डब्ल्यूएसएफचा अक्षय नागपूर विद्यापीठ व्हॉलीबॉल संघात.

*डब्ल्यूएसएफ चा अक्षय नागपूर विद्यापीठ व्हॉलीबॉल संघात.*

 वरोरा-:  वरोरा स्पोर्टस फाउंडेशन, वरोरा व लोक शिक्षण संस्था, वरोडा चा व्हॉलीबॉल खेळाडू व ए डी एम कॉलेज भारशिंगी नागपूरचा विद्यार्थी अक्षय पुरुषोत्तम चौधरी याची नांदेड येथे होणाऱ्या वेस्ट  झोन आंतर विद्यापीठ व्हॉलीबॉल स्पर्धे करिता नागपूर विद्यापीठ व्हॉलीबॉल संघात निवड झालेली आहे. याआधी अक्षयने सीनियर नॅशनल राष्ट्रीय व्हॉलीबॉल स्पर्धा व राष्ट्रीय शालेय स्पर्धेमध्ये महाराष्ट्र राज्य संघाचे प्रतिनिधित्व केले. अक्षय याचे निवडीबद्दल वरोरा शहरात सर्वत्र कौतुक होत असून, अक्षयच्या या यशाबद्दल लोक शिक्षण संस्थेचे अध्यक्ष प्रा. श्रीकांतजी पाटील, उपाध्यक्ष श्रीकृष्णजी घड्याळ पाटील, कार्यवाह  विश्वनाथजी जोशी, ॲड. दुष्यंत  देशपांडे, वरोरा स्पोर्टस फाउंडेशन वरोरा चे अध्यक्ष गजानन जीवतोडे, कार्याध्यक्ष किशोर पिरके , ए डी एम  कॉलेज भारशिंगी चे प्राचार्य डॉ. प्रशांत पवार ,श्री संजय अंबुलकर, हेमंत घीवे, राजेश मत्ते,  प्रा. प्रशांत खुळे यांनी अभिनंदन केले. अक्षयने आपल्या यशाचे श्रेय ज्येष्ठ मार्गदर्शक सुनील बांगडे, मुकुल कातांगडे, देवानंद डुकरे, व प्रा. उत्तम देऊळकर, सागर कुरेकार व वरोरा स्पोर्ट्स फाउंडेशन वरोराच्या वरिष्ठ खेळाडूंना दिले.

धनगर आरक्षणाला विरोध, & खऱ्या आदिवासीच्या आरक्षणावर गदा आणणाऱ्या महायुतीच्या सरकार विरुद्ध

धनगर आरक्षणाला विरोध, & खऱ्या आदिवासीच्या आरक्षणावर गदा आणणाऱ्या महायुतीच्या सरकार विरुद्ध

वरोरा उपविभागीय कार्याल्यावर धडकणार

खऱ्या गोंडियन आदिवासीचा हक्क संघर्ष भव्य निषेध महामोर्चा.

वरोरा प्रतिनिधी. तुलसीदास अलाम

आदिवासी हा या देशाचा मूळ निवासी आहे. वनवासी नाही. आदिवासीना भारतीय घटनेने " अनुसूचित जमाती " म्हणून आरक्षणाचे अधिकार दिलेत. मात्र महाराष्ट्र राज्याच्या स्थापने पासून खऱ्या आदिवासीवर अन्यायचं होत गेला. खऱ्या आदिवासीना खऱ्या अर्थाने आरक्षणाचे हक्क मिळालेच नाहीत. प्रारंभीच्या काळात क्षेत्रबंधानामुळे व नंतरच्या काळात बोगस आदिवासीमुळे खऱ्या आदिवासीचे अतोनात नुकसान झाले. शिक्षणतील आणि नोकरीतील लक्षावधी जागा जातीच्या खोट्या प्रमाणापत्राच्या आधारे बोगस आदिवासीनी बळकावून घेतल्या. खऱ्या आदिवासी समाजाला न्याय मिळावा म्हणून वेळोवेळी आंदोलन केलीत. कोर्ट -कचेऱ्या झाल्यात. परिणामी अनु. जमाती प्रमाणपत्र पडताळणी कमिटयांची स्थापना करण्यात आली.त्यामुळे आता खऱ्या आदिवासीना न्याय मिळणार असे वारे समाजात वाहू लागले. परंतु दि.15/06/1995 चा जी. आर. आणि आता दि.21/10/2015च्या शा. प. मुळे खऱ्या आदिवासीच्या आशा, अपेक्षा पार धुळीस मिळाल्या. राज्यातील सरकार बदलले, परंतु सरकारचे आदिवासी -विरोधी धोरण बदलले नाही. एन. टी. मध्ये असलेल्या धनगर आणि हलबा कोष्टी व इतर गैरआदिवासी जातींना आदिवासीचे आरक्षण मिळावे म्हणून सरकारचे प्रयत्न सुरूच आहेत. शिवाय अनुसूचित जमातीच्या यादीतील 17 जमातीचे सर्वेक्षणही सुरु करणार आहे.म्हणजे काही जमातीना आदिवासीच्या यादीमधून वगळणे आणि नव्या जमातीना आदिवासीमध्ये घुसविणे असा सरकारचा कुटील डाव आहे बोगस आदिवासीना पाठीशी घालने म्हणजे खऱ्या आदिवासीच्या पाठीत खंबीर खुपसणे होय. आणि खऱ्या आदिवासीच्या आरक्षणावर गदा आणणाऱ्या महायुतीच्या सरकार विरुद्ध गोंडियन आदिवासी आरक्षण बचाव कृती समिती वरोराच्या वतीने दि.04/12/2023 रोज सोमवार ला सकाळी 11.00 वाजता. जैयतूर पेणठाणा रेल्वेउडान पुलाजवडून निघेल.

महामोर्चाचे मार्गदर्शक :- निरंजनभाऊ मसराम,मधुकरभाऊ उईके, मनोजभाऊ आत्राम, डॉ. प्रवीण येरमे, गोंडराजे विरेंद्ररशहा आत्राम, मनोजसिहं मडावी गोंड, चिंतामन आत्राम, पुष्पाताई आत्राम, गजानन जुमनाके.

महामोर्चाचे मार्गक्रमण :- जैयतूर पेणठाणा उडानपुला जवडून- साई मंगल कार्यालय -खापने दवाखाना - कामगार चौक - आंबेडकर चौक -राणी दुर्गावती चौक -उपविभागीय कार्यालय, वरोरा.

खऱ्या गोंडियन आदिवासीचा हक्क संघर्ष भव्य निषेध महामोर्चा चे आयोजन करण्यात आले आहे. तरी वरोरा -भद्रावती तालुक्यातील आदिवासी समाज बांधवानी हजारोच्या संख्येने भव्य निषेध महामोर्चाला उपस्थितीत राहावे असे आवाहन गोंडीयन आदिवासी आरक्षण बचाव कृती समिती, वरोरा तर्फे करण्यात आले आहे...

   *उठ गोंडियना* *जागा हो*

*संघर्षाचा धागा हो.*

 *मी तयार आहो* !

