलेले रहिवासी यांचे असे अतिक्रमण नियमित करुन स्थाई लिज पटटे देण्याचे महत्वपुर्ण काम मार्गी लागणार असुन वर्षानुवर्षे प्रलंबित समस्याचे समाधान मिळणार आहे तसेच ब-याच वर्षापासुन नगर परिषद वरोरा चे प्रलंबित पाणी पुरवठा योजना कार्यान्वीत होण्यास खुप अडचणी होत आहे तर त्याचेसुध्दा निराकरण या सभेमध्ये होणार आहे. तरी वरोरा शहरातील संपुर्ण नागरिकांना विनंती करण्यात येते की, आपण हजारोच्या संख्येनी या सभेकरिता उपस्थित राहण्यास भारतीय जनता पक्षातर्फे जाहिर आव्हाहन करण्यात येत आहे..

आदिवासी मुलांचे व मुलींचे शासकीय वसतिगृह वरोरा येथे संविधान दिन साजरा.

आदिवासी मुलांचे व मुलींचे शासकीय वसतिगृह वरोरा येथे संविधान दिन साजरा.

वरोरा, दि. 26 : संविधानाच्या उद्देशिकेचे वाचन करुन आदिवासी मुलांचे-मुलींचे शासकीय वसतिगृह वरोरा येथे साजरा केला संविधान दिवस. 26 नोव्हेंबर 1949 रोजी भारताचे संविधान 'अंगीकृत आणि अधिनियमित करुन स्वतः प्रत अर्पण करीत आहोत' अशी शपथ घेतली होती.

केंद्र आणि राज्य शासन दरवर्षी 26 नोव्हेंबर हा दिवस 'संविधान दिवस' म्हणून साजरा करते. या निमित्ताने आदिवासी शासकीय वसतिगृह येथे 'आम्ही, भारताचे लोक, भारताचे एक सार्वभौम, समाजवादी, धर्मनिरपेक्ष, लोकशाही, गणराज्य घडवण्याचा व त्याच्या सर्व नागरिकांस सामाजिक, आर्थिक व राजनैतिक न्याय; विचार, अभिव्यक्ती, विश्वास, श्रध्दा व उपासना यांचे स्वातंत्र्य; दर्जाची व संधीची समानता; निश्चितपणे प्राप्त करुन देण्याचा आणि त्या सर्वांमध्ये व्यक्तीची प्रतिष्ठा व राष्ट्राची एकता आणि एकात्मता यांचे आश्वासन देणारी बंधुता प्रवर्धित करण्याचा संकल्पपूर्वक निर्धार करुन; आमच्या संविधान सभेत दिनांक 26 नोव्हेंबर 1949 रोजी याद्वारे हे संविधान अंगीकृत आणि अधिनियमित करुन स्वतः प्रत अर्पण करीत आहेत... या उद्देशिकेचे वाचन कार्यक्रमाच्या अध्यक्षा -कु. इंदिरा गळमळे गृहपाल आदिवासी मुलींचे शासकीय वसतिगृह वरोरा जि. चंद्रपूर, प्रमुख मार्गदर्शक श्री मा. चिंतामणजी आत्राम सर,प्रमुख अतिथी -श्री. प्रणय चव्हाण गृहपाल आदिवासी मुलांचे  शासकीय वसतिगृह, वरोरा जि. चंद्रपूर  प्रमुख अतिथी -श्री.तुलसीदास अलाम, संचालन -कु. प्रणाली शंकर बरडे, आभार प्रदर्शन यांनी केले. यावेळी संचिता विश्वम्बर मंगाम, -कु. आरती संजू गायकवाड, कु. साक्षी अतुल सावसाकडे व,कु. शिल्पा ऋषी मगरे व तन्मय उपस्थित होते.

 

सौ. माया ताई रमेश राजूरकर : अनुभवाची सांगड आणि लोकसेवेची दृढ वचनबद्धता

सौ. माया ताई रमेश राजूरकर : अनुभवाची सांगड आणि लोकसेवेची दृढ वचनबद्धता

  श्री. अभिषेक किशोरराव भागडे कार्यकर्ता भारतीय जनता पार्टी संपादक स्वतंत्र विदर्भ न्यूज पोर्टल, वरोरा याचे प्रतिउत्तर..

