जुगार अड्ड्यावर पोलिसांची धाड, दहा लाखाचा मुद्देमाल जप्त

जुगार अड्ड्यावर पोलिसांची धाड, दहा लाखाचा मुद्देमाल जप्त

वरोरा:---वरोरा येथील बोर्डा चौकात असलेल्या  दिपक बार अँड रेस्टॉरंट च्या बाजूला  असलेल्या गळ्यातील अर्जुन ट्रेडर्स येथे दहा नागरिक अवैध रित्या ताशपत्याचा खेळ खेळत असताना विभागीय पोलीस अधिकारी आयुष नोपाणी यांनी धाड टाकीत दहा लाख चोवीस हजार आठशे ऐंशी रुपयांचा  मुद्देमालासह अटक करण्यात आली. ही कारवाही 22ऑगस्ट रोजी रात्री पाऊने बाराच्या सुमारास झाली सविस्तर याप्रमाणे आहे की दिपक उर्फ संभाजी महाजन बोर्डा, सुभाष नथुजी आसुटकर बोर्डा, प्रकाश शामराव खोब्रागडे ,देशपांडे लेआउट वरोरा, हेमंत शिवलिंग राजपूत ,द्वारका नगरी वरोरा ,डेविड शंकर बागेसर,  मारुती राहूजी गायकवाड,वायगावता. भद्रावती, विशाल अशोक आसूटकर, बोर्डा ,प्रकाश सत्यवान ताजणे, प्रकाश नारायण आवारी,गंफहाडे ले आउट, बावने लेआउट, चेतन शामराव घुगल साई मंगल कार्यालय वरोरा,अशी आरोपींची नावे आहे ,तर चार दुचाकी MH34BC5501,

MH43S4226,

MH34BM6338,

MH34AY2337

व चार चाकी क्र. MH34BR8118 ही वाहने घटनास्थळी जप्त करण्यात आली असा एकूण 10,24,880रु मुद्देमाल जप्त करण्यात आला.

राज्य शासनाची अतिवृष्टी भरपाई दिलासाजनक नाही, पूरग्रस्त शेतकऱ्यांना भरीव आर्थिक मदत मिळावी.

राज्य शासनाची अतिवृष्टी भरपाई दिलासाजनक नाही, पूरग्रस्त शेतकऱ्यांना भरीव आर्थिक मदत मिळावी

जिल्हाधिकारी, चंद्रपूर मार्फत महाराष्ट्र शासनाचे मुख्यमंत्री, उपमुख्यमंत्री, विधानसभा व विधानपरिषदचे विरोधी पक्षनेता यांना आज (दि.१९) ला निवेदन देण्यात आले

स्व. श्रीनिवास शिंदे मेमोरिअल रवि शिंदे चॅरीटेबल ट्रस्ट, चंद्रपूर चे संस्थापक अध्यक्ष रवि शिंदे, जिल्हा परिषद सदस्य प्रवीण सुर, पंचायत समिती, वरोरा चे माजी उपसभापती दत्ता बोरेकार, पंचायत समिती, भद्रावतीचे माजी सदस्य भास्कर ताजणे, नगरपरिषद वरोराचे माजी उपाध्यक्ष खेमराज कुरेकार, पंचायत समिती, भद्रावतीचे माजी उपसभापती नागोराव बहादे व पुरपिडीत शेतकऱ्यांची मागणी

भद्रावती/वरोरा : 

                 दुबार अतिवृष्टीमुळे विदर्भातील शेतकऱ्यांचे अतोनात नुकसान झाले आहे. या पार्श्वभूमीवर राज्य शासनाची अतिवृष्टी भरपाई दिलासाजनक नाही. राज्य शासनाची मदत तुटपुंजी आहे. एनडीआरएफचे निकष कालबाह्य झाले आहे. निर्णय घेतांना एकरी पीककर्ज वाटप, शेती, घर व जनावरांचे नुकसान, शेतीपूरक व्यवसायाचे नुकसान, पूरपरिस्थिती नंतरचे आजार, रोगराई या सर्वांचा विचार करन्यात यावा. शेतकऱ्यांना त्यांनी घेतलेल्या हेक्टरी पीक कर्जाची सरसकट माफी, सानुग्रह अनुदान तथा नियमित कर्ज भरणाऱ्या शेतकऱ्यांना ५० हजार अनुदान तथा चंद्रपूर हा औद्योगिक जिल्हा असल्याने वेकोली प्रभावित क्षेत्रातील शेतीच्या नुकसानीची भरपाई वेकोलीच्या सीएसआर फंडातून करावी, आदी स्वरूपात मदत द्यावी, तरच शेतकऱ्यांची खऱ्या अर्थाने मदत होईल, याबाबत जिल्हाधिकारी, चंद्रपूर मार्फत महाराष्ट्र शासनाचे मुख्यमंत्री, उपमुख्यमंत्री, विधानसभा व विधानपरिषदचे विरोधी पक्षनेता यांना निवेदन देण्यात आले आहे.

