वाघाच्या दहशती मूळे शेतकऱ्यांना कृषी पंपासाठी दिवसा विधुत पुरवठा देण्याबाबत-विलासराव नेरकर यांची मागणी

 
वाघाच्या दहशती मूळे शेतकऱ्यांना कृषी पंपासाठी दिवसा विधुत पुरवठा देण्याबाबत-विलासराव नेरकर यांची मागणी
 

 

वरोरा प्रतिनिधी :-

दिनांक 14/11/2021 ला मा.ना.प्राजक्तदादा तनपुरे साहेब उर्जा व नगर विकास राज्य मंत्री,मुंबई यांची भेट घेऊन वरोरा तालुक्यातील भटाळा, आल्फर,साखर या शिवारात वाघाने धुमाकूळ घातल्याने शेतकरी,शेतमजूर संपूर्ण ग्रामीण भागातील शेतकरी भयभीत झालेले आहेत
  त्या मुळे रात्रोची  कृषिपंपाची लाईन बंद करून दिवसा सुरू करण्यात यावी या करिता निवेदन चंद्रपूर ईरइ विश्राम गृह या ठिकाणी दिले असता मा.मंत्री मोहदय यांनी तातकाळ मा.देशपांडे(CE) साहेबांना कॉल करून फेरबदल करण्यासाठी आदेश देण्यात आले यावेळी राजेंद्र वैद्य,मुनाज शेख, विलासराव नेरकर,बंडूजी डाखरे,दिनेश मोहारे,नगाजी निंबाळकर, कार्यकर्ते उपस्थित होते

आमदार सौ. धानोरकर यांचा तो फोटो सोशल मिडीयात प्रचंड वायरल* .

 *आमदार सौ. धानोरकर यांचा तो फोटो सोशल मिडीयात प्रचंड वायरल* 

दगडावर सहजपणे बसलेल्या  वरोरा विधानसभेच्या आमदार सौ.प्रतिभा धानोरकर यांचा हा फोटो सोशल मिडीयात प्रचंड व्हायरल होत आहे.

वरोरा :-

          भद्रावतीच्या शास्त्री नगरातील एका विकासात्मक कामाच्या भूमीपूजन कार्यक्रम आटोपल्यानंतर चहा घेते वेळी आमदार धानोरकर यांना वयस्कर महीला पदाधिकारी ऊभ्या दिसल्या. त्यांनी आपली खुर्ची त्या महीला पदाधिकारीस देऊन आमदार धानोरकर स्वतः मात्र दगडावर बसल्यात. हा फोटो सोशल मिडीयात प्रचंड व्हायरल झाला आहे.आमदार धानोरकर यांचा हा साधेपणा अनेकांना भावला.

     या वायरल फोटो बाबत काँग्रेस सोशल मिडीयाचे जिल्हाध्यक्ष विलास टिपले यांनी 

सांगीतले, हा फोटो एका कार्यकर्त्याने कुणालाच कल्पना नसतांना काढला व पुढे तो व्हायरल झाला.मुळात आमदार प्रतिभा धानोरकर यांनी सत्तेचा कधीही गर्व केला नाही. विनयशील संस्कृती व त्यांच्या सहज, सोप्या भाषा शैलीतील संवादाने आमदारताई सामान्य कार्यकर्त्यांनाही आपल्यातीलच वाटतात.अगदी सहजपणे त्या नागरिकांना भेटतात. मतदार संघाच्या विकासासाठी धडपड व त्यांच्या स्वभावामुळे आमदार सौ. प्रतिभा धानोरकर अल्पावधीतच लोकप्रिय ठरल्या आहेत.असेही  टिपले म्हणाले.

जि. प व पं. स निवडणुकीच्या तयारीला लागा! अवचितराव सयाम.

 जि. प व पं. स निवडणुकीच्या तयारीला लागा! अवचितराव सयाम.

तुलसीदास अलाम 

जिल्हा प्रतिनिधी

गोंडवाना न्यूज

चंद्रपूर :- दिवसेंदिवस ग्रामीण भागातील समस्या वाढीस लागल्या असून ग्रामीण तरुणांना रोजगार व लोकांना न्याय मिळत नसल्याचा आरोप करित चंद्रपूर जिल्ह्याच्या जि.प व पं.स निवडणुकीच्या तयारीला लागा असे आदेशच जनसेवा गोंडवाना पार्टीचे राष्टीय अध्यक्ष मा.अवचित रावजी सयाम साहेब यांनी दिले.