भद्रावतीत संविधान दिनानिमित्त संविधान सन्मान रॅली

भद्रावतीत संविधान दिनानिमित्त संविधान सन्मान रॅली

संविधानावर वक्तृत्व स्पर्धा व संविधान प्रबोधन सभा

विविध प्रमुख वक्ते व मार्गदर्शकांचा मोठ्या प्रमाणात सहभाग

संविधान नागरिक संवर्धन समिती भद्रावती द्वारा  २६ नोव्हेंबर संविधान दिनानिमित्त विविध भव्य कार्यक्रमाचे आयोजन करण्यात आले असून यात संविधान सन्मान रॅली २६ नोव्हेंबर सकाळी ८.३० वाजता पथनाट्य ,संविधान प्रबोधन देखावे, लेझीम पथक- बँड पथक, आदिवासी सांस्कृतिक पारंपरिक नृत्य समूह यासह नाविन्यपूर्ण वेशभूषेसह अनेक शाळा महाविद्यालयीन विद्यार्थी, विविध स्तरावरील कार्यरत सामाजिक सेवा संस्था आदी सहभागासह संविधान सन्मान रॅली (हुतात्मा स्मारक) जिल्हा परिषद हायस्कूल पासून निघणार असून ती थेट भद्रावती बाळासाहेब ठाकरे प्रवेशदार गेट मार्गक्रमण करीत डॉ. बाबासाहेब आंबेडकर चौक भद्रावती येथे रॅलीचा समारोप होईल. संविधान सन्मान रॅलीला भद्रावती -वरोरा क्षेत्राच्या महिला विद्यमान आमदार प्रतिभा धानोरकर, तहसीलदार अनिकेत सोनवणे, ठाणेदार बिपिन इंगळे, मुख्याधिकारी विशाखा शेळखी,  संवर्ग विकास अधिकारी डॉ. प्रकाश महाकाळकर ,वैद्यकीय अधिकारी डॉ. मनीष सिंग ,सामाजिक क्षेत्रातील विविध मान्यवरांच्या उपस्थितीत सदर संविधान सन्मान रॅलीला उद्घाटन पर झेंडी दाखवणार आहेत. संविधान शाळा महाविद्यालयीन सहभागी विद्यार्थ्यांना डॉ. बाबासाहेब आंबेडकर चौक समारोपिय रॅलीत बिस्किट व फळाचे वाटप करण्यात येणार आहे. दुपारी १.३०वाजता डॉ बाबासाहेब आंबेडकर चौक जुना बस स्थानक येथील विचार मंचावर संविधान दिनानिमित्त जिल्हास्तरीय विविध वक्तृत्व स्पर्धेचे आयोजन करण्यात आले असून वयोगट ८ ते १६ स्पर्धकांसाठी  "माणुसकीचा सुरक्षा कवच आणि भारतीय संविधान",

"भारतीय संविधान आणि भारतीय नागरिकांची जबाबदारी" सदर दोन विषय राहणार असून वेळेची मर्यादा  पाच मिनिटाची निर्धारित करण्यात आली आहे . वयोगट १६वर्षावरील वक्तृत्व स्पर्धकांसाठी "भारताचे संविधानात धर्मनिरपेक्षतेचा उचीतार्थ". "भारतीय संविधान व आजची राजकीय परिस्थिती".  सदर दोन विषयावर वक्तृत्व स्पर्धा राहणार असून सहभागी स्पर्धकांसाठी वेळेची मर्यादा सात मिनिटांची राहील. सायंकाळी ६ वाजता भव्य संविधान प्रबोधन सभेचे आयोजन करण्यात आले असून सदर कार्यक्रमात उद्घाटक म्हणून उपविभागीय पोलीस अधिकारी अतिरिक्त जिल्हा पोलिस अधीक्षक आयुष नोपाणी कार्यक्रमाच्या अध्यक्षस्थानी पाटील कोचिंग अकॅडमी संचालक अजय पाटील, तर सविधान समारंभाचे स्वागताध्यक्ष भीम आर्मीचे तालुकाध्यक्ष राजरतन पेटकर, प्रसिद्ध वक्ते वक्ते व मार्गदर्शक म्हणून संभाजी ब्रिगेडचे महाराष्ट्र प्रदेश संघटक तुषार उमाळे, ब्रिटिश सरकारचे  चेव्हिनिंग स्कॉलर अॅड. दीपक चटप, युवा वक्ते अनिकेत दुर्गे, राहणार आहे. संविधान दिनाप्रसंगी प्रमुख पाहुणे म्हणून अॅड. भूपेंद्र रायपुरे संविधान अभ्यासक, कुशल मेश्राम वंचित बहुजन आ. महाराष्ट्र प्रदेश कार्यकारी सदस्य, शंकर मुन भीम आर्मी महाराष्ट्र महासचिव, सुरेंद्र रायपुरे भीम आर्मी जिल्हाध्यक्ष चंद्रपूर, सुरज गावंडे सामाजिक कार्यकर्ते भद्रावती, इंजि .प्रकाश पिंपळकर प्राचार्य माँ भवानी आयटीआय भद्रावती, विशाल बोरकर सामाजिक कार्यकर्ता, डॉ.अमित नगराळे सामाजिक कार्यकर्ता भद्रावती, रवींद्र तिराणिक जनमंच सदस्य तथा महाराष्ट्र प्रदेश संपर्कप्रमुख अखिल भारतीय ग्रामीण पत्रकार संघ, राहुल बिपटे, संदीप ढेंगळे सामाजिक कार्यकर्ता, डॉ. कार्तिक शिंदे सचिव निळकंठ राव शिंदे महाविद्यालय भद्रावती, सुशील देवगडे मा.नगरसेवक भद्रावती, मार्शल सुनील मेश्राम, रत्नाकर साठे, नंदू पठाल मा. नगरसेवक भद्रावती, शाहिस्ता खान पठाण हु.वे.म. असो. अध्यक्ष महिला भद्रावती, महेंद्र गावंडे सामाजिक कार्यकर्ता, मिलिंद वाघमारे प्राचार्य डॉक्टर आंबेडकर मेमोरियल स्कूल भद्रावती, मनोज मोडक लॉर्ड बुद्धा टीव्ही प्रतिनिधी भद्रावती, नितेश बानोत ऑल रीलिजयन फाउंडेशन भद्रावती, वैभव जुमडे सामाजिक कार्यकर्ता भद्रावती प्रमुख पाहुण्यांच्या उपस्थितीत शाळा महाविद्यालयीन गुणवत्ता क्षेत्रातील प्राविण्य प्राप्त तथा जिल्हास्तरीय वक्तृत्व स्पर्धेतील विद्यार्थ्यांचा सत्कार- बक्षीस वितरण होईल. कार्यक्रम यशस्वी करण्याकरता संविधान नागरिक संवर्धन समिती तर्फे राजरतन पेटकर, अनिकेत रायपुरे, प्रणय कांबळे, बादल बाराहाते, थॉमस दुधे, संकेत चिमूरकर, सचिन नारायणे, विकास दुर्योधन, सोनू सिंग ,पनवेल शेंडे, सुमित हस्तक, कुलीन शेंडे, फैयाज शेख, सोनू बानागिरी, इंजि.जगदीश लवाडिया, सिद्धार्थ पेटकर, वैभव पाटील, मारुती जांभुळे, कल्पना देवगडे, सुनिता खंडाळकर, विभा बेहरे, सोनू चौधरी, रेणुका साने, मानसी देव आदि संयोजन कमिटीचे कार्यकारी प्रतिनिधी अथक परिश्रम घेत आहेत.

शिवसेना (उध्दव बाळासाहेब ठाकरे) युवा-युवती सेनेतर्फे वरोरा विधानसभा क्षेत्रात 'संविधान वाचन कार्यक्रम'

शिवसेना (उध्दव बाळासाहेब ठाकरे) युवा-युवती सेनेतर्फे वरोरा विधानसभा क्षेत्रात  'संविधान वाचन कार्यक्रम' 

संविधान दिनाचे औचित्य; विधानसभा प्रमुख रविंद्र शिंदे यांचे नेतृत्व

वरोरा/भद्रावती : 

शिवसेना (उध्दव बाळासाहेब ठाकरे) युवा-युवती सेनेतर्फे वरोरा विधानसभा क्षेत्रात संविधान दिनाचे औचित्य साधून दिनांक २५ व २६ नोव्हेंबरला 'संविधान वाचन कार्यक्रमाचे' आयोजन करण्यात आले आहे.

