New best story on Hacker News: Sergey Brin: Irate Call from Steve Jobs

Sergey Brin: Irate Call from Steve Jobs
512 by cocacola1 | 334 comments on Hacker News.

New best story on Hacker News: How many layers of UI inconsistencies are in Windows 11?

How many layers of UI inconsistencies are in Windows 11?
551 by crecker | 402 comments on Hacker News.

*स्व. श्रीनिवास शिंदे मेमोरिअल रवींद्र शिंदे चॅरीटेबल ट्रस्ट, चंद्रपूर द्वारा आदर्श विवाह सोहळा संपन्न*

*स्व. श्रीनिवास शिंदे मेमोरिअल रवींद्र शिंदे चॅरीटेबल ट्रस्ट, चंद्रपूर द्वारा आदर्श विवाह सोहळा संपन्न*

*विदेही सदगुरू श्री. संत जगन्नाथ महाराज जनजागृती, प्रबोधन सामाजिक उपक्रमाअंतर्गत नियोजन*

*श्री. गुरुदेव सेवा मंडळ, जामगाव (खुर्द) येथील राष्ट्रसंत तुकडोजी महाराज यांच्या ५४व्या पुण्यतिथी सोहळ्याचे औचित्य*

वरोरा : 

वरोरा तालुक्यातील श्री. गुरुदेव सेवा मंडळ, जामगाव (खुर्द) येथील सामुहिक प्रार्थना मंदिर परिसरात सुरू असलेल्या राष्ट्रसंत तुकडोजी महाराज यांच्या ५४व्या पुण्यतिथी सोहळ्याचे औचित्य साधून आदर्श विवाह आज  (दि.३) ला संपन्न झाला. सदर विवाह स्व. श्रीनिवास शिंदे मेमोरिअल रविन्द्र शिंदे चॅरीटेबल ट्रस्टद्वारा विदेही सदगुरू श्री. संत जगन्नाथ महाराज जनजागृती, प्रबोधन सामाजिक उपक्रमाअंतर्गत नियोजित करण्यात आला होता.

वरोरा तालुक्यातील जामगांव खुर्द येथील चि.सौ.का. राधा विजय गुडधे व यवतमाळ जिल्ह्यातील धामणगाव रोड, मोहा येथील वैभव श्रावण येरके यांचा शुभविवाह संपन्न झाला.

यावेळी व्यासपिठावर माजी विधानसभा उपाध्यक्ष मोरेश्वर टेमुर्डे, वरोरा विधानसभा प्रमुख (स्वतंत्र प्रभार) रविन्द्र श्रीनिवास शिंदे, स्व. श्रीनिवास शिंदे मेमोरीयल रविंद्र शिंदे चॅरीटेबल ट्रस्ट चे कार्यकारी अध्यक्ष प्रा. धनराज आस्वले, राष्ट्रसंत तुकडोजी महाराज संस्थान मोझरीचे अध्यक्ष लक्ष्मण गमे, हेमराज कुरेकार, दत्ता बोरेकर, प्रमोद डाहुले, प्रकाश घागी, विनोद मालू, चंद्रकांत दांडेकर, मुन्ना शेख, आशिष घुमे, तुलसी अलाम, राहुल बलकी, सरपंच गणेश घागे, मोहन पाचभाई, नत्थुजी झाडे, ईश्वर झाडे, अनिल झाडे, सेवानिवृत्त शिक्षक मारोती झाडे, गजानन पाचभाई, दौलत बुरडकर, रोशन पारखी, किशोर घागी, सचिन खिरटकर, आकाश विधाते, विक्रम कुरेकार, अशोक कुरेकार आदी उपस्थित होते.

राधा आणि वैभव हे दोघेही वेगवेगळ्या जातीची आहेत. मात्र जातीपातीच्या भिंती तोडून सामाजिक एकता निर्माण करण्याचा आदर्श या दोघांनी निर्माण केलेला आहे. व यांना ट्रस्ट द्वारे साथ देण्यात आली आहे. 