जनसेवा गोंडवाना पार्टीच्या ठिकठिकाणी झालेल्या निवडणूक आढावा बेठकीदरम्यान कार्यकर्त्यांना मार्गदर्शन करताना अवचितरावजी सयाम यांनी महानगरपालिका तसेच जि.प व पं.स क्षेत्रात निवडणुकासंदर्भाने संपर्क वाढविण्यासोबतच प्रस्थापित राजकीय पक्षाना जनता त्रस्त झालेली असून पर्याय म्हणून जनसेवा गोंडवाना पार्टी निवडणूक रिगणात संपूर्ण ताकदी निशी उतरेल व त्यामध्ये शोषित, पिढीत,वंचित,कष्टकरी,शेतकरी,शेतमजूर,सुशिक्षित बेरोजगारांसह सर्व सामान्यांना न्याय मिळेल असा आशावाद त्यांनी व्यक्त केला.

ऊर्जानगर, दुर्गापूर जि.प व पं. स निवडणूक आढावा बेठक नेरी कोंडी येथील बेठकीस प्रा.धिरज सेडमाके, राजेंद्र रमतकार,चेतन सयाम,बंडुजी मडावी,विनोद शेंडे,गिरीधर लांबट,हंसराज वनकर,शंकर मांदाळे,दत्तुजी मडावी,आरिफ खान,चांदेकर साहेब,गणेश कन्नाके, सारंग कुमरे, मयूर परतेकी, भाऊराव वेलादी,सतीश सोयाम,गणेश कुळसंगे,रंजित येरकाडे, आदी कार्यकर्ते उपस्थित होते.

भाजप मुक्त महाराष्ट्राची सुरुवात चंद्रपूर मधून करणार :- पालक मंत्री विजय वडेट्टीवार*

 *भाजप मुक्त महाराष्ट्राची सुरुवात चंद्रपूर मधून करणार :- पालक मंत्री विजय वडेट्टीवार*

*देशाला सामर्थ्यवान बनवण्यासाठी काँग्रेस शिवाय पर्याय नाही : - पशुसंवर्धन व क्रीडा मंत्री सुनील केदार* 

*महिलांना न्याय देण्याचे काम काँग्रेसच करू शकतो :- प्रदेश महिला काँग्रेस कमिटीच्या अध्यक्षा संध्याताई सव्वालाखे*

*शेवटच्या कार्यकर्त्याला नेता बनवण्याची ताकद फक्त काँग्रेस मध्ये :- खासदार बाळू धानोरकर*

*भद्रावती न. प.  भाजपच्या तीन नगरसेविका, कृ उ बा समिती वरोरा, भद्रावती येथील शिवसेनेचे सभापती व सदस्य तथा वरोरा न. प. चे शिवसेना गटनेते,  नगरसेवक व तीस सरपंचाच्या काँग्रेसमध्ये प्रवेश*

चंद्रपूर :- जिल्ह्यात मोठ्या प्रमाणात विकास होत आहे. त्यामुळे चंद्रपूर जिल्ह्यात नगरपंचायत, नगरपरिषद, महानगरपालिका, जिल्हा परिषद व पंचायत समिती या स्थानिक स्वराज्य संस्थेच्या निवडणुकीमध्ये काँग्रेसचा झेंडा फडकणार असून येत्या काळात चंद्रपूर जिल्हा भाजप मुक्त जिल्हा होणार असे प्रतिपादन जिल्ह्याचे पालकमंत्री विजय वडेट्टीवार यांनी केले ते भद्रावती येथे झालेल्या सरपंचांचा सत्कार व विविध पक्षातील पदाधिकाऱ्यांचा प्रवेश सोहळ्याप्रसंगी ते बोलत होते. 

त्यावेळी मदत व पुनर्वसन मंत्री विजय वडेट्टीवार , क्रीडा व युवक कल्याण मंत्री  सुनील केदार, प्रदेश काँग्रेस कमिटीचे कार्याध्यक्ष चंद्रकांत हंडोरे, प्रदेश महिला काँग्रेस कमिटीच्या अध्यक्षा संध्याताई सव्वालाखे, खासदार बाळुभाऊ धानोरकर, आमदार सुभाष धोटे, आमदार प्रतिभा धानोरकर, आमदार अभिजित वंजारी, काँग्रेस पक्षाचे प्रवक्ते अतुल लोंढे यांनी मेळाव्यात मार्गदर्शन केले.