          राज्यातील पूरग्रस्तांसाठी मंत्रिमंडळाच्या बैठकीत (दि.१०) ला निर्णय घेण्यात आला आहे. त्यानुसार पूरग्रस्तांना आता हेक्टरी १३,६०० रुपये मदत मिळणार आहे. एनडीआरएफच्या नियमांप्रमाने जेवढी मदत दिली जात होती त्यापेक्षा दुप्पट मदत देण्याचा दावा राज्य सरकारने केला आहे. त्याचबरोबर दोन हेक्टरची मर्यादा वाढवून ती तीन हेक्टरपर्यंत करण्यात आली आहे. एनडीआरएफच्या नियमानुसार ६,८०० रुपये मिळत होते. त्यापेक्षा दुप्पट म्हणजे १३,६०० रुपये प्रति हेक्टर इतकी मदत देण्याचा निर्णय मंत्रिमंडळाच्या बैठकीत घेण्यात आला आहे. मात्र हा निर्णय शेतकऱ्यांचे अश्रू पुसण्यास पुरेसा नसून याने शेतकऱ्यांचे दुबार अतिवृष्टीमुळे झालेले अतोनात नुकसान भरुन निघू शकणार नाही. 

            जिल्हा बँकेच्या व अन्य बँकेच्या माध्यमातून प्रती एकरी पीक कर्जाचे वाटप करण्यात येत असते व आले आहे. ज्यामध्ये धानपिकाकरीता एकरी १९,१०० रु., ज्वारीपिका करीता एकरी ११,२०० रु., कापूसपिका करीता एकरी २८,७०० रु., तूरपिका करीता एकरी १९,००० रु., सोयाबीन पिका करीता एकरी २१,१०० रु., ऊसपिका करीता एकरी ४६,४०० रु., भुईमुग पिका करीता एकरी ३१,००० रु., मकापिका करीता एकरी १३,८०० रु., मिरचीपिका करीता एकरी ४३,३०० रु., उडीदपिका करीता एकरी ११,९०० रु., मूंगपिका करीता एकरी ११,७०० रु. आदी प्रकारे पीक कर्ज वाटप झालेला आहे. त्या तुलनेत राज्य सरकारची मदत एकरी नसून हेक्टरी आहे व ती फारच अत्यल्प आहे.           

            या विषयावर चंद्रपूर जिल्ह्यातील वरोरा व भद्रावती तालुक्यात नुकतीच शेतकऱ्यांची व गावातील सहकारी संस्था तथा ग्रामपंचायत पदाधिकारी यांची बैठक झाली आहे. या बैठकीत एप्रिल, मे, जुन मध्ये घेतलेले पीक कर्ज माफ होऊन नव्याने पीक कर्ज उपलब्ध करून देण्यात यावे, पीक कर्जाची सरसकट माफी द्यावी, सानुग्रह अनुदान द्यावे, नियमित कर्ज भरणाऱ्या शेतकऱ्यांना ५० हजार रु. अनुदान द्यावे, वेकोली प्रभावित क्षेत्रातील शेतीच्या नुकसानीची भरपाई वेकोलीच्या सीएसआर व खनिज विधी फंडातून करावी आदी मागण्यांचा गावपातळीवर ठराव घेवून राज्य शासनाला गावा गावातून जिल्हाधिकारी मार्फत ठराव पाठविण्याची मोहीम सुरु आहे. त्यामुळे या निर्णयाचा राज्य शासनाने फेरविचार करावा. निर्णय घेतांना शेती, घर व जनावरांचे नुकसान, शेतीपूरक व्यवसायाचे नुकसान, पूरपरिस्थिती नंतरचे आजार, रोगराई या सर्वांचा विचार करावा. विदर्भ, मराठवाड्यासह राज्यात अतिवृष्टीनं झालेलं पिकांचं, घरांचं, शेतजमीनींचं नुकसान प्रचंड आहे. एनडीआरएफचे निकष कालबाह्य झाले असल्यानं सरकारनं दुप्पट मदत जाहीर करुनही शेतकऱ्यांना जराही दिलासा मिळणार नाही त्यामुळे शेतकऱ्यांच्या तोंडाला पाने पुसल्या सारखे होईल व शेतकऱ्यांना भरीव मदत होणार नाही. मागील काही वर्षात शासन उद्योगपतींचे कर्ज माफ करत आली आहे. शेती हा देखील एक उद्योग आहे. शेतकरी हा जगाचा पोशिंदा आहे. शेती व शेतकरी जगला तरच देश जगेल. त्याप्रमाणे शेतकऱ्यांचे देखील कर्ज माफ करावे. शासन जर उद्योगपतींचे कर्ज माफ करीत असेल तर शेतकऱ्यांचे कर्ज माफ करणे क्रमप्राप्त आहे.