स्व. श्रीनिवास शिंदे मेमोरीयल रविंद्र शिंदे चॅरीटेबल ट्रस्ट द्वारे  विदेही सदगुरू श्री. संत जगन्नाथ महाराज जनजागृती, प्रबोधन सामाजिक उपक्रमाअंतर्गत कोरोनाने मृत झालेल्या, आत्महत्याग्रस्त, गोरगरीब, अनाथ, शेतकरी, शेतमजूर यांच्या मुला मुलींचा निःशुल्क विवाह लावून देण्याचे कार्य सुरू आहे. या योजनेचा लाभ घ्यावा, असे आवाहन यावेळी कार्यकारी अध्यक्ष प्रा. धनराज आस्वले यांनी केले आहे.

राष्ट्रवादी नेते ॲड. मोरेश्वरराव टेमुर्डे व पदाधिकाऱ्यांनी केला रवींद्र शिंदे यांचा सत्कार .

राष्ट्रवादी नेते  ॲड. मोरेश्वरराव  टेमुर्डे  व पदाधिकाऱ्यांनी केला रवींद्र शिंदे यांचा सत्कार  

रविंद्र शिंदे यांच्या नियुक्ती मुळे सर्वत्र जल्लोषाचे वातावरण 

वरोरा :- शिवसेना वरोरा -भद्रावती विधानसभा प्रमूख (स्वतंत्र कारभार ) पदी सामाजिक कार्यकर्ते रवींद्र शिंदे यांची नुकतीच नियुक्ती झाली आहे . त्यांच्या या नियुक्ती बद्दल आज(०३ ) राष्ट्रवादी काँगेस पार्टी चे नेते ॲड.मोरेश्वरराव टेमुर्डे व  वरोरा तालुक्यातील पदाधिकाऱ्यांनी  त्यांचा सत्कार केला . 

यावेळी  राष्ट्रवादी काँगेस पार्टीचे वरोरा भद्रावती विधानसभा अध्यक्ष जयंत टेमुर्डे , तालुका अध्यक्ष विशाल पारखी , लक्ष्मण ठेंगणे , राजू वरघने, बंडू भोंगाळे, प्रदीप सहारे,  माजी उपसभापती पंचायत समिती वरोरा दत्ता बोरेकर,  प्रा. धनराज आस्वले, विनोद मालू , खेमराज कुरेकार तथा विविध मान्यवर उपस्थित होते. पुढील वाटचाली करीता सर्वांनी शुभेच्छा दिल्या .

ग्रामस्थांनी आरोग्य जोपासावे : खासदार बाळू धानोरकर

*ग्रामस्थांनी आरोग्य जोपासावे : खासदार बाळू धानोरकर*

*आमदार प्रतिभा धानोरकर यांच्या वाढदिवसानिमित्य आरोग्य निदान शिबिराचे उद्घाटन*

चंद्रपूर : आयुष्य जगताना आरोग्य फार महत्त्वाचे असते. आरोग्य आणि शरीर याचे महत्त्व कोरोनाचा काळात सर्वांनाच कळले आहे. आरोग्य जर व्यवस्थित नसेल तर भविष्य उज्वल होत नाही. त्यामुळे सर्वांनी आरोग्याची जपणूक करावी असे आवाहन खासदार बाळू धानोरकर यांनी केले. 

आज आमदार प्रतिभा धानोरकर यांच्या वाढदिवसाचे औचित्य साधून वरोरा तालुका काँग्रेस कमिटीच्या वतीने माढेळी आणि शेगांव येथे सेवा सप्ताह व आरोग्य निदान शिबिराचे आयोजन करण्यात आले होते. त्यावेळी उद्घाटन प्रसंगी खासदार बाळू धानोरकर बोलत होते. 

याप्रसंगी आमदार प्रतिभा धानोरकर, तालुका काँग्रेस अध्यक्ष मिलिंद भोयर, माजी सभापती बाजार समिती वरोरा राजू चिकटे, माजी सभापती बाजार समिती वरोरा विशाल बदखल,  माजी सभापती पंचायत समिती वरोरा रवींद्र धोपटे,  पुरुषोत्तम पावडे,  पंचायत समिती सदस्य डॉ. शालिक झाडे, महादेवराव कोटकर, विजय आत्राम, योगेश खामणकर, डॉ. मिस्त्री, डॉ. मानवटकर मॅडम, हमीष भाई कुरेशी , सरपंच निखिल हिवरकर, चंदू जयस्वाल, सरपंच संजय चिमुरकर, गजानन चांदेकर, भिमाजी वाटकर, प्रफुल असूटकर, मंगेश भलमे, सरपंच पिदूरकर, सरपंच प्रवीण भोयर, सविता ढोंगले, वनिता चंदनखेडे, वंदना येरचे, गोपाल देवतळे, सविता कानफाडे, बोढाले, डॉ. उस्मान, डॉ. प्रतिमा बोपचे, इस्टमल पठाण, निखिल हिवरकर यांची उपस्थिती होती.