यावेळी जिल्हा मध्यवर्ती सहकारी बँकेचे अध्यक्ष संतोष रावत, प्रदेश काँग्रेस कमिटीचे उपाध्यक्ष देविदास काळे, महासचिव अविनाश वारजुरकर, माजी आमदार देवराव भांडेकर, जिल्हा काँग्रेस कमिटीचे अध्यक्ष  प्रकाश देवतळे, काँग्रेस शहराध्यक्ष रामू तिवारी,  महिला काँग्रेसच्या जिल्हाध्यक्षा चित्राताई डांगे,  महिला शहराध्यक्ष सुनिता अग्रवाल,  काँग्रेसच्या केंद्रीय प्रतिनिधी सुनिता लोढीया,  प्रदेश महासचिव विनोद दत्तात्रय, प्रदेश सचिव संदीप गड्डमवार शिवा राव, प्रदेश महिला सचिव नम्रता ठेमस्कर, माजी महापौर संगीता अमृतकर यांची प्रामुख्याने उपस्थिती होती.

त्यावेळी वरोरा विधानसभा क्षेत्रातील शिवसेनेच्या ताब्यात असलेल्या दोन्ही कृषी उत्पन्न बाजार समितीचे सभापती राजू चिकटे व वासुदेव ठाकरे आणि संचालकांनी काँग्रेस मध्ये प्रवेश घेतला.

विधानसभा क्षेत्रातील तीसहून अधिक वेगवेगळ्या पक्षातील ग्रामपंचायतीचे सरपंच व त्यांचे सदस्य ,भद्रावती नगरपालिकेच्या भाजपच्या तीन महिला नगरसेविका निला ढुमणे, जयश्री दातारकर, प्रतिभा निमकर यांनीही काँग्रेस मधे प्रवेश घेतला. वरोरा नगरपालिकेतील शिवसेनेचे गटनेते गजानन मेश्राम यांच्यासह शिवसेनेच्या सात नगरसेवकांनी काँग्रेसमध्ये प्रवेश केला. राजू महाजन, सनी गुप्ता, चंद्रकला चीमुरकर, पंकज नाशिककर, राशी चौधरी, राखी काळपांडे या नगरसेवकाचा समावेश होता.

शिवसेना-भाजपच्या शेकडो आजी माजी पदाधिकाऱ्यांनी यावेळी काँग्रेसमध्ये प्रवेश घेतला . 

यावेळी  पशुसंवर्धन व क्रीडामंत्री सुनील केदार म्हणाले की,  देशात काँग्रेसने हरित क्रांती केली त्यामुळे अन्नासाठी इतर देशांसमोर हात पसरण्याची पाळी आपल्यावर येत नाही, परंतु या देशातील शेतकरी तीन काळा कायद्या विरोधात रस्त्यावर उतरला आहे. त्यांचे म्हणणे देखील मोदी सरकार ऐकून घेत नाही. ही अतिशय खेदाची बाब आहे त्यामुळे देशाला सामर्थ्यवान बनविण्यासाठी काँग्रेस शिवाय पर्याय नाही, असे त्यांनी म्हटले. 

महाराष्ट्र काँग्रेस महिला प्रदेशाध्यक्षा संध्याताई सव्वालाखे म्हणाला की,  या देशात महिला असुरक्षित आहेत महिलांना सुरक्षा कवच देण्यात मोदी सरकार पूर्णपणे अपयशी ठरले आहे. आता, महिलांना न्याय देण्याकरिता काँग्रेस पक्ष हा एकमेव पर्याय असून आगामी निवडणुकीत काँग्रेसला मत देऊन आपली चुकी महिलांनी दुरुस्त करावी असे आवाहन त्यांनी केले.

यावेळी खासदार बाळू धानोरकर म्हणाले की,  काँग्रेस पक्षाचा कणा हा शेवटचा कार्यकर्ता आहे. कार्यकर्त्यांचा सन्मान फक्त काँग्रेस पक्षच करतो. कार्यकर्त्यांच्या मेहनतीमुळे निवडणूका जिंकत असतात. येत्या काळात ज्या निवडणुका होईल, त्यामध्ये काँग्रेस पक्षाचा झेंडा फडकेल. महाराष्ट्रातील सर्वात मोठे काँग्रेसचे गड चंद्रपूर असेल तसेच या निवडणुकीत पक्षातील शेवटचा कार्यकर्ता हा नेता म्हणून दिसेल असे प्रतिपादन खासदार धानोरकर यांनी केले.