        तसेच अजुनपर्यंतसुध्दा शेतकऱ्यांच्या संबंधित असलेल्या स्वामीनाथन आयोगाच्या शिफारशी केंद्र शासनाने स्विकारलेल्या नाहीत सदर शिफारशी स्विकारुन त्याची अमलबजावणी केल्यास महाराष्ट्रातील शेतकऱ्यांना अशा संकटाच्या वेळी नक्कीच मदत होईल त्यामुळे शेतकऱ्याचे नुकसान टाळण्याच्या दृष्टीने स्वामीनाथन आयोगाच्या शिफारशी लागु करण्याकरीता केंद्रशासनाकडे शिफारस करण्यात यावी.

         अन्यथा राज्य शासनाविरोधात शेतकरी बाधंवाचे हित जोपासल्या गेले नाही तर आंदोलन करण्यात  येईल. वेळप्रसंगी सदर मागणीला घेवून उच्च न्यायालयाच्या खंडपिठात शेतकरी बाधंवाच्या न्यायिक मागणी करीता जनहित याचिका दाखल करण्यात येईल.

            यावेळी स्व. श्रीनिवास शिंदे मेमोरिअल रवि शिंदे चॅरीटेबल ट्रस्ट, चंद्रपूर चे संस्थापक अध्यक्ष रवि शिंदे, जिल्हा परिषद सदस्य प्रवीण सुर, पंचायत समिती, वरोराचे माजी उपसभापती दत्ता बोरेकार, पंचायत समिती, भद्रावती चे माजी सदस्य भास्कर ताजणे, वरोरा नगरपरीषदेचे माजी उपाध्यक्ष खेमराज कुरेकार, माजी भद्रावती पंचायत समिती सदस्य नागोराव बहादे व आदी शेतकरी बांधवानी लेखी निवेदन देवुन मागणी केली आहे.

जनसेवा गोंडवाना पार्टी तर्फ़े पूरग्रस्तांना मदत

*जनसेवा गोंडवाना पार्टी तर्फ़े पूरग्रस्तांना मदत* 

 *प्रा.धिरज     सेडमाके प्रदेश अध्यक्ष जनसेवा गोंडवाना पार्टी* 

 

 चंद्रपूर

  *जनसेवा गोंडवाना पार्टीचे राष्ट्रीय अध्यक्ष  अवचितरावजी सयाम साहेब   यांच्या आदेशानुसार*

  *जनसेवा गोंडवाना पार्टी व गोंडवाना विद्यार्थि संघटने तर्फे एक हात मदतीचा या उपक्रमा अंतर्गत सिरोंचा येथील अतिदुर्गम भाग मानल्या जाणाऱ्या बेजूरपल्ली, पर्सेवाडा, रूमाली, मुळेवाही, रेगुडवाहि, पिरमेडा, मोयाबिनपेठा, या गावातील पुरपिढीतांना अन्नधान्याची व कपड्यांची मदत  जनसेवा गोंडवाना पार्टीच्या वतीने करण्यात आली*.

*ज्या गावात मदत पोहचविण्यात आली तेथील परिस्थिती अत्यंत भयावह होती. तेथील लोकांचे घरे पडलेली होती. अनाज, कपडे सर्व काही पुरात वाहून गेले. लोकांच्या डोळ्यात अश्रू होते. तेथील लोकांना खऱ्या अर्थाने आधार देण्याची गरज होती. आधार व मदत पोहचविण्याचे काम जनसेवा गोंडवाना पार्टी च्या वतीने करण्यात आले.*

*सिरोंचा येथील पुरपिढीतांना मदत देतांना- प्रा.धिरज सेडमाके प्रदेशाध्यक्ष जनसेवा गोंडवाना पार्टी म.रा, बंडूजी मडावी चंद्रपूर लोकसभा क्षेत्र ज.गों.पा., सारंग कुमरे चंद्रपुर जिल्हाध्यक्ष गों.वि.स, गणेश कुळसंगे उपाध्यक्ष ज.गों.पा. चंद्रपूर, रंजित येरकाडे चंद्रपूर शहर अध्यक्ष ज.गों.पा., सुदर्शन आत्राम राजुरा तालुका अध्यक्ष ज.गों.पा., शालिक तुमराम चंदनवाहि, आकाश आत्राम, अंकित मडावी, सचिन मडावी, शुभम आत्राम, प्रदिप गेडाम, गोलु मारटकर, मुरलीधर आत्राम या सर्वांची उपस्थिती होती...*

अमृत महोत्सवी वर्षात भाजपला त्यांची जागा दाखवू

*अमृत महोत्सवी वर्षात भाजपला त्यांची जागा दाखवू*

*खासदार बाळू धानोरकर यांचे प्रतिपादन*

चंद्रपूर : 2022 पासून संपूर्ण देशामध्ये आजादी का अमृत महोत्सव साजरा होत आहे. या निमित्ताने काँग्रेसच्या माध्यमातून जनमानसांपर्यंत पोहोचण्याचा प्रयत्न देखील केला जात आहे. केंद्रातील मोदी सरकार हे लुटारू सरकार असून, 2024 च्या निवडणुकीमध्ये त्यांना त्यांची जागा दाखवून देऊ, असे प्रतिपादन खासदार बाळू धानोरकर यांनी केले.