माढेळी येथे आशा हॉस्पिटल, नागपूर आणि शेगांव येथे मानवटकर हॉस्पिटल, चंद्र्पुर यांनी आरोग्य शिबिरात ग्रामस्थांची आरोग्य तपासणी करून त्यांना औषधोपचार केला. उद्घाटन प्रसंगी आयोजित आरोग्य शिबिराला परिसरातील ग्रामस्थांनी मोठी हजेरी लावली होती. यावेळी त्यांनी आपल्या आरोग्याची तपासणी करून निदान करून घेतले.

-

देशी दारूच्या दुकानासाठी घेतलेल्या ठरावा विरोधात गावकरी पंचायत समितीवर

देशी दारूच्या दुकानासाठी  घेतलेल्या ठरावा विरोधात गावकरी पंचायत समितीवर

वरोरा तालुक्यातील नागरीच्या गावकऱ्यांनी संवर्ग विकास अधिकाऱ्यांना दिले निवेदन

देशी दारू दुकानाची परवानगी करिता घेतलेल्या ग्रामसभेचा वाद  

वरोरा :- वरोरा तालुक्यातील नागरी येथे २९ डिसेंबर २०२२ ला ग्रामपंचायत द्वारे ग्रामसभेचे आयोजन करण्यात आले होते.मात्र या ग्रामभेची बऱ्याच ग्रामस्थांना माहिती देण्यात आली नव्हती तर काहींना घरकुल व गावातील रस्त्याकरिता ग्रामसभा असल्याचे सांगून ग्रामसभा घेण्यात आली मात्र मोजक्याच लोकांच्या उपस्थितीत देशी दारूच्या दुकानाला नाहरकत प्रमाणपत्र देऊन ही ग्रामसभा अवघ्या १५ मिनिटात आटोपून मोकळी करण्यात आली.ग्रामसभा आटोपल्यानंतर गावकऱ्यांना याबद्दल माहिती मिळताच आज नागरीतील महिलांनी पंचायत समिती वरोरा येथे गट विकास अधिकारी संदीप गोडशलवार यांना निवेदन देऊन घेण्यात आलेली ग्रामसभा ही नियमबाह्य असून संबंधित अधिकाऱ्यावर कारवाई करून पुन्हा आपल्या स्तरावर ग्रामसभा घेऊन गुप्त मतदान पध्दतीने फक्त महिलांना प्राधान्य देण्यात यावे.

         वरोरा तालुक्यातील नागरी येथे देशी दारुचे दुकान

सुरु करण्याबाबत नाहरकत देण्यासाठी शासन नियम बाजुला ठेऊन नियमबाह्य ग्रामसभा घेतल्या गेली त्यातदेशी दारूच्या परवानगी साठी ग्रामसभा ही विशेष ग्रामसभा घेणे अनिवार्य होते परंतु ग्रामसभा नोटीसवर सर्वसाधारण सभा असल्याचा नोटीस सदर ग्रामसभेच्या नोटीसवर देशी दारू चा विषय पाहिजे होता पण त्यात इतरही विषय समाविष्ट होते त्यामुळे ही विशेष ग्रामसभा न होता सर्वसाधारण सभा असल्याचे

निदर्शनास येते.सदर ग्रामसभेच्या नोटीसवर तांडावस्ती घोषीत करणे व तांडा वस्ती सुधार योजनेअंतर्गत विकास कामे प्रस्तावित करणे असा विषय होता पण याबाबत महिन्याआधी याबद्दल प्रस्ताव पंचायत समिती मध्ये आला यामुळेच ग्रामसभेत महिलांची दिशाभूल करून आपला उद्देश साध्य करणे हेच दिसून येत होते.

ग्रामपंचायत नागरी येथे कायमस्वरुपी ग्रामविकास अधिकारी पेंदे यांचा आदेश पंचायत समिती कार्यालयाकडुन महिण्यापासुन झालेला असतानासुद्धा प्रभारी सचिव यांच्याद्वारे ग्रामसभा घेण्यात आली त्यामुळे वरिष्ठ अधिकारी यांच्या कार्यप्रणालीवर प्रश्नचिन्ह निर्माण होत आहे. सदर ग्रामसभा ही संवेदनशील असल्यामुळे पंचायत समितीच्या स्तरावरून निरिक्षक म्हणून पंचायत विस्तार अधिका-याची नेमणुक करणे अनिवार्य होते पण तसे झाले नाही.