वरोरा नगराध्यक्ष पदासाठी भारतीय जनता पार्टीकडून जाहीर झालेली उमेदवारी मिळाल्यानंतर सौ. माया ताई रमेश राजूरकर यांच्याबद्दल समाजमाध्यमांवर काही ठिकाणी वयाला लक्ष्य करून टिप्पणी केली जात आहे. ‘वय’ हा निकष मानून एखाद्या उमेदवाराची क्षमता मोजणे ही लोकशाहीची भावना नसून, हा विचार समाजातील व्यापक मतमतांतरे समोर आणण्याची वेळ आहे.

वय नव्हे, तर अनुभव हा खरा भांडवल

माया ताई यांचे शिक्षण, सार्वजनिक जीवनातील अनुभव, प्रशासन समजण्याची क्षमता आणि लोकांमध्ये संवाद साधण्याची शैली ही त्यांच्या कामाची खरी ताकद आहे.

वय हा कधीही कमकुवतपणा नसतो—तर उलटपक्षी, अनेक वर्षांच्या अनुभवातून मिळालेली जाण, परिपक्वता आणि दीर्घदृष्टी प्रशासनात अत्यंत महत्त्वाची असते.

इतिहास साक्षी आहे की देशभरातील अनेक यशस्वी नेत्यांनी आपल्या प्रगल्भ वयातच उत्तम नेतृत्व दिले आहे.

परिपक्व नेतृत्व का आवश्यक?

नगरपरिषदेसारख्या संस्थेत निर्णय प्रक्रियेत स्थिरता, संयम, विकासाची स्पष्ट दृष्टी आणि प्रशासकीय समन्वय अत्यंत महत्त्वाचे असतात.

याच गुणांची आजच्या काळात मोठी गरज आहे—आणि हे गुण माया ताईंकडे अनुभवातून आलेले आहेत.

नागरिकांच्या प्रश्नांकडे शांतपणे व संवेदनशीलतेने पाहणे

विकास योजनांमध्ये सातत्य आणि दीर्घकालीन दृष्टी ठेवणे

विविध विभागांशी समन्वय साधून काम पूर्ण करणे

आर्थिक नियोजन, शासकीय कागदपत्रांची जाण, लोकांशी सुसंवाद

हे सर्व कौशल्य वयामुळे कमी होत नाही; उलट अनुभवाने ती अधिक समृद्ध होतात.

सोशल मीडियावरील टीका आणि वास्तव

काही व्यक्तींनी वयाच्या आधारावर केलेल्या टिप्पण्या या केवळ वैयक्तिक मतांपुरत्या मर्यादित आहेत. त्या मतांचा वास्तविक कार्यक्षमतेशी किंवा समाजसेवेच्या क्षमतेशी काहीच संबंध नाही.

लोकशाहीत चर्चा व्हावी, मतभेद असावेत—परंतु व्यक्तीच्या वयाच्या आधारावर कमी लेखणे हे अन्यायकारक तसेच दिशाभूल करणारे ठरते.

माया ताईंचा प्रवासच त्यांच्या क्षमतेचा पुरावा

उच्च शिक्षित

अध्यापन आणि सामाजिक क्षेत्राचा लांब अनुभव

जनसंपर्कातील सहजता

महिलांच्या सक्षमीकरणासाठी सातत्याने काम

पक्ष संघटनात सक्रिय भूमिका

ही सर्व तथ्ये त्यांना एक सक्षम, परिपक्व आणि जबाबदार उमेदवार म्हणून सिद्ध करतात.

नागरिकांना खरे मूल्य पहायचे आहे — काम, दृष्टी आणि प्रामाणिकता

वयावरून टीका करणारे काहीजण असतील, परंतु वरोऱ्यातील मोठा वर्ग हा काम करणारा नेता हवा, विकास करणारा नेता हवा या विश्वासावर आहे.

नेतृत्व ठरवताना ‘किती वय आहे?’ हा प्रश्न नसून

‘किती क्षमता, किती अनुभव आणि किती प्रामाणिकपणा आहे?’

हा प्रश्न अधिक महत्त्वाचा असतो.

---

निष्कर्ष

सामाजिक माध्यमांवर होणारी टीका ही एक बाजू असू शकते, परंतु

अस्सल नेतृत्व नेहमी कामातूनच सिद्ध होते, वयातून नाही.