स्वातंत्र्याच्या अमृत महोत्सवी वर्षानिमित्त भारतीय राष्ट्रीय काँग्रेसच्या वतीने आजादी गौरव यात्रा काढण्यात येत आहे. नऊ ऑगस्ट पासून निघालेली ही यात्रा आज 13 ऑगस्ट रोजी वरोरा भद्रावती विधानसभा मतदारसंघांमध्ये पोहचली. यावेळी संबोधित करताना खासदार बाळू धानोरकर बोलत होते.

आजादी गौरव पदयात्रा भारतीय स्वातंत्र्याच्या ७५ व्या वर्षानिमित्त स्वातंत्र्याचा जाज्वल्य इतिहास आणि भारताच्या जडणघडणीतील काँग्रेसचे योगदान जनसामान्यांपर्यंत पोहोचविण्याच्या हेतूने काँग्रेसतर्फे निघालेली आजादी गौरव पदयात्रा उद्या दि. १३ ऑगस्ट रोजी सकाळी १०.00वाजेपासून शेगाव - खेमजई - टेमुर्डा- येन्सा- वरोरा जाजू हॉस्पिटल ते गांधी चौक - नंदोरी आंबेडकर चौक भद्रावती या मार्गे वरोरा - भद्रावती विधानसभा क्षेत्रात दाखल झाली.

यावेळी आमदार प्रतिभा धानोरकर, काँग्रेसचे ग्रामीण जिल्हाध्यक्ष प्रकाश देवतळे, चंद्रपूर शहर जिल्हाध्यक्ष रामू तिवारी, महिला काँग्रेसच्या ग्रामीण जिल्हाध्यक्ष नम्रता ठेमस्कर, वरोरा तालुका काँग्रेस अध्यक्ष मिलिंद भोयर ,शहराध्यक्ष विलास टिपले, भद्रावती तालुका काँग्रेस अध्यक्ष प्रशांत काळे, माजी सभापती कृषी उत्पन्न बाजार समिती राजू चिकटे, भद्रावती शहराध्यक्ष सुरज गावंडे, माजी नगराध्यक्ष गजानन मेश्राम, राजू महाजन प्रदीप बुराण, अनिल झोटींग, सविता सूर,रत्नमाला अहिरकर, दिपाली माटे,सुनंदा जिवतोडे, सूरज गावंडे, विनयबोधी डाेंगरे, प्रशांत काळे, सरिता सूर, वर्षा ठाकरे, प्रशांत झाडे, प्रमोद नागोसे, दातारकर ताई, निमकर ताई, गेडाम ताई, ढुमणे ताई, निखील राऊत, अक्षय बोंडे, गितेश सातपुते, सुधीर खोब्रागडे, सुधीर पारखी, विवेक आकोजवार, रवींद्र धोपटे, वसंतराव विधाते, गिरीधरजी विजय कष्टी, माधव कोटकर, विजय आत्राम, विकास डांगरे, विशाल बदखल, मयूर विरुटकर, सुरेश टेकाम, चंद्रासजी मोरे,  रमेश चुधरी, अरुण बरडे, लक्ष्मण बैस, वाघ गुरुजी, लभाने ताई, देवानंद मोरे, त्रिशूल निबुधे, करण भुसारी, राहुल, पवन मेधराम, गणेश काळे, विजय खिरटकर, अविनाश पायघन आदींची उपस्थिती होती.

प्रशासनाने शेतकऱ्यां विषयीचे टेबलवरील षडयंत्र थांबवावे*

 *प्रशासनाने शेतकऱ्यां विषयीचे टेबलवरील षडयंत्र थांबवावे* 

 *सरसकट कर्जमाफीसह ओला दुष्काळ जाहीर करावा* 

 *चंद्रपूर,* 

              एक महिन्यापासून जिल्ह्यामध्ये सतत पाऊस पडत होता. त्यामुळे शेतकऱ्याची वाताहत झाली असून त्याच्या कुटुंबाला आत्महतेशिवय पर्याय उरलेला नाही. टेबलवर बसून दुष्काळाची परिस्थिती लक्षात घेण्याचे षडयत्र प्रशासन स्थरावर सुरू असून, त्यामुळे शेतकऱ्यांना न्याय मिळणार नाही.शेतकऱ्यांनी लावलेले कापूस, सोयाबीन, धानपिकातून उत्पन्न मिळणार नसल्यामुळे शेतकऱ्यांना हेक्टरी 50 हजार रुपये नुकसान भरपाई सात दिवसाच्या आत शेतकऱ्यांच्या खात्यावर जमा करावी. शेतकऱ्यांना सरसकट कर्जमाफ  करण्यात यावे. अशी मागणी जनसेवा गोंडवाना पार्टीचे प्रदेशाध्यक्ष प्रा. धीरज सेडमाके यांनी जिल्हाधिकऱ्यांना दिलेल्या निवेदनातून केली आहे.