शिवसेना युवा नेते, युवा सेना प्रमुख आमदार आदित्य ठाकरे, शिवसेना व युवा सेनेचे सचिव वरूण सरदेसाई, युवा सेना कार्यकारी सदस्य हर्षल काकडे, शीतल देवरुखकर-सेठ, युवा सेना पूर्व विदर्भ सचिव तथा सिनेट सदस्य निलेश बेलखेडे यांचे मार्गदर्शनात व वरोरा विधानसभा प्रमुख रविंद्र शिंदे,सौ नर्मदा बोरेकर चंद्रपुर जिल्हा महीला सघंटीका ,भास्कर ताजने उपजिल्हा प्रमुख,दत्ता बोरेकर वरोरा तालुका प्रमुख, नरेद्र पंढाल भद्रावती तालुका प्रमुख, खेमराज कुरेकार वरोरा शहरप्रमुख व घनश्याम आस्वले भद्रावती शहर प्रमुख यांचे नेतृत्वात सदर उपक्रम राबविण्यात येत आहे.

सार्वभौम भारत देशाचे संविधान हे संविधान सभेद्वारा दिनांक २६ नोव्हेंबर १९४९ ला स्वीकारल्या गेले. त्यानंतर २६ जानेवारी १९५० ला संपूर्ण देशात संविधान प्रत्यक्षरीत्या लागू झाले. या दोन्ही घटना भारत देशाकरीता ऐतिहासिक आहे. भारत देशाचे संविधान हे एकमेवाद्वितीय असे संविधान आहे. या संविधानाद्वारे समस्त भारतीय जनतेला स्वातंत्र्य, अहिंसा व बंधुता या त्रयसुत्रिने बांधून एकसमान हक्क व अधिकार बहाल केले आहेत. या दिवसाचे स्मरण ठेवून व भारतीय लोकशाही अबाधित रहावी, या हेतूने २६ नोव्हेंबरला शासकिय कार्यालय, सार्वजनिक संस्था, शाळा, महाविद्यालय, प्रतिष्ठान व घरोघरी संविधानाच्या उद्देशिकेचे वाचन व्हावे, यासाठी वरोरा विधानसभा क्षेत्रातील सार्वजनिक संस्थांनी तथा प्रत्येक नागरिकाने या उद्देशिकेचे वाचन करावे, असे जाहीर आवाहन युवा- युवती सेना शिवसेना (उध्दव बाळासाहेब ठाकरे) पक्षातर्फे करण्यात आले आहे.

समस्त नागरिकांनी दिनांक २५ व २६ नोव्हेंबर रोजी साजरा होत असलेल्या संविधान वाचन दिनाच्या कार्यक्रमात सहभागी व्हावे, कु. प्रतिभा माडंवकर युवती सेना जिल्हा अधिकारी, मनिष जेठाणी युवा सेना जिल्हा अधिकारी, येशु आरगी युवासेना जिल्हा सरचिटणीस,शरद पुरी युवायेनी उपजिल्हा अधिकारी,कु.शिव गुडमल युवतीसेना उपजिल्हा अधिकारी,अभिजीत कुडे वरोरा -भद्रावती विधानसभा युवसेना अधिकारी,उमेश काकडे युवासेना चिटणीस युवसेना अधिकारी,विक्की तावाडे वरोरा तालुका युवासेना अधिकारी, राहुल मालेकर भद्रावती तालुका युवासेना अधिकारी,प्रज्वल जानवे वरोरा शहर युवा अधिकारी,मनोज पापडे भद्रावती शहर अधिकारी यांनी असे आवाहन केले आहे

माजी भाजपा जिल्हा अध्यक्ष देवरावजी भोंगळे, यांचे वाढदिवासा निमित्य भव्य रक्तदान शिबीर चे आयोजन*

*माजी भाजपा जिल्हा अध्यक्ष देवरावजी भोंगळे, यांचे वाढदिवासा निमित्य भव्य रक्तदान शिबीर चे आयोजन*

 वरोरा भारतीय जनता पार्टी चे माजी जिल्हा अध्यक्ष चंद्रपुर (ग्रा.) *मा. श्री देवरावीजी भोंगळे विधानसभा प्रमुख 70 राजुरा विधानसभा क्षेत्र, तथा माजी अध्यक्ष, जिल्हा परिषद, चंद्रपुर यांच्या वाढदिवसा निमित्य वरोरा शहर मध्ये आशीर्वाद सभागृह, येथे भव्य रक्तदान शिबिर चे आयोजन करण्यात आले होते, सदर शिविरा करिता जिल्हा रूंगालय, चंद्रपूर येथील वैद्यकीय अधिकारी यांचे सह त्यांचा संच  उपस्थित झाला. 

 सदर शिबिरात ऐकुन 40 ते 50 रक्तदातानी रक्तदान करुन *रक्तदान हे  सर्वश्रेष्ठ दान* या अनमोल कार्यास श्री भगवानजी गायकवाड़, श्री बाबाजी भागड़े, श्री आशीषजी ठाकरे, श्री अहेतेशामजी अली, श्री करणजी देवतळे, श्री अंकुशजी  आगलावे, विनोद लोहकरे, श्री बाळुभाऊ भोयर, आपले अनमोल सहकार्य दिले, 

सदर शिबिराचे आयोजन हे देवराव दादा भोंगळे मित्र परिवार व शिबिर यशस्वी करण्यास सहाकार्य प्रमुख राहुल बांदूरकर, अमित चवले, संतोष पवार, संजू राम,आकाश बागडे, भरत तेला,अभिजीत गयनेवार, मधुकर ठाकरे, जगदीश तोटावार, मधुसूदन टिपले, देवीदास ताजने, प्रकाश दुर्गोपुरोहित, ओमप्रकाश यादव, तसेच सर्व प्रत्रकार बंधु  उपथित होते राजेंद्रजी मर्दाने, प्रवीणजी गंधारे,  इत्यादि सा सक्रिय सहभाग होता....

राष्ट्रवादी काँग्रेस पार्टी वरोरा तर्फे नामदार संजय बनसोडे साहेब यांचे जल्लोषात स्वागत....*

राष्ट्रवादी काँग्रेस पार्टी वरोरा तर्फे नामदार संजय बनसोडे साहेब यांचे जल्लोषात स्वागत....*

 माननीय नामदार संजय बनसोडे साहेब क्रीडा, युवक कल्याण व बंदरे  मंत्री जिल्ह्याच्या शासकीय दौऱ्यावर असताना नागपूर येथून चंद्रपूरला जात असताना वरोरा येथील रत्नमाला चौकात फटाक्यांच्या आतिषबाजीत नामदार संजय बनसोडे साहेब यांचे स्वागत राष्ट्रवादी काँग्रेस पार्टी वरोरा भद्रावतीचे विधानसभा अध्यक्ष विलासराव नेरकर यांनी शाल श्रीफळ पुष्पगुच्छ देऊन करण्यात आले तसेच वरोरा तालुका क्रीडा संकुलन साठी विकास निधी लवकरात लवकर उपलब्ध करून देण्यात यावे असे निवेदन देण्यात आले त्यावेळी तालुकाध्यक्ष रवींद्र भोयर व शहराध्यक्ष चंद्रकांत कुंभारे यांचेकडून शहर व ग्रामीण ची क्रीडा विषयीची माहिती जाणून घेतली वरोरा येथील राष्ट्रीय शालेय व्हॉलीबॉल स्पर्धा मधून निवड झालेल्या कुमारी ईश्वरी राऊत व कुमारी सृष्टी चट्टे यांचे मंत्री महोदयाने कौतुक करून सत्कार केला यावेळी वरोरा स्पोर्ट फाउंडेशनचे अध्यक्ष गजानन जीवतोडे,पीरके साहेब विनोद उमरे,स्फुर्ती स्पोर्टींग क्लबचे सेक्रेटरी श्री सुनिल जवदंड,राजू दोडके यांनी मंत्री मोहदयाचे स्वागत केले ,वरोरा तालुक्यातील श्री प्रवीण सुराणा,श्री तिरणीक, श्री प्रवीण खिरटकर,निखिल विरुटकर,फकिरचंद कोटांगले, आणि शहरातील मुलं, मुली प्रामुख्याने उपस्थित होते,राष्ट्रवादी  काँग्रेसचे भद्रावती शहराध्यक्ष गितेश सातपुते,युवक अध्यक्ष दिनेश मोहरे सुधाकर उपरे पदाधिकारी व कार्यकर्ते उपस्थित होते.