सौ. माया ताई रमेश राजूरकर यांची उमेदवारी ही अनुभव, शांत स्वभाव, शिक्षण आणि लोकसेवेची दीर्घ परंपरा यावर आधारित आहे—याच गुणांवर वरोरा शहराचा भावी विकास उभा राहू शकतो.

कार्यकर्त्याचे प्रत्युत्तर

 आपला : श्री. अभिषेक किशोरराव भागडे

भारतीय जनता पार्टीचा,कार्यकर्ता संपादक स्वतंत्र विदर्भ न्यूज पोर्टल, वरोरा

नंदोरीत दोन दिवशीय भव्य कबड्डी सामने

नंदोरीत दोन दिवशीय भव्य कबड्डी सामने

सामाजिक कार्यकर्ते अंबर जिवतोडे यांच्या नेतृत्वात आयोजन

भद्रावती तालुक्यातील नंदोरी येथे सामाजिक कार्यकर्ते अंबर अशोक जिवतोडे यांच्या सौजन्याने वरिष्ठ हनुमान क्रिडा मंडळ, नंदोरी बु च्या वतीने दोन दिवसीय भव्य कबड्डी सामने दि. 28 व 29 नोव्हेंबर 2025 रोजी गजानन नगरी च्या भव्य पटांगणामध्ये आयोजन करण्यात आले आहे. या कबड्डी सामन्याचे आयोजन अंबर अशोक जिवतोडे यांनी केले आहे.

या कबड्डी सामन्याचे उद्घाटन सामाजिक कार्यकर्ते अंबर अशोक जिवतोडे हे करणार आहे तर प्रमुख अतिथी म्हणून गावातील सामाजिक कार्यकर्ते उपस्थित राहणार आहे.

नंदोरी-मांगली जिल्हा परिषद क्षेत्रातील कबड्डी खेळाडूंना प्रवेश फी राहणार नसून जिल्हा परिषद क्षेत्राबाहिल कबड्डी खेळाडूंना एका गटास 1 हजार तर दोन्ही गटास 1 हजार आठशे रुपये प्रवेश फी राहणार राहणार आहे.

या कबड्डी सामन्यामध्ये खेळाडूंनी सहभाग घ्यावा असे आवाहन सामाजिक

कार्यकर्ते अंबर अशोक जिवतोडे व वरिष्ठ हनुमान क्रिडा मंडळ, नंदोरी बु च्या सर्व सदस्यांनी केले आहे, जेणेकरून ते त्यांच्यातील खेळाचे कौशल्य आणि शारीरिक तंदुरुस्ती दाखवू शकतील. या आवाहनातून कबड्डीच्या माध्यमातून तरुणांना व्यासपीठ उपलब्ध करून देण्याचा प्रयत्न आहे.

- कबड्डी सामन्यामध्ये राहणार नियम व अटी

ओव्हर वेट व फोटोमध्ये नसल्यास संघ बाद करण्यात येईल, पंचाचा निर्णय अतिम राहील, बाहेरून येणाऱ्या संघाची राहण्याची व भोजनाची व्यवस्था मंडळाकडे विनामुल्य राहील, एका खेळाडूला एकाच संघात खेळता येईल, काही नियम मंडळाकडे राखील राहिल, नैसर्गिक आपत्तीस मंडळ जबाबदार राहणार नाही, नशा पाणि करून खेळू नयें, ग्राऊंड वेट होणार नाही, काही नियम व

शिक्षणासोबतच कबड्डी खेळामध्ये सहभागी होणे खूप महत्त्वाचे आहे, कारण यामुळे शारीरिक आणि मानसिक विकासाला चालना मिळते. कबड्डी हा एक सांधिक खेळ असून तो ताकद,

चपळता आणि रणनीती शिकवतो.

यामुळे विद्यार्थ्यांमध्ये संघभावना,

नेतृत्व आणि निर्णय घेण्याची

क्षमता वाढते. महाराष्ट्राने क्रीडा क्षेत्रात मोठे योगदान दिले आहे आणि शिक्षणाच्या बरोबरीनेच कबड्डीसारख्या खेळांना प्रोत्साहन देणे आवश्यक आहे. म्हणून नंदोरी येथील भव्य कबड्डी सामान्यामध्ये सहभागी व्हा.