        शेतकऱ्यांनी शेतामध्ये केलेल्या पिकाची लगवल. रोवणी जास्त पावसामुळे वाहून गेले आहे. सतत पाऊस पडत असल्यामुळे शेतकऱ्यांचे अतोनात नुकसान झाले. जिल्ह्यातील संपूर्ण तालुक्यामध्ये शेतकऱ्यांना दुबार तीबर पेरणी करावी लागली आहे. शासनाने शेतीचे पंचनामे करून तात्काळ नुकसान भरपाई देऊन . जिल्हा ओला दुष्काळग्रस्त जाहीर करावा.  परंतू सरकारला शेतकऱ्यांच्या जिव्हाळ्याच्या व  आत्महतेशी सबंधित असलेल्या प्रश्नांचे काही एक घेणे देणे नसल्याचा आरोप केला असून मानवतेच्या दृष्टिकोनातून शासनाने या गंभीर बाबीकडे गांभीर्याने लक्ष देऊन तीन दिवसामध्ये नुकसान भरपाई जाहीर करावी तसेच ओला दुष्काळ जाहीर करून सरसकट कर्जमाफी करावी. अन्यथा जनसेवा गोंडवाना पार्टी तीव्र आंदोलन उभारेल . अशा इशारा निवेदनातून देण्यात आला आहे. यावेळी प्रा. धीरज सेडमाके प्रदेश अध्यक्ष जनसेवा गोंडवाना पार्टी म. रा, बंडुजी मडावी चंद्रपूर लोकसभा अध्यक्ष ज.गो.पा, जोतीताई पेंदोर महिला जिल्हा अध्यक्ष ज.गो.पा, गणेश कुळसंगे चंद्रपूर उपाध्यक्ष  ज.गो.पा, रंजीत येरकाडे शहर अध्यक्ष ज.गो.पा, मिथुन मसराम चंद्रपूर जिल्हा  प्रसिद्धी प्रमुख यांची उपस्थिती होती.

अतिवृष्टीच्या नुकसानीचे पंचनामे करून नुकसान भरपाई द्या

अतिवृष्टीच्या नुकसानीचे पंचनामे करून नुकसान भरपाई द्या 

खासदार बाळू धानोरकर यांचे यवतमाळ जिल्हाधिकारी अमोल येडगे यांना निवेदन  

यवतमाळ : जिल्ह्यातील मारेगांव तालुक्यात झालेल्या पुरामुळे शेतकऱ्यांचे अतोनात नुकसान झाले. अतिवृष्टीमुळे नुकसानग्रस्त शेतकऱ्यांनी नुकसानभरपाई त्वरीत न झाल्यास तहसिल कार्यालयसमोर उपोषण आंदोलनाचा इशारा दिला आहे. त्यामुळे अतिवृष्टीच्या नुकसानीचे पंचनामे करून नुकसान भरपाई देण्याची मागणी खासदार बाळू धानोरकर यांनी केली आहे. या संदर्भातील निवेदन यवतमाळचे जिल्हाधिकारी अमोल येडगे यांना दिले.  

मागील महिनाभरापासून सुरु असलेल्या पावसामुळे शेतीचे मोठे नुकसान झाले. शेतातील हिरवागार शेतमाल सडला आहे. जनावरांचा चारा व बांधावरचा चारा देखील सडला. कुटार, कडबा कुट्टीचे नुकसान झाले. शेतीसह चारा, खते, उपकरणे आदींची नुकसान भरपाई त्वरित मिळावी. शेतात पावसाळ्यात बैलबंडी जात नसल्याने शेतात साठवणूक केलेले रासायनिक खताचे नुकसान झाले आहे व ते सर्व रासानिक खते पुराने वाहुन गेले आहेत. शेतात असलेले सर्व अवजारे, साहित्य पुराने वाहुन गेले. गावात शिरलेल्या पाण्यामुळे शेतकरी व शेतमजुरांच्या घरांचे मोठया प्रमाणात नुकसान झाले. शेतात असलेल्या जलसिंचनाच्या विहीरीमध्ये पूर्णतः गाळ साचल्यामुळे पूर्ण विहीरी मातीने बुजलेल्या व खचलेल्या आहे. त्यामुळे भविष्यात ओलीताचा प्रश्न ऐरणीवर आला आहे. ज्या शेतकऱ्यांनी जमिनी मक्त्याने केल्या अशाचे देखील पुर्णतः नुकसान झालेले आहे.  नळ योजनेच्या विहीरी मध्ये गाळ साचल्याने पाणी पुरवठा खंडित झाला आहे, त्यामुळे त्वरीत गाळ काढावी, अशी मागणी त्यांनी केली. 