सदर ग्रामसभा घेताना वरिष्ठ पंचायत विभाग यांच्या मजुरीचे कोणतेही आदेश घेणे बाध्य आहे. सदर ग्रामसभेची प्रसिध्दी नियमानुसार ग्रामसभेच्या तीन दिवसाचे आत करणे आवश्यक होते परंतु तसे झाले नाही.

तसेच ग्रामसभेत गावात हजर नसलेल्या लोकांच्या बनावट सह्या व नावाची नोंद करण्यात आली. नागरी गटग्रामपंचायत यापूर्वी ३० वर्षाअगोदर देशी दारूचे दुकान अस्तित्वात होते पण महिलांनी ते दुकान बंद केले. यामुळे शासनाची नियम अनुसुचीनुसार सदर दुकानाला पुन्हा नाहरकत

 देण्यासाठी केवळ १०० टक्के महिलांची ग्रामसभा घेणे अनिवार्य आहे पण तसे झाले नाही.

सदर ग्रामसभेकरिता हजर राहण्यासाठी घरकुल, सिमेंट रोड, शौचालय असे खोटे आमीष सांगुन महिलांना हजर राहण्यासाठी बोलविले पण जेव्हा महिलांना देशी दारूचे दुकानासाठी ना हरकत घेण्यासाठी असे माहिती झाले तेव्हा महिला ग्रामसभेतून परत आल्या यावरुन त्यांनी केलेल्या सहा ह्या दारु दुकानाचे ना हरकत यासाठी नसल्याचे स्पष्ट होते तसेच जिल्हा परिषद प्राथमिक शाळा नागरी येथील विद्यार्थी कोंबून शाळेच्या वेळेत ग्रामसभा घेण्यात आली.

निवेदनात पुढे म्हटले आहे की आमच्या खोट्या सह्यानिशी ग्रामपंचायत ठराव देशी दारूचे दुकानाकरिता त्याचा वापर करून परवाना काढण्याकरिता जोडत असेल तर ते संपुर्णपणे बेकायदेशीर आहे. यासंबंधाने झालेल्या ग्रामसभेच्या ठरावावर पुर्णपणे महिलांच्या वतीने स्थगिती देण्यात यावी अन्यथा नागरी येथील महिलांच्या वतीने मोठे आंदोलन सुध्दा करण्यात येईल तसेच गावाची शांतता व सुव्यवस्था बिघडल्यास प्रशासन सर्वस्वी जबाबदार राहील.

तसेच सर्व मुद्याला अनुसरुन दिनांक २९/१२/२०२२ची ग्रामसभा नियमबाह्य असल्याने बेकायदेशीर ग्रामसभा घेणा-या संबंधित अधिकारी, पदाधिकारी यांच्यावर कारवाई करण्यात यावी तसेच यासंबंधात आपल्या स्तरावर कायदेशीर ग्रामसभा घ्यावी तसेच देशी दारुचे दुकानाकरिता ना हरकत बाबत गुप्त मतदान पध्दती केवळ महिलांना प्राधान्याने घ्यावे अशी विनंती उपस्थित महिलांकडुन करण्यात यावी.निवेदन देते वेळेस गंगा विनोद वाटमोडे, माजी उपसरपंच चंद्रशेखर नौकरकार,माजी सभापती रोहिणी देवतळे,विनोद वाटमोडे,सोनू वाघमारे,हितेंद्र स्वर्गवानी,अशोक धात्रक,अमोल गोल्हर,मारोती नागपुरे,पूजा मोहर्ले, मंदा शिंदे,रेखा चौधरी, करिष्मा भलमे, वैशाली नौकरकार,सुनंदा पारशे,डिंपल शेख,इम्रान पठाण,वशीम शेख,गजानन ढगे, पुष्पा पाझारे,कविता रेवतकर,शोभा सरूरकर,अनिता ढगे, रेखा गुरनुले, शारदा निकुरे,नंदा निकुरे,लक्ष्मी गुरनुले, वनिता कुमरे,सुनंदा आडे,आलेखा पठाण कल्पना वाटगुरे उपस्थित होत्या.