एकाअर्जुना ग्रामपंचायत आमसभेचा बट्टयाबोळ

 एकाअर्जुना ग्रामपंचायत आमसभेचा बट्टयाबोळ

आमसभेतुन सरपंच व सचिवाचे पलायन.

तुलसीदास अलाम

वरोरा प्रतिनिधी

वरोरा तालुक्यातील एकाअर्जुना ग्रामपंचायतिची ग्रामसभा दिनांक 09/9/2021 ला जि. प्राथ. शाळेच्या वर्ग खोलीत ठिक.11 वाजता आयोजित करण्यात आली होती. सभा व्यवस्थित संपन्न होण्या करिता काही व्यवस्था सरपंच व सचिवाने केली नव्हती. परंतु सभा व्यवस्थित होण्या करीता सभेची खोली फारच लहान असल्याने सभेसाठी आलेल्या नागरिकांना बसण्यासाठी मुळीच व्यवस्था नव्हती. लोकांना बसण्यासाठी दरी, पिण्याचे पाणी, मास्क, साउंड सिस्टम आणि पोलीस बंदोबस्त व्यवस्था नव्हती. सभेला अंदाजे 400 पेक्षा अधिक नागरिक उपस्थित होते. गेल्या 2 ते 3 वर्षा पासून आमसभा होत नसल्याने या वेळेस आमसभा होत असल्याने लोकांच्या चेहऱ्यावर उत्साह व आनंद दिसून येत होता. सभा निकोप व्हावी गावाच्या विकास कामाचा आराखडा तयार व्हावा. रोड, पिण्याचे पाणी, नाल्याची सफाई, दिवा बत्तीचीसोय साण्डपाणी व कचऱ्याचे निर्मूलन व्हावे शासनाच्या विविध योजनाचे लाभार्थी सर्वानुमते अचूक व गरजवंताची निवड व्हावी. सरकारी प्राप्त 14 वी व 15 वी वित्यअनुदानातून उचित कामे व्हावे व भाष्टाचारास प्रतिबंध लागावा विविध समित्यावर शिक्षित, निर्वसनी अभ्यासू व्यक्तीची निवड व्हावी अशी आशा ठेऊन नागरिक सभा स्थळी उपस्थित होते. श्री. अशोक देवगडे साकार नगर यांनी 3 दिवसा पूर्वी लिखित निवेदन देऊन सदर प्रश्नावर उचित चर्चा व्हावी अशी मागणी केली होती.

श्री.गौतम गेडाम सर पदमालय नगर यांनी प्रभागातील दुर्गन्धी युक्त कचऱ्याची विल्लेवाट लावण्यास अर्ज दिलेला होता. जमलेले नागरिकांची संख्या बघून त्याच्या प्रस्नाच्या उत्तराची पूर्व तयारी प्रोसेडींग बुक, शासकीय जी. आर. व अभिलेख ई. काहीही सरपंच व सचिव यांनी सोबत नं घेता फक्त साधे व कोरे रजिस्टर घेऊन सचिव  व सरपंच अर्धा तास उशिराने आले त्यामुळे सरपंच याचे पती व काही हस्तक यांनी आपल्या मर्जीतील काही नागरिकांना दारू पाजली व धिगाणा करण्याचा केविलवाणा व अयोग्य मार्गाचा वापर केला. सरपंच व सचिव यांनी उपस्थित नागरिकांच्या सह्यासाठी रजिस्टर प्रत्येकापर्यंत जाऊ न देता फक्त 20 ते 25 लोकांच्या सह्या घेऊन सदर रजिस्टर स्वता जवळ पिशवीत ठेवले आणि सभेसाठी कोरम पूर्ण झाला नाही. असे हळूवार सांगत सभास्थळा वरून लोकांना काही समजण्या पूर्वी सचिव आणि सरपंच दोघेही रजिस्टर घेऊन गायब व पसार झाले. श्री. अशोक देवगडे साकार नगर यांनी सभा स्थळ व उपस्थित समुदयाचा व्हिडीओ घेतलेला असून लगेच स. वी. अ वरोरा (बी. डी. ओ ) यांना सदर प्रकरणाची चोकशी करावी व सरपंच व सचिव याचेवर कायदेशीर कारवाही करून जनतेला उचित न्याय दयावा अशी अंदाजे 25 नागरिक व 3 ग्रामपंचायत सदस्य शिष्टमंडळा द्वारे प्रत्येक्ष भेटून निवेदन देण्यात आले आहे.