यावेळी जिल्‍हा परिषदेचे माजी सभापती तथा सदस्‍य अरुणाताई खंडाळकर, मारेगाव काँग्रेस कमिटीचे तालुका अध्यक्ष मारोती गौरकार, शिवणी (धोबे) सरपंच अशोकराव धोबे, चिचमंडळचे उपसरपंच प्रफुल विखनकर, कोसाराचे सरपंच पांडूरंग नन्नावरे, नवरगांवचे माजी सरपंच अरुण नक्षणे, शिवणीचे माजी सरपंच जगदीश काटवले, खैरगावचे सरपंच चंद्रकांत जवादे, अभिजीत भांडेकर, पलाश बोढे आदींची उपस्‍थिती होती.

यिन केंद्रीय कॅबिनेट सभापतीपदी दिव्या भोसले यांची वर्णी

यिन केंद्रीय कॅबिनेट सभापतीपदी दिव्या भोसले यांची वर्णी

संपूर्ण राज्यातील युवकांमधून झाली निवड

मुंबई ( प्रतिनिधी) नुकत्याच झालेल्या यिन 'कॉनक्लेव २०२२' कार्यक्रमात भरघोस मताधिक्क्याने जळगावच्या  दिव्या भोसले यांची यिन केंद्रीय  कॅबिनेट सभापती म्हणून निवड करण्यात आली. राज्यातील लाखो युवकांनी दिव्या भोसले यांच्या नावावर मतांच्या माध्यमातुन शिक्कमोर्तब केले.यिन,समिधा प्रतिष्ठान, राष्ट्रवादी युवती काँग्रेस, स्टुडंट्स ऑलिम्पिक अससोसिएशन अशा विविध संघटनेचे राज्यभरातील त्यांचे संघटनात्मक व सामाजिक कार्य आणि युवक वर्गातील संपर्क याचा विचार करून मतदानाच्या माध्यमातून ही निवड झाली आहे. दोन महिने चाललेल्या या निवड प्रक्रियेच्या सर्व टप्प्यांवर यश मिळवत अखेर दिव्या यांनी या समितीवर त्यांचे स्थान मिळवले. ऑनलाईन परीक्षा, मुलाखत आणि सामाजिक कामाचा अहवाल, अस या निवडीचे स्वरूप होते. भोसले यांचे सामाजिक काम, युवकांचा थेट संपर्क आणि दांडगा अनुभव यामुळे त्यांची नियुक्ती झाली आहे. यिनच्या माध्यमातून दिव्या गेल्या 8 वर्षांपासून संबंध महाराष्ट्रभर कार्यरत आहे. विविध सामाजिक उपक्रमांमध्ये त्यांचा सहभाग असतो.समिधा प्रतिष्ठानच्या माध्यमातून फक्त महाराष्ट्रभर नव्हे तर 5 राज्यांमध्ये शाश्वत विकासाचे अनेक उपक्रम त्यांनी हाती घेतले आहेत. या कार्यक्रमासाठी अभिजीत पवार, पुण्याचे पोलीस आयुक्त अमिताभ गुप्ता, तुकाराम महाराज यांचे वंशज सदानंद मोरे, सिनेअभिनेते सौरभ गोखले, महेंद्र सोनवणे, सकाळचे संपादक  संदीप काळे व यिन चे व्यवस्थापक श्यामसुंदर माडेवार आदी दिग्गज मान्यवरांनी यावेळी या नेतृत्व करणाऱ्या युवकांना मार्गदर्शन केले.

'यिन' च्या माध्यमातुन देशभरातील युवकांना जोडणार.- दिव्या भोसले

येत्या काळात यिन केंद्रीय कॅबिनेट समितीच्या माध्यमातून 'यिन'चे जाळे भारतभर पसरविण्याचे माझा मानस आहे. या माध्यमातून तळागाळातील प्रश्न मी सोडविण्यासाठी कटिबद्ध आहे. युवकांनी माझ्यावर दाखविलेला विश्वास आणि दिलेल्या मताची मी कायम ऋणी राहीन,ही प्रतिक्रिया देऊन दिव्या भोसले यांनी सर्व मतदारांनविषयी कृतज्ञता व्यक्त केली.

विद्यार्थ्यांच्या जडणघडणीत पालकांचेही योगदान :- आमदार प्रतिभा धानोरकर .