अंबर अशोक जिवतोडे, सामाजिक कार्यकर्ते, नंदोरी मांगली जिल्हा परिषद क्षेत्र

दुर्लक्षः मौजा जामगांव (बु) ला जाणारा मुख्य रस्ता, मोजतोय अखेरची घटका !!

दुर्लक्षः मौजा जामगांव (बु) ला जाणारा मुख्य रस्ता, मोजतोय अखेरची घटका !!

जामगांव (बु) रस्ता तातडीने दुरुस्त करा सामाजिक कार्यकर्त्या सौ. रोशनीताई अलाम यांची आमदार करणंदादा देवतळे यांच्याकडे मागणी.

वरोरा तालुक्यातील ग्राम जामगांव (बु)येथे जाणारा या २ किमी रस्त्याचे काम गेल्या अनेक वर्षांपासून करण्यात आले नसल्याने, रस्त्यावर मोठ्या प्रमाणात खड्डे निर्माण झाले आहेत. या रस्त्याचे नाविन्यकरण अंदाजे 8 ते 10 वर्षांआधी करण्यात आले होते. मात्र वर्तमानकाळी सदर रस्ता पूर्णतः उखडून खड्डे व गिट्टीचे साम्राज्य निर्माण झाले आहे. या रस्त्याची तत्काळ नूतनीकरण करण्याची मागणी सामाजिक कार्यकर्त्या सौ.रोशनीताई अलाम यांनी केली आहे.

वरोरा तालुक्यातील ग्राम जामगांव (बु) या गावाला जाण्याकरिता २ किमीचा रस्ता आहे. मागील काही वर्षांपासून या रस्त्याचे काम करण्यात आलेले नसल्याने हा रस्ता पूर्णपणे उखडलेला आहे. जामगांव या गावातील जनतेला ये जा करण्यासाठी हाच एकमेव रस्ता आहे. आणि आता हाच रस्ता अखेरची घटका मोजत आहे. यावर्षी पडलेल्या अतिवृष्टीमुळे या रस्त्याची अवस्था एवढी बिकट झालेली

चाळण झालेल्या रस्त्यावरून गावकऱ्यांचा जीवघेणा प्रवास

आहे की वाहन तर दूरच, साधे पायी चालणेसुद्धा कठीण होऊन बसले आहे. हा रस्ता गेल्या अनेक वर्षांपासून दुरुस्तसुद्धा करण्यात आलेला नाही. उखडलेल्या रस्त्याने अनेकांच्या दुचाकी पंक्चर होत आहेत. या मार्गाने जाणाऱ्या चारचाकी वाहन चालकाला मोठी कसरत करत वाहन चालवावे लागत आहे.

या मार्गावरील गावकरी नागरिकांना एखाद्याचे आरोग्य बिघडल्यास त्याला तालुक्याच्या ठिकाणी नेण्यासाठी मोठी कसरत करावी लागत आहे. बाहेरगावी शाळेत ये-जा करणाऱ्या विद्यार्थ्यांना खड्यामुळे मोठाच त्रास सहन करावा लागतो आहे. त्यामुळे गावकऱ्यांना मोठा त्रास सहन करावा लागत आहे. सदर मार्गाची त्वरित दुरुस्त करण्यात यावी अशी मागणी सौ. रोशनीताई तुलसीदास अलाम यांनी निवेदना द्वारे वरोरा भद्रावती विधानसभा क्षेत्राचे लोकप्रिय आमदार करनदादा देवतळे  यांच्याकडे  करण्यात आली आहे.

वरोरा ते एकोणा फाटा पर्यंत रस्ता बांधकाम करण्यात यावे.

वरोरा ते एकोणा फाटा पर्यंत रस्ता बांधकाम करण्यात यावे

एकोणा ग्रामवासीयांचे आमदार करणभाऊ देवतळे यांच्याकडे मागणी.