रवींद्र शिंदे वरोरा-भद्रावती विधानसभा प्रमुख

रवींद्र शिंदे वरोरा-भद्रावती विधानसभा प्रमुख

शिवसेना पक्षप्रमुख उध्दव ठाकरे यांनी घेतली रवींद्र शिंदे यांच्या कार्याची दखल

विधानसभा क्षेत्राची सर्वांगीण जवाबदारी

वरोरा : 

         राज्यात मागील काही महिण्यापासून सुरू असलेल्या राजकीय घडामोडीच्या पार्श्वभूमीवर राज्यातील सामान्य शिवसैनिक मात्र कमालीचा सक्रिय झाला असून शिवसेनेशी प्रामाणिक असलेले सैनिक पक्षाला स्थानिक पातळीवर मजबूत करण्यासाठी कामाला लागले आहेत. उध्दवसाहेबांचीच सेना ही खरी सेना आहे, असे जुनेजाणते सैनिक म्हणत आहेत व कामाला लागले आहे.

          पक्षश्रेष्ठींचे दौरे, यात्रा, जाहीर कार्यक्रम यातून शिवसेना ढवळून निघाली आहे. अशातच चंद्रपूर जिल्ह्यातील वरोरा-भद्रावती विधानसभा क्षेत्रात शिवसेनेच्या विधानसभाप्रमुख पदावर मागील काही वर्षांपासून शिवसेनेत सक्रिय असलेले सामाजिक कार्यकर्ते रवींद्र शिंदे यांची नेमणूक झाली आहे. यात विशेष असे की, या जवाबदारीत वरोरा व भद्रावती मिळून असलेल्या विधानसभा क्षेत्राचे सर्वांगीण अधिकार एकवटले आहेत. यात पक्ष संघटन, नियुक्त्या, निवडणुका आदी सर्वंकष अधिकार हे शिंदे यांना असणार आहेत.

               प्रत्यक्ष पक्षप्रमुख उद्धव ठाकरे यांनी रवींद्र शिंदे यांना बोलावून घेतले. कोरोणा प्रादुर्भावाच्या काळातील व त्यानंतर शेतकरी, शेतमजूर, महिला, लघु व्यावसायिक, आत्महत्याग्रस्त, पूरग्रस्त, यांच्यासाठी केलेले मदतकार्य, आदी त्यांच्या कार्याचे कौतुक केले व त्यांना चंद्रपूर जिल्ह्यात पक्षाची मजबूत बांधणी करण्याचे आवाहन केले.  पक्षश्रेष्ठींची शिंदे यांच्या कार्यावर नजर होती.

        यापूर्वीच रवींद्र शिंदे यांना पक्षाकडून जवाबदारी मिळणार होती. तसे सूतोवाच झाले होते. मात्र दरम्यान राजकीय कुरघोडी झाली. जिल्ह्यातील पूर्वाश्रमीचे शिवसेनेचे मात्र आता इतर पक्षात असलेल्यांनी राजकारण केले व शिंदे यांना पदापासून दूर ठेवण्याचे षडयंत्र रचले. मात्र शिंदे या सर्वांना पुरून उरले व त्यांना शेवटी विधानसभेची जवाबदारी देण्यात आली.

                  रवींद्र शिंदे हे पूर्वाश्रमीचे चंद्रपूर जिल्हा मध्यवर्ती सहकारी बँकेचे अध्यक्ष आहेत. याच बँकेचे वर्तमान संचालक आहेत. कोरोनाच्या पहिल्या लाटेदरम्यान शिंदे यांनी स्व. श्रीनिवासराव शिंदे मेमोरिअल रवींद्र शिंदे चॅरीटेबल ट्रस्ट ची स्थापना केली. कोरोणाबाधीतांवर मोफत उपचार केले. त्यानंतर त्यांनी गावागावात जावून गरीब व गरजूना सतत मदतकार्य राबविले. दीव्यांगाना सायकल वाटप सुरु आहे. अनेक निराधार विद्यार्थ्यांना दत्तक घेतले. विद्यार्थ्यांकरिता अभ्यासिकेसाठी मदत केली. लघु व्यावसायिकांना आर्थिक मदत केली. पूरग्रस्तांकरीता धावून आले. विविध क्षेत्रात जावून ट्रस्ट तर्फे त्यांचे मदत कार्य सुरूच आहे. या सर्वांची दखल घेत शिवसेना पक्षप्रमुखांनी त्यांच्या कडे विधानसभाप्रमुख पदाची जवाबदारी दिली आहे.