  विद्यार्थ्यांच्या जडणघडणीत पालकांचेही योगदान :-  आमदार प्रतिभा धानोरकर

वरोरा काँग्रेसतर्फे गुणवंत विद्यार्थ्यांचा सत्कार

 वरोरा : -

 शिक्षक विद्यार्थ्यांना घडवतात परंतु विद्यार्थ्यांच्या जडणघडणीत पालकांचेही मोठे योगदान असते असे प्रतिपादन आमदार प्रतिभाताई धानोरकर यांनी केले. गुणवंत विद्यार्थी व त्यांच्या पालकांच्या सत्कार सोहळ्यात बोलताना विद्यार्थी यशवंत, किर्तीवंत होताना आपल्या परिवाराचे, आपल्या शाळेचेच नाही, तर आपल्या गावाचाही लोकिक वाढवितात असे आमदार धानोरकर म्हणाल्या.

              वरोरा शहर काँग्रेस कमिटीतर्फे, माध्यमिक व उच्च माध्यमिक शालांत परीक्षेतील गुणवंत विद्यार्थ्यांचा सत्कार सोहळा आज पार पडला.वरोरा शहर काँग्रेस कमेटीचे अध्यक्ष विलास टिपले, बाजार समितीचे माजी सभापती राजेंद्र चिकटे, माजी नगराध्यक्ष गजानन मेश्राम, काँग्रेस महिला तालुकाध्यक्ष रत्ना अहिरकर, शहराध्यक्ष दिपाली माटे, माजी जिप सदस्य सुनंदा जीवतोडे याप्रसंगी प्रामुख्याने उपस्थित होते.

             वरोरा तालुक्यातील माध्यमिक शालांत परीक्षेतील पलक जोबनपुत्रा, सानिया सिंग, नीरज हरियाणी, गायत्री मत्ते, नंदिनी  बरडे, आर्यन लोडे, गायत्री निखाडे, पलक मांडवकर व उच्च माध्यमिक शालान्त परीक्षेतील गुणवंत  मृणाल लाभे, कीर्तिराज जमनोटिया, लब्धी गांधी, हिमांशी बोरा, ज्ञानेश्वरी हिवरे या गुणवंतांचा त्यांच्या पालकासह शाल, पुष्पगुच्छ व स्मृतिचिन्ह देऊन गौरव करण्यात आला.

      याच कार्यक्रमात जयपूर येथे अखिल भारतीय आंतर विद्यापीठस्तरीय वुडबॉल स्पर्धेत गोंडवाना विद्यापीठाकडून खेळणाऱ्या आनंद निकेतन महाविद्यालयाच्या विद्यार्थिनी मयुरी गाडगे, विशाखा भोयर, अनुजा खिरटकर, अंजली चौधरी, मयुर भोयर या सुवर्ण पदक विजेत्या खेळाडुंचाही सत्कार करण्यात आला.

            कार्यक्रमात काँग्रेस पदाधीकारी 

मनोहर स्वामी, छोटूभाई शेख, प्रदीप बुराण,बसंत सिंग, राजु मिश्रा, सुभाष दांदले , अनील झोटींग, सनी गुप्ता, सलीम पटेल, प्रफुल्ल आसुटकर,राहील पटेल, प्रमोद काळे,चेतना शेट्टे, शिरोमणी स्वामी, ऐश्वर्या खामनकर,मंगला पिंपळकर, संगीता आगलावे, मीना रहाटे यांच्यासह गावातील प्रतिष्ठित नागरिक उपस्थित होते.

महागाई विरोधातील आंदोलनात आमदार प्रतिभाताई धानोरकर यांना अटक

*महागाई विरोधातील आंदोलनात आमदार प्रतिभाताई धानोरकर यांना अटक*  

*वरोऱ्यात महागाई विरोधात काँग्रेस रस्त्यावर*

चंद्रपूर : केंद्र सरकारविरोधात आज काँग्रेसकडून देशव्यापी आंदोलनाची हाक देण्यात आली. या पार्श्वभूमीवर देशात काँग्रेस कार्यकर्ते आक्रमक झाल्याचं पाहायला मिळालं. जिल्ह्यामध्येही पोलिसांनी काँग्रेस कार्यकर्त्यांची धरपकड सुरु केली. वरोऱ्यात पोलिसांनी काँग्रेस कार्यकर्त्यांना ताब्यात घेतले. वरोऱ्यात पोलिसांनी आमदार प्रतिभाताई धानोरकर  यांना ताब्यात घेतलं. 