देशी दारू दुकानासाठी घेतलेला ठराव रद्ध करा.

देशी दारू दुकानासाठी घेतलेला ठराव रद्ध करा

अन्यथा आंदोलन करू नागरी ग्रामस्थांची मागणी.

 वरोरा प्रतिनिधी :- तुलसीदास अलाम 

वरोरा तालुक्यातील नागरी येथे 29 डिसेंबरला ग्रामपंचायतने ग्रामस्थांना घरकुल  घाणी रस्त्याच्या विषया करीता ग्रामसभा बसल्याचे सांगून मोजक्याच लोकांच्या उपस्थितीन देशी दारूच्या दुकानाला नाहरकत प्रमाणपत्र देऊन अवघ्या 15 मिनिटात ग्रामसभा गुंडाळली या घटनेची तक्रार दुसरऱ्याच दिवशी गटविकास अधिकारी पं. स. वरोरा यांना निवेदनाच्या माध्यमातून देण्यात आली. 2 जानेवारी रोजी नागरी गावातील महिलांनी मोर्चाच्या माध्यमातून पं स ला धडक देऊन ग्रा पं नागरी येथे घेण्यात आलेल्या नियंमबाह्य ग्रामसभेची चौकशी करून संबंधीतांवर कारवाही  बरून महिलेच्या विशेष उपस्थितीन पं स स्तरावरील अधिकाऱ्याच्या देखरेखित केवळ दारू दुकानाला ना हरकत देणे त्या एकाच विषयाकरता विशेष ग्रामसभा घ्यावी अशी मागणी निवेदनातून केली.

नागरी गट ग्रामपंचायत हद्दीत 30 वर्षापूर्वी देशी दारूचे दुकान अस्तित्वात होते पन महिलांनी ते दुकान बंद केले यामुळे शासनाच्या नियम अनुसूचिनुसार सदर दुकानाला पुन्हा ना हरकत हेयासाठी 100टक्के महिलांची विशेष ग्रामसभा घेने अनिर्वाह होते. परंतु तसे झाले नाही. ग्रामसभा नोटीसवर सर्वसाधारनसभा असल्याची नोटीस लावून त्यावर देशी दारूचा विषय पाहिजे होता पण त्यात इतर विषय समाविष्ट होते त्यामुळे ही विषेश ग्रामसभा न होता सर्व साधारण सभा असल्याचे उघड आले ग्रामसभेच्या नोटीसवर तांडा वस्ती घोषित करणे, तांडावस्ती सुधार योजने अंतर्गत विकास कामे प्रस्तावित करणे असे विषय होते, मात्र एक महिण्यापूर्वीच या बद्धल प्रस्ताव पंचायत समिती मध्ये आलं त्यामुळे ग्रामस्थाची दिशाभूल करून संबंधीतानी आपला हेतू साध्य केला आणि संवेदनशील विषय असल्याने पंचायत समिती स्तराहून निरीक्षण म्हणून पंचायत विस्तार अधिकायाची नेमणूक करने अनिर्वाय असताना नियमाला बगल देण्यात आली तसेच ग्रामसभेत गावात हजर नसलेल्या लोकांच्या बनावट स्वाश्रऱ्या आणि नावाची नोंद करण्यात आली, असे अनेक वादग्रस्त मुद्दे पंचायत समिती वरोराचे गट विकास अधिकारी यांच्या लक्षात आणून दिले. सोबतच मुख्य कार्यकारी अधिकारी जि. पं चंद्रपूर जिल्हाधिकारी, पालकमंत्री,अधीक्षक दारू बंदी उत्पादन शुल्क विभाग यांच्याकडे नागरी वासि्यांनी तक्रार दिली. त्या अनुषंगाने तक्रारीची दखल घेऊन सदर ग्रामसभेची सखोल चौकशी करून पं स स्तरावरून तक्रार दाराची सुनावणी घेऊन सदर चौकशीचा अहवाल आपल्या स्वयंस्पष्ट अभिप्राय सह सादर करावा तसेच आपल्या स्तवरून ग्रामपंचायत नागरी येथे महिला सभा घेण्याबाबत कळविण्यात यावे असे पत्र उपमुख्य कार्यकारी अधिकारी ग्रा. पं जिल्हा परिषद चंद्रपूर यांनी गट विकास अधिकारी पं स वरोरा यांना दिले 10 एप्रिल 2023ला दिले आणि त्या पत्राच्या अनुषंगाने ग्रामपंचायत नागरी येथे महिला. सभा घेण्याचा सूचनाचे पत्र गटविकास अधिकारी पं स वरोरा यांनी नागरी ग्रा पं च्या सरपंच आणि सचिव यांना 19 एप्रिल 2023 दिले.वरिष्ठाकडून आलेल्या निर्देषाना ग्रामपंचायत नागरीने केराची टोपली दाखवून सात महिने लोटले तरी अध्यापर्यंत विषेश महिला सभेचे आयोजन केले नाही करिता दि.16नोव्हेंबर 2023ला पुन्हा हाच विषय घेऊन नागरी गावातील ग्रामस्थ मुख्यकार्यकारी अधिकारी जि. पं चंद्रपूर जिल्हाधिकारी पालकमंत्री अधीक्षक दारू बंदी उत्पादन शुल्क विभागाच्या कार्याल्यावर धडकले.

नागरी येथे देशी दारू दुकानाला ना हरकत देण्याचा निर्णय जर असा नियमांना धाब्यावर बसवून घेतला तर आम्ही सनदशीर मार्गाने आंदोलन करू संपूर्ण गावाचा विनाशाला कारणीभूत ठरणारे विषय जर गावातले मा. जि लोक घेत असतील तर गाव शांत बसणार नाही नुकताच नागरी येथील बार मध्ये दोन गटात राडा झाल्याने मोठा अनर्थ होता होता टळला उदयानाची जीवित हानी झाल्यास त्याला प्रशासन जबाबदार राहील असा इशारा यावेळी चंद्रशेखर नोकरकार, हितेंद्र स्वर्गावानी, विनोद वाटमोडे, डॉ. मनोज तेंलग, शारदा निकुरे, रेखा गाठे, जयश्री वाघमारे, रोहिनी देवतळे, गजेंद्र निकुरे, भोला नोकारकार, यांनी केली आहे.

गोंडीयन आदिवासी आरक्षण बचाव कुती समिती वरोराची बैठक संपन्न.

गोंडीयन आदिवासी आरक्षण बचाव कुती समिती वरोराची बैठक संपन्न.

4  डिसेंबरला वरोऱ्यात भव्य निषेध मोर्चा.

प्रतिनिधी :- तुलसीदास अलाम

वरोरा -भद्रावती तालुक्यातील गोंडीयन आदिवासी आरक्षण बचाव कृती समीती वरोरा च्या वतीने आज दि.18/11/2023 रोज शनिवारला समीतीचे अध्यक्ष  विलास नामदेव परचाके यांचे घरी आरक्षण बचाव समीतीची बैठक घेण्यात आली.