वरोरा तालुक्यातील एकोणा WCL मधील कोळशाची वाहतूक ही एकोणा फाटा ते वरोरा या रस्त्यावरुन दिवरात्र सतत सुरु असते, सदर रस्त्याची क्षमता ही जड वाहतूकीची नसल्याने रस्ता पुर्णपणे खराब झालेला आहे, रस्त्यावर मोठमोठे खड्डे पडलेले आहे, रस्त्यावर नेहमी धुळीचे साम्राज्य पसरलेले असल्याने चालकास समोरचे स्पष्ट दिसून येत नाही, दुचाकीने प्रवास करणा-या प्रवाशांना तर प्रवास करणेच अवघड झाले आहे, पावसाळ्यात खड्ड्यांमध्ये पुर्णपणे पाणी साचलेले असते. अश्याप्रकारे रस्त्याची दयनीय अवस्था झालेली आहे. वरोरा ते एकोणा फाटा या रस्त्याने प्रवास करणा-या प्रवाशांचा सतत किरकोळ अपघात होत आहे, भविष्यात गंभीर घटना घडण्याची शक्यता नाकारता येत नाही,

रस्त्याची दुर्दशा लक्षात घेता वरोरा ते एकोणा फाटा पर्यंतच्या रस्त्याचे बांधकाम करणे गरजेचे आहे. दिनांक 23/11/2025 रोज रविवार पर्यंत सदर रस्ता बांधकामाबाबत प्रशासनाने कोणत्याही प्रकारची हालचाल न केल्यास मौजा एकोणा व चरुरखटी येथिल सर्व ग्रामस्थांकडुन एकोणा फाटा येथे चक्का जाम आंदोलन करण्यात येईल, करीता आपल्या स्तरावरुन रस्ता बांधकाम करण्यात येवून नागरिकाना पायाभूत असलेली सुविधा निर्माण करुन देण्यात यावे  एकोणा ग्रामवासीया तर्फे निवेदन मा. आमदार श्री. करणभाऊ देवतळे यांना देण्यात आले निवेदन देताना.चंद्रशेखर पहापाळे , महारत्न लोहकरे माजी सरपंच एकोणा, शुभम बोथले, स्वप्निल भडके, हेमंत घुगल, सुनील ठावरी, आकाश मेश्राम, अनिकेत उताणे ,प्रवीण भडके , प्रेमकुमार घुगल, गणेश ढेगळे, प्रवीण मेश्राम, संकेत नान्ने, लोभानंद भडके ,सुनील मेश्राम , प्रशांत मोडक, गजानन चौधरी एकोणा, चरुर खटी, वनोजा या गावातील नागरीक उपस्थित होते.

तेजस्विनी महिला पतसंस्था घोटाळा प्रकरणात उच्च न्यायालयाचे निर्देश

तेजस्विनी महिला पतसंस्था घोटाळा प्रकरणात उच्च न्यायालयाचे निर्देश

सहा आठवड्यांत विदिनिष्ठ अहवाल सादर करण्याचा आदेश

चंद्रपूर : वरोरा येथील

तेजस्विनी महिला नागरी सहकारी पतसंस्थेतील झालेल्या आर्थिक गैरव्यवहार प्रकरणाला गती देत मुंबई उच्च न्यायालयाच्या नागपूर खंडपीठाने महत्त्वपूर्ण आदेश जारी केला आहे. रिट याचिका क्रमांक ६८७८/२०२५ वर दि. १३ नोव्हेंबर २०२५ रोजी झालेल्या सुनावणीत न्यायालयाने प्रलंबित असलेला विदिनिष्ठ (Final Enquiry) अहवाल सहा आठवड्यांच्या आत सादर करावा, असे स्पष्टपणे नमूद केले आहे.

तेजस्विनी पतसंस्थेतील आर्थिक अनियमिततेसंदर्भात झालेल्या विशेष लेखापरीक्षणात तत्कालीन संचालक मंडळाच्या कार्यकाळात मोठ्या प्रमाणात गैरव्यवस्थापन, अयोग्य कर्जवाटप, चुकीचे आर्थिक निर्णय आणि त्यातून निर्माण झालेले प्रचंड थकीत कर्ज यांचा पर्दाफाश झाला आहे. त्या काळात कार्यरत असलेल्या नर्मदा बोरेकर