          या वेळी रवींद्र शिंदे यांचेशी संपर्क साधला असता, ते म्हणाले की समाजकारणातून राजकारण हे आपले ब्रीद राहणार आहे. आधी जनसेवा व नंतर राजकारण हा पायंडा आपण जिल्ह्यात घालू. शिवसेना ही ८०% समाजकारण व २०% राजकारण करणारा पक्ष आहे. शिवसेनेनी अनेकांना मोठे केले मात्र अनेक जण मोठे झाल्यावर सेनेला सोडून गेले, हा या जिल्ह्याचाच नव्हे तर राज्याचा इतिहास राहीला आहे. शिवसेना हा घराणेशाही किंवा भांडवलशाही जपणारा पक्ष नसून सामान्य घरातील युवकांना नेता बनविण्याचे कार्य या पक्षाने सदोदित केले आहे. याचाच फायदा पुढेही पक्षाला होईल व सामान्य जनता सदैव शिवसेनेच्या पाठीशी राहील. 

            शिवसेनेचे हिंदुत्व हे बहुजनांना सामावून घेणारे आहे. ते सत्तेसाठी लाचार नाही. काही विशिष्ट लोक म्हणजे हिंदुत्व हे समीकरण शिवसेना मानत नाही. आम्ही युवक, महिला, शेतकरी, शेतमजूर, बेरोजगार, जुनेजाणते तथा नवीन पदाधिकारी व शिवसैनिकांना सोबत घेवून सर्वसमावेशक असे काम करू असेही रवींद्र शिंदे म्हणाले.

           रवींद्र शिंदे यांनी पक्षप्रमुख उध्दवजी ठाकरे साहेब, आदित्यजी ठाकरे साहेब, खासदार अनिलजी देसाई, खासदार संजयजी राऊत, खासदार विनायकजी राऊत, पुर्व विदर्भ समन्वयक प्रकाशजी वाघ, शिवसेना नेते दुष्यंत चौधरी, पुर्व विदर्भ महीला संघटक व प्रवक्ता सौ. शिल्पाताई बोडके, जिल्हा संपर्क प्रमुख प्रशांतजी कदम, विभागीय युवा सेना प्रमुख  हर्षलजी काकडे, अजयजी स्वामी यांचे आभार मानले आहेत. तर संदिप गिर्हे, जिल्हाप्रमुख (बल्लारपुर ,राजुरा,चंद्रपूर), मुकेश जिवतोडे जिल्हाप्रमुख (वरोरा,चिमूर), सौ. नर्मदा बोरेकर (जिल्हा महीला संघटीका), सौ. उज्वला नलगे (जिल्हा संघटीका), मनिष जेठानी (जिल्हा युवा सेना), दत्ता बोरेकर, भास्कर ताजणे, खेमराज कुरेकार आणी कार्यकर्ते यांनी अभिनंदन केले आहे.

बॉक्स

👇

यावेळी रवींद्र शिंदे यांना पक्षाकडून जवाबदारी मिळाली असल्याच्या पार्श्वभूमीवर, त्यांच्या ट्रस्टच्या कार्याबद्दल विचारण्यात आल्यावर ते म्हणाले की, स्व. श्रीनिवास शिंदे मेमोरिअल रविन्द्र शिंदे चॅरीटेबल ट्रस्ट, चंद्रपूर या सामाजिक संस्थेचे कार्य हे आजतागायत जसे सुरू होते तसेच पुढेही सुरू राहील. ही संस्था राजकीय क्षेत्रापासून सदैव अलिप्त असेल. राजकारण व समाजकारण यात मिश्रण होणार नाही. ट्रस्टचे कार्य केवळ सामाजिक असेल व ते राजकारणापासून दूर राहील. यासाठी उच्चविद्याविभूषित सामाजिक कार्यकर्ते प्रा. धनराज आस्वले यांचे कडे ट्रस्टच्या कार्यकारी अध्यक्ष पदाची जबाबदारी देण्यात आली आहे. आस्वले सर हे निष्पक्ष होवून ट्रस्टचे कार्य अविरत सुरू ठेवतील.