तसेच वरोरा भद्रावती क्षेत्रातील अन्य  गोंडीयन आदिवासी  सामाजिक संघटनेचे पदाधिकारी उपस्थित होते .या बैठकीत समाजावर होणारे अन्याय अत्याचार बलात्कार उत्पीडन ,आश्रम शाळेतील विध्यार्थ्यांचे होणारे शोषण त्याचप्रमाणे महाराष्ट्रात जातीनिहाय जणगनना  करण्यात यावी.

त्याच प्रमाणे खऱ्या आदिवासीच्या आरक्षणाला धक्का न लागता धनगर व बंजारा समाजाला स्वतंत्र आरक्षण देण्यात यावे जर खरे आदिवासीचे प्रमाणपत्र बोगसाना दया म्हणणारे मंत्री छगन भुजबळ , महादेव जानकर, 

विजय वडेट्टीवार,मनोज दराजे पाटील, यांनी केलेल्या व्यतव्याचा जाहीर निषेध ही या मोर्चात करण्यात येत आहे.

इत्यादी बाबीवर चर्चा मसलत करुन समितीच्या वतीने येत्या 4 डिसेंबरला निषेद मोर्चा घेण्याचे ठरविण्यात आले आहे .

बैठकीला मनोजभाऊ आत्राम  रमेश मेश्राम,भास्कर तुमराम गणपत नैताम अशोकजी सुरपाम सचिन केराम मधुकर कोडापे अरविंद येडमे गजानन येडमे अनिल आत्राम तुलसी अलाम विलास मडावी नथ्थुजी मंगाम आदि  पदाधिकारी आणी सल्लागार म्हणुन चिंतामण आत्राम ,गजानन मेश्राम हे होते तसेच वरोरा भद्रावती क्षेत्रातील अन्य  गोंडीयन आदिवासी  सामाजिक संघटनेचे पदाधिकारी उपस्थित होते .

पत्रकारांनी निस्पृह व निर्भीडपणे लिखाण केले पाहिजे -रवींद्र तिराणिक

पत्रकारांनी निस्पृह व निर्भीडपणे लिखाण केले पाहिजे 

    -रवींद्र तिराणिक

 वरोरा :-

मनात कुणाविषयी द्वेष, मत्सर,  आकस, ममभाव न बाळगता पत्रकारांनी लोकहित जोपासत जनकल्याणार्थ पारदर्शकपणे ,निस्पृह व निर्भीड पणे लिखाण केले पाहिजे. लोकशाही हा केंद्रबिंदू लक्षात घेता पत्रकारांनी आर्थिक विवंचनेत जाऊन राजकीय मानसिकतेच्या गुलामगिरीत पत्रकारिता करू नये. लोकशाहीचा चौथा आधारस्तंभ म्हणून जनहितार्थ कल्याणसाठी लढणारा पत्रकार ही प्रचलित आख्याकिका अनेक विचारवंत ,लेखक व मातबर संपादक ,पत्रकारांनी अनेक दशकापासून जोपासत ठेवली आहे . ती सध्याच्या परिस्थितीत अबाधित ठेवणे हे प्रत्येकाचे कर्तव्य आहे. कालांतराने काही दशकापासून 'कालची -आजची- उद्याची 'पत्रकारितेमध्ये बदल होताना दिसते आहे. हे लोकशाहीच्या दृष्टीने विचार मंथन करणारी बाब असून, घातक प्रवृत्तीचे लक्षण आहे. पत्रकारांच्या लेखणीमध्ये ग्राम, गाव शहर जिल्हा राज्य व देश यामध्ये आमुलाग्र बदल घडवण्याची ताकद आहे. परंतु पत्रकारांच्या लेखणीने   राजकीय गुलामगिरीत राहून आपली शाही संपू न देता योग्य दिशेने वाटचाल करीत जनकल्याणार्थ प्रश्नांना प्राधान्य रूप द्यावे तरच लोकशाही शाबूत राहील  व जनसामान्यांचे प्रश्न सोडवता येतील असे स्पष्ट व प्रखर मत सामाजिक कार्यकर्ते व जनमंच सदस्य रवींद्र तिराणिक  यांनी मांडले .आनंदवन येतील सामाजिक मंच व पत्रकार संघाच्या ओळखपत्र वितरण प्रसंगी ते बोलत होते.

"हात लगे निर्माण में, नही मांगणे नही मारणे" जगप्रसिद्ध समाजसेवक श्रद्धेय बाबा आमटे व साधनाताई आमटे यांच्या आनंदवन येथील कर्मभूमीत समाधी स्थळाला वंदन करीत नमन होत बाबा आमटे व साधनाताई सोबत घालवलेल्या जुन्या दिवसांची आठवणींना उजाळा देत सामाजिक चळवळीतील  कार्यकर्ते जनमंच सदस्य ,अखिल भारतीय ग्रामीण पत्रकार संघाचे प्रदेश संपर्कप्रमुख, महाराष्ट्र अंनिस मार्गदर्शक सल्लागार, कला अकादमीचे संचालक रवींद्र तिराणिक यांनी सामाजिक कार्याच्या चळवळीची जाणीव खऱ्या अर्थाने आनंदवनातून करून दिली . प्रसंगी ग्रामीण विभागातून खडतर पत्रकारिता करीत असताना ग्रामपंचायत सदस्य म्हणून विजय प्राप्त झालेले जगदीश पेंदाम यांचा संघाच्या वतीने सत्कार करण्यात आला. (सामाजिक क्षेत्र व पत्रकारिता ओळख पत्र) अखिल भारतीय ग्रामीण पत्रकार संघाच्या वतीने प्रदीप कोहपरे, सादिक थैम, प्रशांत बदकी, परमानंद तिराणिक, ग्यानीवंत गेडाम, तुलसीदास अलाम, जगदीश पेंदाम, धर्मेंद्र शेरकुरे, मनोज गाठले, विनोद शर्मा, समीर आसुटकर ,माधव जीवतोडे उपस्थित आदींना सन्मान करीत ओळखपत्र वितरण करण्यात आले.

शेतकऱ्याच्या नावावर देशाच्या तिजोरीची लूट*- रामचंद्र सालेकर

*शेतकऱ्याच्या नावावर देशाच्या तिजोरीची लूट*

- रामचंद्र सालेकर

एका रुपयात प्रधानमंत्री पीक विमा हे सगळं फसवं असून शेतकऱ्याला पुढं करून कंपनीला दलाल बनून देशाची तिजोरी लुटण्याचा हा फंडा असल्याचे १ रुपयात काढलेल्या प्रधानमंत्री पीक विम्याबाबत आलेले अनुभव विषद करताना रामचंद्र सालेकर यांनी आपले अनुभव कथन केले. भारताची संपूर्ण तिजोरी शेतकऱ्याच्या या एक रुपयाच्या विम्याच्या नावावर ओरियंटल कंपनीच्या घशात घालून आजपर्यंतचा सर्वात मोठा घोटाळा झाल्याची शक्यता नाकारता येत नसल्याचे ते म्हणाले. एक हेक्टर ला बावण हजाराच्या विम्यासाठी शेतकऱ्याने १ रु. व सरकारने ६०५४ रु. त्या कंपनीला दिले आहे. या संपूर्ण भारत देशात किती हेक्टर जमीन असेल?  किती अरोबो खरोबो देशाच्या तिजोरीतला पैसा त्या कंपनीच्या मढ्यावर टाकून देशाच्या तिजोरीची लूट केली असेल?२०२४ च्या निवडणुकीत या कंपनीच्या माध्यमातून या लुटीचा वापर होणार तर नाहीना अशी भीती सुद्धा त्यांनी व्यक्त केली.त्यांनी पुढे सांगितले की पिकाच्या व शेतीच्या नुकसानीबाबत कंपनीने दिलेल्या टोल फ्री नंबरवर संपर्क करण्याचा प्रयत्न केला असता फक्त तास नं तास कॅसेट ऐकायला मिळायची "एक दबाव दो दबाव तीन दबाव,आपका कॉल हमारे लिए बहुमूल्य है, जल्द ही उपलब्ध होंगे" अशा कॅसेट ने बोर झालं की पिच्छा सोडून द्यावा लागे. या वर्षाला शेतकरी भयंकर संकटात आहे कुठे अतिवृष्टीने तर कुठे पाऊसच न पडल्याने तर कुठे रोगाने उभी पीक करपल्याने शेतकरी हवालदिल झाला आहे. निवडणुका डोळ्यापुढे ठेऊन ज्यांचे फोन उचलले गेले अश्यांना कंपनी थोडाफार लाभ देईलही पण त्याचा दिंडोरा पिटवायसाठी त्यापेक्षाही सरकार कडून कितीतरीपट जाहिरातीवर उधळल्या जाईल.