ग्रामपंचायतचा मनमानी कारभार, सरकारी अनुदानाचा गैरवापर कामे न करता कागदो पत्रि कामे दाखवुन पैश्याची उचल पिण्याच्या पाण्याची आठ आठ दिवस अनियमितता, कचऱ्याचा भर, नाली साफ नकरने वस्तीत साचलेल्या दुर्घदियुक्त कचरा लोकांना जाण्या येण्या साठी वार्डातील रस्त्याची दैनिक दुराअवस्था 2 महिन्या पासून जनता अंधारात राहण्याची स्थिती, दिवा बत्ती खरेदीचा प्रचंड घोळ, अस्वछते मुळे मच्छराचा मोठया प्रमाणात प्रादुर्भाव याकडे ग्रामपंचायतिचे दुर्लक्ष व बेकायदेशीर नियमान्नवे केलेली कामे इत्यादीवर आळा बसावा व जनतेची हेडसाड थांबावा व भाष्टचाराना शिक्षा व्हावी व लोकांना भय मुक्त व निरोगी जीवन जगता यावे यासाठी वरिष्ठा नी सदर प्रकरणाची गंभीर दखल घ्यावी अशी सर्व एकअर्जुना ग्रामवासीया कडून मागणी करण्यात येत आहे.

*कोरोने मृत्यू पावलेल्या कुटुंबाला आमदार प्रतिभाताई धानोरकर यांनी केले सांत्वन*

 *कोरोने मृत्यू पावलेल्या कुटुंबाला आमदार प्रतिभाताई धानोरकर यांनी केले सांत्वन*  

चंद्रपूर : कोरोनाचा दुसऱ्या लाटेत मोठ्या प्रमाणात लोक मृत्यू पावले आहे. त्यामुळे कुटुंबातील करता माणूस किंवा दोन्ही मृत्यू पावल्याने कुटुंब उघड्यावर पडले आहे. वरोरा तालुक्यातील कुटुंबातील कुटुंब प्रमुखाचा मृत्यू झाल्याने कुटुंबावर दुःखाचा डोंगर कोसळला आहे. आज आमदार प्रतिभाताई धानोरकर यांनी स्वतः या कुटुंबाला भेट देऊन त्यांचे सांत्वन केले. 

यावेळी याप्रसंगी रवींद्र धोपटे, सभापती पं.स.वरोरा, मिलिंद भोयर वरोरा तालुका अध्यक्ष काँग्रेस कमिटी, विशाल बदखल , प्रफुल आसुटकर, निखिल हिवरकर उपस्थित होते. 

मतदार संघात कोणत्याच व्यक्तीवर संकट कोसळले तर धावून जाणारे लोकप्रतिनिधी म्हणून धानोरकर दाम्पत्यांची ओळख आहे. आज देखील आमदार प्रतिभाताई धानोरकर यांनी प्रत्यक्ष कोरोना प्रादुर्भावाने मुत्यू झालेल्या आमडी, वडगाव, मढेळी, खरवड, आशी, जामखुला, येवती, वाघनख, दहेगाव या गावातील कोरोना प्रादुर्भावाने मुत्यू झालेल्या कुटुंबाची भेट घेऊन सांत्वन केले.

 

वरोरा येथे आबीद शेखची गोळ्या झाडून हत्या.

वरोरा प्रतिनिधी 

वरोरा आज दिनांक 15 मे ला सायंकाळी 7.15 च्या दरम्यान दोन ते तीन अज्ञात इसमानी अंबादेवी वार्ड येथील महादेव मंदिर जवळ असलेल्या झोपडीत आबीद शेख नावाच्या तरुणाचा गोळ्या झाडून खून केला असल्याचा खळबळजनक प्रकार उघडकीस आला. मृतक आबीद शेख हा आझाद वार्डात राहत असून तो अगोदर सट्टा चालवीत होता व आता गांजा विकत होता, तो एकटां असल्याच्या फायदा घेत दोन ते तीन आरोपींनी त्याच्यावर सहा राऊंड माऊजर ने दोन गोळ्या झाडल्या त्यापैकी एक छातीत तर दुसरी कानाखाली मारली विशेष म्हणजे आरोपींनी आपले शस्त्र (बंदूक ) डेड बॉडी जवळ ठेवून पोबारा केला. आरोपी हे तोंडाला फडके बांधून असल्याने त्यांचा शोध आता पोलीस कशाप्रकारे घेणार यावर सर्व अवलंबून आहे.