यावेळी तालुका काँग्रेस अध्यक्ष मिलिंद भोयर, शहर काँग्रेस अध्यक्ष विलास टिपले, विशाल बदखल, माजी बाजार समिती सभापती राजेंद्र चिकटे, छोटूभाई शेख, प्रदीप बुराण, सन्नी गुप्ता, मनोहर स्वामी, सलीम पटेल, राहुल देवडे, प्रमोद काळे, विजय पुरी, सुभाष दांदले, राहील पटेल, प्रफुल असूटकर, अनिल झोटिंग, गणेश काळे, पुरुषोत्तम पावडे, राजेंद्र बन्सोड, प्रदीप घागी, तन्वीर शेख, प्रफुल आसुटर, राहुल देवळे, मयूर वीरूटकर, निखिल राऊत, सुरज बावणे, अनिरुद्ध देठे, राजेश महाजन,सूरज गावंडे, प्रमोद नागोसे, शेख रिजवान शेख रसूल, वसंता उमरे, शेख मोहिद्दीन, रवींद्र धोपटे, अरुण बरडे, सुरेश मेश्राम, पुरुषोत्तम पावडे, यशोदा खामणकर, शिरोमणी स्वामी, दीपाली मोरे, सरिता सूर, प्रतिभा सोनटक्के, रत्नमाला अहिरकर, मीना राहटे, माया साळवे, शीतल गेडाम, लता इंदूरकर, मंगला पिपळकर, अभिमान काळे यांची उपस्थिती होती.                

सध्या देशातील वाढती महागाई आणि इंधनाच्या वाढत्या किमतीमुळे सर्वसामान्यांना मोठा फटका बसत आहे. इंधनाच्या किंमती दररोज वाढत असल्याचे चित्र दिसत आहे. वाढत्या महागाईच्या मुद्यावरुन काँग्रेस चांगलीच आक्रमक झाली आहे. या महागाई विरोधात काँग्रेसने देशभर आंदोलन करण्याची घोषणा केली होती. दरम्यान या आवाहनानुसार आज आमदार प्रतिभाताई धानोरकर यांचे सह शेकडो कार्यकर्ते रस्त्यावर उतरले. या कार्यकर्त्यांनी मोदी सरकार विरुध्द घोषणाबाजी करीत परीसर दणाणून सोडला. 

सर्वसामान्य नागरीकांना रोज लागणा-या आवश्यक वस्तुंवर सुध्दा जीएसटी लावण्यात आल्याने खादयपदार्थांची दरवाढ झाली आहे. या भाववाढीने सर्वसामान्य नागरिकांचे जगणे मुश्कील झाले असले तरी सरकार मात्र दखल घेण्यास तयार नाही. त्यामुळे कॉग्रेसने आज देशभर आंदोलन केले. वरोरा - भद्रावती तालुक्यात मोठया प्रमाणात पुराने शेती खरडून गेली.  मात्र, मदत मिळालेली नाही. त्यामुळे शेतक-यांमध्ये सुध्दा सरकार विरुध्द संताप आहे. सरकारच्या या तुघलकी निर्णयांच्या विरोधात अखेर काँग्रेस कार्यकर्त्यांचा राग अनावर झाला. आज वरोरा येथे आमदार प्रतिभाताई धानोरकर यांच्या नेतुत्वात आंदोलन करण्यात आले. यावेळी पोलिसांनी त्यांच्यासह शेकडो काँग्रेस कार्यकर्त्यांना ताब्यात घेतले.

वेकोलि प्रकल्पग्रस्तांच्या नोकरीचा प्रश्न खासदार बाळू धानोरकर यांच्यामुळे सुटला*

*वेकोलि प्रकल्पग्रस्तांच्या नोकरीचा प्रश्न खासदार बाळू धानोरकर यांच्यामुळे सुटला*

चंद्रपूर । बीपी, शुगर व रंग अंधत्व असलेल्या शेकडो प्रकल्पग्रस्तांना नोकरीपासून वंचित राहावे लागत होते. या संदर्भात खासदार बाळू धानोरकर यांनी केंद्राकडे वारंवार पाठपुरावा केला. त्यास वेकोलि अधिकाऱ्यांनी मंजुरी दिल्याने प्रकल्पग्रस्तांच्या नोकरीचा प्रश्न सुटला आहे. खासदार बाळू धानोरकर यांच्या प्रयत्नामुळे हा प्रलंबित प्रश्न सुटल्याने  प्रकल्पग्रस्तांनी आभार मानले आहे. 

कोल इंडीयाकडे संबंधीत प्रकल्पग्रस्तांच्या अनेक तक्रारी प्रलंबित होत्या. बीपी, शुगर व रंग अंधत्व असलेल्याना शारीरिक अनफिट असल्याचे कारण दाखवून  नोकरीपासून वंचित ठेवण्याचा प्रयत्न वेकोलिकडून केला जात होता. खासदार बाळू धानोरकर यांनी सातत्याने पाठपुरावा करून कोल इंडीयाला  सकारात्मक निर्णय घेण्यास भाग पाडले आहे. त्यामुळे प्रकल्पग्रस्तांच्या नोकरीचा मार्ग मोकळा झाला आहे. त्यामुळे चंद्रपूर आणि यवतमाळ जिल्हयातील शेकडो प्रकल्पग्रस्तांना त्याचा लाभ होईल. खासदार धानोरकर यांनी यापूर्वी वेकोलिच्या कायद्यात संशोधन करण्याची गरज व्यक्त केली होती.