निवडणूकीमुळे या पीक विम्याकडे शेतकऱ्यांची आशा टिकून आहे असेही ते म्हणाले.

. 

लभानसराड पोथरा प्रकल्प लाल नाला प्रकल्पाचे पाणी कृषी सिंचनासाठी शेतकऱ्यांच्या शेतात पोहचले...!

*लभानसराड पोथरा प्रकल्प लाल नाला प्रकल्पाचे पाणी कृषी सिंचनासाठी  शेतकऱ्यांच्या शेतात पोहचले...!* 

 *शेतकरी बांधवांची  रविंद्र शिंदे आणि तालुकाप्रमुख दत्ता बोरेकर यांच्या प्रति कृतज्ञता* 

वरोरा / खांबाडा / टेमुर्डा =शिवसेना ( उध्दव बाळासाहेब ठाकरे  ) वरोरा -भद्रावती विधानसभा क्षेत्र प्रमुख रविंद्र शिंदे यांच्या मार्गदर्शनात तालुकाप्रमुख दत्ता बोरेकर यांनी लभानसराड पोथरा  लाल नाला प्रकल्पाचे पाणी कृषी सिंचनासाठी सोडण्यात यावे. या प्रमुख मागणीसाठी संबंधीत प्रकल्पाचे उपविभागीय अभियंता यांना नुकतेच निवेदन दिले. संबंधीत अधिकाऱ्यानी शेतकऱ्यांचे हित लक्षात घेता. शिवसेना ( उ. बा. ठा. ) च्या वतीने मागणी केल्यानंतर सदर प्रकल्पाचे पाणी कृषी सिंचनासाठी  सोडण्याची प्रक्रिया तात्काळ पूर्ण केल्याने शेतकऱ्यांच्या शेतात पाणी पोहचले. यामुळे परीसरातील शेतकरी बांधवांनी  शिवसेना ( उध्दव बाळासाहेब ठाकरे  ) वरोरा -भद्रावती विधानसभा क्षेत्र प्रमुख रविंद्र शिंदे आणि तालुकाप्रमुख दत्ता बोरेकर यांच्या प्रति कृतज्ञता व्यक्त केली.

     वरोरा तालुक्यातील कोठा, कवडापूर, हिरापूर, कोसरसार, खांबाडा, बोडखा, फत्तापूर, बोपापूर,बारव्हा, आर्वी , वडगाव, मुरदगाव आणि तुमगाव ह्या शेत शिवारातील खरीप पिकांचे यापूर्वी  फार मोठ्या प्रमाणात नुकसान झाले.  या वर्षी पावसाळा लवकर संपल्यामुळे हृया शेत शिवारातील सध्या शेतीतील रब्बी पिके पाण्याअभावी वाळत होते. शेतकऱ्यांचा रब्बी हंगामाचे पुन्हा एकदा नुकसान होऊ नये. यासाठी खबरदारीची उपाययोजना म्हणून लभानसराड पोथरा लाल नाला प्रकल्पाचे पाणी कृषी सिंचनासाठी सोडण्यात यावे अशी मागणी करण्यात आली होती..

       शिवसेना ( उ. बा. ठा. ) तालुका प्रमुख दत्ता बोरेकर यांच्या नेतृत्वात लभानसराड पोथरा प्रकल्प लाल नाला प्रकल्पाचे पाणी कृषी सिंचनासाठी सोडण्यात यावे. या मागणीसाठी शिवसेना ( उ. बा. ठा. ) उप तालुकाप्रमुख सुधाकर बुराण, विभागीय समन्वयक प्रमोद वाघ, विभागीय संघटक नितीन मायकरकार, विभागप्रमुख विनोद लोहकरे आणि  उपसमन्वक अंकुश थाटे यांनी संबंधीत विभागाकडे सतत पाठपुरावा केला. सदर पाणी कॅनल द्वारे शेतात पोहचताच उमेश तडस, विशाल तडस, वृशाली मडावी, प्रकाश बुरांडे, रामेश्वर तडस,वामन वरभे, दिनेश तडस , गोलू भोंबले आणि आशिष तडस हया शेतकऱ्यांनी आनंद व्यक्त केला.

वरोरा विधानसभा क्षेत्रातील "होऊ द्या चर्चा" जनसंवाद अहवालाचे मुंबई येथे मातोश्री वर प्रकाशन

*वरोरा विधानसभा क्षेत्रातील "होऊ द्या चर्चा" जनसंवाद अहवालाचे मुंबई येथे मातोश्री वर प्रकाशन*

*शिवसेना पक्षप्रमुख उध्दव ठाकरे यांच्या हस्ते प्रकाशन*

भद्रावती/वरोरा :

वरोरा विधानसभा क्षेत्रातील "होऊ द्या चर्चा" जनसंवाद अहवालाचे मुंबई येथे मातोश्री वर पक्ष प्रमुख उद्धव बाळासाहेब ठाकरे यांचे हस्ते प्रकाशन करण्यात आले. यावेळी मातोश्रीवर चंद्रपुर लोकसभा निरिक्षक तथा कामगार नेते माजी नगरसेवक मनोज जामसुतकर, वरोरा विधानसभा प्रमुख रविंद्र शिंदे, पुर्व विदर्भ विभागीय सचिव निलेश बेलखेडे उपस्थित होते.

त्यानंतर शिवसेना नेते खासदार सजंय राऊत, खासदार अनिल देसाई, खासदार विनायक राऊत, शिवसेना सचिव तथा युवासेना सचिव वरुण सरदेसाई यांची प्रत्यक्ष भेट घेवून ७५ वरोरा-भद्रावती विधानसभा क्षेत्राचा “होवु द्या चर्चा” जनसंवाद अहवाल भेट देण्यात आला व क्षेत्राची संपूर्ण माहिती देण्यात आली.

शिवसेनेतर्फे (उध्दव बाळासाहेब ठाकरे) राज्यभर "होऊ द्या चर्चा" हा कार्यक्रम राबविण्यात आला. या कार्यक्रमाच्या निमित्ताने केंद्र व राज्य शासनाच्या निव्वळ पोकळ आश्वासन व देशविघातक धोरणाविरोधात जनजागृती करण्यात आली. 

केंद्र व राज्य सरकार यांनी लोकशाही ही बेबंदशाही, भाजपाचा प्रवास अहंकारीपणाकडेच, भाजपाचा इतिहास फसवणुकीचा, ईडी ची व्याप्ती वाढली विश्वासार्हतेचे काय? मिंदे सरकार घटनाबाह्य सरकार व मोदीचा जुमला, या बोलघेवड्या सरकारच्या कामांची व योजनांची पुरेपूर कल्पना जनतेला यावी या उदेशाने करुया बोलघेवड्या योजनांचा भांडाफोड करण्यासाठी शिवसेना पक्षप्रमुख उध्दवजी बाळासाहेब ठाकरे यांचे आदेशाने संपूर्ण महाराष्ट्र राज्यात “होऊ द्या चर्चा” जनसवांद कार्यक्रम राबविण्यात आला. 