(अध्यक्ष), मनीषा बोरेकर (उपाध्यक्ष), विनोद कोकाडे (सचिव), वर्षा चतुरकर, सोनाली कोकांडे, दत्ता बोरेकर, शारदा पेंदोर, तुळशिराम तुराळे, प्रियंका पेंदोर, शैलेश पेटकर आणि कान्होपात्रा सालेकर या संचालक मंडळावर थेट जबाबदारी असल्याचे विशेष लेखापरीक्षक एस. एस. बन्सोड यांच्या अहवालात नमूद करण्यात आले आहे. या गैरव्यवस्थापनामुळे संस्थेतील ठेवीदारांच्या ठेवी अडकल्या असून शेकडो ठेवीदार आर्थिक चिंतेत सापडले आहेत. दरम्यान, दोषींवर फौजदारी कार्यवाहीसाठी आवश्यक असलेला विदिनिष्ठ अहवाल सादर करण्याची जबाबदारी वरोरा येथील सहाय्यक निबंधक एस. एच. संधू यांच्यावर होती. त्यांनी १३ मार्च २०२४ आणि २० ऑगस्ट २०२५ रोजी दोन स्वतंत्र आदेशांद्वारे हा अहवाल तत्काळ सादर करण्याचे निर्देश दिले होते. मात्र, वारंवार आदेश देऊनही अहवाल सादर न झाल्याने दोषींवर पुढील कायदेशीर कारवाई ठप्प झाली होती आणि

ठेवीदारांचा विश्वास अधिकच डळमळीत झाला होता.

या प्रशासकीय निष्क्रियतेने त्रस्त होऊन श्रीमती रोहिणी रमेश पाटील यांनी उच्च न्यायालयात रिट याचिका दाखल केली. त्यांनी प्रलंबित विदिनिष्ठ अहवाल तात्काळ न्यायालयाच्या आदेशाने प्राप्त व्हावा, अशी मागणी केली होती. न्यायालयाने तिच्या मागणीला मान देत स्पष्ट केले की २० ऑगस्ट २०२५ चा आदेश बंधनकारक असून विदिनिष्ठ अहवाल आता कोणत्याही परिस्थितीत सहा आठवड्यांत सादर करणे आवश्यक आहे.

उच्च न्यायालयाच्या या कडक निर्देशांमुळे अनेक वर्षे ठप्प असलेले प्रकरण पुन्हा मार्गावर येण्याची शक्यता निर्माण झाली आहे. अहवाल सादर झाल्यानंतर दोषी संचालकांवर प्रशासकीय तसेच फौजदारी कारवाईचा मार्ग मोकळा होणार असून ठेवीदारांच्या अडकलेल्या ठेवींसंदर्भात सकारात्मक हालचाल होण्याची अपेक्षा व्यक्त केली जात आहे.

वरोरा भाजपा परिवारात नवे सदस्य – विकास परचाके यांचा भाजपा प्रवेश

वरोरा भाजपा परिवारात नवे सदस्य – विकास परचाके यांचा भाजपा प्रवेश 

वरोरा : 
वरोरा-भद्रावती विधानसभा क्षेत्राचे आमदार करण दादा देवतळे साहेब यांच्या प्रभावी नेतृत्वावर विश्वास ठेवून मालवीय प्रभाग क्रमांक एक, वरोरा येथील विकास परचाके आणि अर्चना विकास परचाके यांनी आज भारतीय जनता पार्टीमध्ये प्रवेश केला.

या प्रवेशावेळी वरोरा शहर भाजपा अध्यक्ष संतोष पवार आणि भद्रावती ग्रामीण अध्यक्ष श्यामभाऊ उरकडे यांच्या उपस्थितीत हा कार्यक्रम पार पडला.

या प्रसंगी शहराध्यक्ष संतोष पवार यांनी माहिती देताना सांगितले की, “आमदार करणदादा देवतळे साहेब यांच्या कार्यशैली, लोकाभिमुख नेतृत्व व जनसंपर्कामुळे नागरिकांचा विश्वास अधिक दृढ होत चालला आहे. त्यांच्या नेतृत्वाखाली विकासाचे नवे पर्व सुरू झाले असून अनेक नागरिक स्वेच्छेने भारतीय जनता पार्टीत प्रवेश करीत आहेत.”

भविष्यातही अनेक नागरिक आमदार साहेबांच्या नेतृत्वावर विश्वास ठेवून भारतीय जनता पार्टीमध्ये प्रवेश करणार असल्याची माहिती त्यांनी दिली.

भाजपाचे वाढते जनाधार आणि आमदार करणदादांचे सक्षम नेतृत्व वरोरा शहरात नवी ऊर्जा निर्माण करत आहे.