चंद्रपुर जिल्हयातील ७५-वरोरा-भद्रावती विधानसभा क्षेत्रात चंद्रपुर-आर्णी लोकसभा निरिक्षक तथा कामगार नेते माजी नगरसेवक मनोज जामसुतकर यांचे मार्गदर्शनात “होऊ द्या चर्चा” जनसंवाद कार्यक्रम दिनांक १ ऑक्टोबर ते १२ ऑक्टोबर दरम्यान राबविण्यात आला होता. सतत जनता जनार्दनापर्यंत जावुन केंद्र व राज्य सरकारच्या विरोधात भांडाफोड करण्यात आला.

७५-वरोरा-भद्रावती विधानसभेतील शिवसेना (उध्दव बाळासाहेब ठाकरे) पक्षातील सर्व पदाधिकारी, महीला आघाडी, युवा-युवती सेना, भारतीय सैन्य दलातील माजी सैनिक, विरपत्नी, शिवसैनिक व शाखाप्रमुख यांनी अहोरात्र मेहनत घेतली.

या संदर्भातील ७५-वरोरा-भद्रावती विधानसभा क्षेत्रातील वरोरा, भद्रावती नगरपरिषद क्षेत्रातील प्रभाग निहा्य व ९ जिल्हापरिषद क्षेत्र व १८ पंचायत समिती क्षेत्र गाव निहाय “होऊ द्या चर्चा” जनसवांद अहवालाचे प्रकाशन “मातोश्री” पक्षप्रमुख सन्मानिय उध्दवजी बाळासाहेब ठाकरे यांचे हस्ते करण्यात आले. 

याप्रसंगी, खासदार अरविंद सावंत, मिलिद नार्वेकर, पु्र्व विदर्भ समन्वयक प्रकाश वाघ, चंद्रपुर-आर्णी लोकसभा निरिक्षक तथा कामगार नेते माजी नगरसेवक मनोज जामसुतकर, पुर्व विदर्भ विभागीय सचिव निलेश बेलखेडे व वरोरा-भद्रावती विधानसभा प्रमुख रविंद्र शिंदे उपस्थित होते.

पक्षप्रमुख उध्दवजी बाळासाहेब ठाकरे यांनी ७५-वरोरा-भद्रावती विधानसभा क्षेत्रातील वरोरा, भद्रावती नगरपरिषद क्षेत्रातील प्रभाग निहाय ९ जिल्हा परिषद गट व १८ पंचायत समिती गणातील गाव निहाय “होऊ द्या चर्चा” जनसवांद राबविण्यात आलेल्या सर्व ७५-वरोरा-भद्रावती विधानसभा क्षेत्रातील व पुर्व विदर्भ संघटीका तथा प्रवक्ता प्रा. शिल्पा बोडखे, पुर्व विदर्भ विभागीय सचिव निलेश बेलखेडे, चंद्रपूर जिल्हा संघटीका महिला आघाडी नर्मदा बोरेकर, वरोरा-भद्रावती विधानसभा प्रमुख रविंद्र श्रीनिवासराव शिंदे, उपजिल्हा प्रमुख (वरोरा भद्रावती विधानसभा क्षेत्र) तथा कृषि उत्पन्न बाजार समिती भद्रावती सभापती भास्कर लटारी ताजणे, जिल्हा युवती अधिकारी चंद्रपूर तथा सरपंच महाडोळी कु. प्रतिभा शालीकराव मांडवकर, वरोरा-भद्रावती विधानसभा समन्वयक वैभव डहाणे, वरोरा-भद्रावती विधानसभा संघटक मंगेश भोयर, वरोरा-भद्रावती विधानसभा उपजिल्हा संघटीका सौ.मायाताई नारळे, वरोरा तालुका प्रमुख दत्ता बोरेकर, भद्रावती तालुका प्रमुख तथा माजी नगरसेवक न. प. भद्रावती नंदू पढाल, वरोरा शहर प्रमुख तथा माजी उपाध्यक्ष वरोरा नगरपालिका खेमराज कुरेकार, भद्रावती शहर प्रमुख घनश्याम आस्वले,  माजी नगराध्यक्ष न.प. भद्रावती ज्ञानेश्वर डुकरे, कृउबास भद्रावती माजी सभापती वासुदेव ठाकरे, माजी नगरसेवक न. प. भद्रावती प्रशांत कारेकर, भद्रावती तालुका युवासेना अधिकारी राहुल मालेकर, शेगाव शहर प्रमुख गजानन ठाकरे, माजरी शहर प्रमुख रवी राय, वरोरा उपतालुका प्रमुख सुधाकर बुऱ्हाण, वरोरा संचालक कृषि उत्पन्न बाजार समिती संचालक  विलास झिले, वरोरा संचालक कृषि उत्पन्न बाजार समिती संचालक अभिजित पावडे, अरुण महल्ले, गोपाल देवतळे, मंगेश ढेंगळे, राहुल ठेंगणे, बंडू नन्नावरे, रवि भोंगे, सुनिल मोरे, उपतालुका समन्वयक बळीराम चवले, सुरेश कामडी, बंडू निखाते, जनार्दन नन्नावरे, मनोहर आगलावे, बंडु बांदेकर, विभाग प्रमुख प्रशांत आवारी, गजानन गोवारदिपे, प्रकाश झाडे, गजानन वादाफळे, चंद्रशेखर कापटे, विठ्ठल हनवते, गजानन उताने, बंडुभाऊ मांढरे, अमोल कारेकार, मंगेश झाडे, विभाग संघटक सुनिल राऊत, उप-विभाग प्रमुख चेतन सातारकर, विनोद वाटमोडे, निरज सायंकार, देवेंद्र बोधाने, विक्की गायकवाड, किशोर झाडे, राहुल जुंबाडे, विजय डाखरे, गजानन काळे, प्रमोद तिवाडे, विलास हनवते, विलास जिवतोडे, शरद जांभुळकर, यूवराज निबुदे, विजय खंगार, महेश झाडे, पद्माकर बोधाने, गणेश जिवतोडे, पं.स संघटक प्रमुख प्रविण आवारी, पवन मोहितकर, पं.स समन्वयक प्रशांत गेडाम, संदिप कुरेकार, हरिभाऊ रोडे, दिलीप सावसाकडे, रविभाऊ इंगोले, देविदास बोदाडकर, पं.स संघटक नागनाथ नेहारे, सिध्दु पेटकर, सुधाकर डोंगे, विष्णुदास मत्ते, गजानन कुत्तरमारे, कान्होबा पाटील तिखट, हनुमान राणे,  प्रसिध्दी प्रमुख रवी कावळे, किशोर उत्तरवार, महेश निखाडे, शहर समन्वयक राजू बिरीया, भूमेश वालदे, शहर संघटक पंकज कातोरे, शहर सहसंघटक साहेबराव घोरुडे, वरोरा उप-शहर प्रमुख अभिजित अष्टकार, नितीन जुमडे, शशिकांत राम, अनिल सिंग, संजय नरोले, अरुण घुगुल, विश्वास कोंगरे, संतोष माडेकर, उत्तम मुजुमदार, अक्षय मालेकर, हनु पारोधे, मयुर शेडामे, सोनु बोनागीरी, विकास डुकरे, राहुल बावणे, भद्रावती तालुका संघटीका तथा उपसभापती भद्रावती कृषि उत्पन्न बाजारसमिती प्रा. अश्लेषा मंगेश (जिवतोडे)भोयर, वरोरा तालुका सघंटीका सरला मालोकर, तालुका समन्वयक निता मुरस्कर, लता खरवडे, उप-तालुका संघटीका ताई ननकटे, वरोरा कृषि उत्पन्न बाजार समिती संचालिका कल्पना टोंगे, वंदना फुलझेले, शालु भलमे, शोभा कुरेकार, संगिता खिरटकर, शांताबाई रासेकर, शिला आगलावे, काजल चव्हाण, विभाग संघटीका कमल ढवस, रत्ना वरभे, मनिषा पुसनाके, शुभांगी डाखरे, कान्होपात्रा सालेकर, लक्ष्मी कुंभलकर, माला ठेंगणे, शारदा कटगील, सिमा कर्डक, निता जेऊरकर, बेबी नवले, मंजुषा खापने, सोनु कारेकर, संध्या साखरकर, वरोरा शहर संघटीका सिमा अजय राखुडे, भद्रावती शहर माया टेकाम, प्रा. प्रिती पोहाने, प्रिती लांजेकर, भद्रावती शहर समन्वयक भावना खोब्रागडे, उपशहर संघटीका दुर्गा खनके, मनिषा जिवतोडे, जयश्री भोयर, मनिषा जुनारकर, वर्षा आत्राम, आशा चौधरी, वर्षा कुरेकार, जिल्हा चिटणीस राजश्री वैद्य, जिल्हा समन्वयक काजल पाटील, उपजिल्हा युवती अधिकारी शिव गुडमल, स्वाती ठेंगणे, करिश्मा गजभे, प्रिया कमाने, विधानसभा युवती संघटक कनिष्का आस्वले, तालुका युवती अधिकारी प्रणाली मडकाम, नेहा बन्सोड, शुभांगी राऊत, तालुका चिटणीस साक्षी वैद्य, उपतालुका युवती अधिकारी पुजा कुळसंगे, ज्योती पोयाम, सोनल सालेकर, पुनम सरपाते, शहर युवती अधिकारी सीमा लेडांगे, तेजस्वीनी चंदनखेडे, शहर समन्वयक शुभांगी कोंडेक, उपशहर युवती अधिकारी साक्षी रोकडे, साक्षी दौलतकर, ममता मेश्राम, सीमा सोयाम, उपशहर समन्वयक नेहा किन्नाके, संघटीका (वरोरा शहर) मालन  सरपाते, उपविभाग संघटीका शुभांगी अहीरकर, उपशहर संघटीका वरोरा किरण ताजने, युवा सैनिक रोहण कुटेमाटे, गौरव नागपूरे, निखील मांडवकर, अभिजीत कुडे, शुभम कोहपरे, राजेश लांबट, अक्षय बंडावार, सचिन चुटे तसेच भारतीय सैन्य दलातील माजी सैनिक व शिवसेना (उध्दव बाळासाहेब ठाकरे) पक्षातील पदाधिकारी कॅप्टन विलास देठे, जेष्ठ माजी सैनिक तथा तीन युध्दात सक्रीय सहभाग घेतलेले रामचंद्र नवराते, जयहिंद फाऊंडेशनचे जिल्हाध्यक्ष तथा माजी उपसरपंच विजय तेलरांधे, माजी सैनिक  कारगील योध्दा रुपेश कुत्तरमारे, माजी सैनिक अरुण खापने, माजी सैनिक नामदेव मांडवकर, माजी सैनिक कारगील योध्दा अजीत राम, माजी सैनिक प्रमोद गावंडे, माजी सैनिक संजय बेलेकर, माजी सैनिक अरुण मत्ते, माजी सैनिक कारगील योध्दा सुरेश नाकाडे, माजी सैनिक रमेश सातेकर, माजी सैनिक मारोती जांभुळे, माजी सैनिक दिलीप गंग्रस, माजी सैनिक बीएसएफ अनिल जिवतोडे, माजी सैनिक कारगील योध्दा राकेश फूले, माजी सैनिक नमोद रामटेके, माजी सैनिक कारगील योध्दा भाऊराव मत्ते आणि  माजी सैनिक  श्रीराम कुलकर्णी यांच्यासह माजी सैनिक पत्नी द्वारका नवराते, विरपत्नी सुर्या विश्वास सावसाकडे, विरपत्नी रंजना प्रकाश घटे, विरपत्नी कमल सुरेश मत्ते ,विरपत्नी विजया अब्रहम सम्युअल, माजी सैनिक पत्नी मनिषा राकेश फूले, माजी सैनिक कन्या पुजा तिरमलवार या सर्व पदाधिकारी यांची प्रशसा केली व सतत जनहिताचे कार्य करत रहा, अश्या सुचना दिल्या.

विवेक आणि वैज्ञानिक दृष्टिकोन पेरणारे डॉ. नरेंद्र दाभोलकर होते -डॉ. राहुल साळवे

विवेक आणि वैज्ञानिक दृष्टिकोन पेरणारे डॉ. नरेंद्र दाभोलकर होते -डॉ. राहुल साळवे

डॉ. नरेंद्र दाभोलकरांनी "अंधश्रद्धा" या बाबीचा सगळ्या बाजूंनी विचार केला, आणि तो विवेक बुद्धीने विज्ञान- निर्भयता- नीती हे ब्रीदवाक्य अंगीकृत करून साधना मासिकातून सातत्याने मांडला. अंधश्रद्धेच्या प्रश्नावर निशांत सर्जन प्रमाणे काम केले. अंधश्रद्धा निर्मूलनाच्या कामात क्रोधापेक्षा करुणेची आणि उपासापेक्षा आपुलकीची गरज असते हे दाभोलकरांनी पटवून दिले. अंधश्रद्धा निर्मूलनाच्या विचारांना संघटित रूप देण्याची ऐतिहासिक कामगिरी बजावणाऱ्या शहीद डॉ .नरेंद्र दाभोलकरांची जयंती म्हणजे विवेकाचा आवाज आहे असे अभिमत महाराष्ट्र अंनिस तालुका अध्यक्ष डॉ.राहुल साळवे यांनी भद्रावती येथील जयंती दिनानिमित्त कार्यक्रम प्रसंगी मांडले.

सगळ्या परिवर्तनाची सुरुवात ही विचार बदला पासून होते ,विचाराला ज्यावेळी मूल्याचा आश्रय मिळतो तेव्हा आपण त्याला विवेक म्हणतो. महाराष्ट्रातील संत आणि समाजसुधारकांनी  समाजविन्मुख धर्म समाजसन्मुख केला .तोच वारसा आम्ही चालवतो असा विचार दाभोलकरांनी मांडला होता याची आठवण जयंती दिनानिमित्त सामाजिक कार्यकर्ते महाराष्ट्र अंनिस मार्गदर्शक सल्लागार, जनमंच सदस्य, अखिल भारतीय ग्रामीण पत्रकार संघाचे प्रदेश संपर्कप्रमुख रवींद्र तिराणिक यांनी करून दिली. डॉ .नरेंद्र दाभोलकर जयंती निमित्त नामदेव रामटेके, श्रीधर भगत, सुदास खोब्रागडे ,शारदा खोब्रागडे, लता टिपले, मुक्ताबाई पेटकर आदींनी महाराष्ट्र अंनिस संस्थापक व चळवळीचे प्रणेते डॉ .नरेंद्र दाभोलकर यांना अभिवादन करीत जन्मदिन साजरा केला.

नवसाला पावलेल्या उखर्डा ते नागरी रस्त्याचे काम निकृष्ठ दर्जाचे

*नवसाला पावलेल्या उखर्डा ते नागरी रस्त्याचे काम निकृष्ठ दर्जाचे*

*पाहणी करायला आलेले बांधकाम अभियंता झोपेत आहेत काय? विधानसभा प्रमुख रविंद्र शिंदे यांचा सवाल*

*कामाचा दर्जा उत्तम ठेवावा अन्यथा काम बंद पाडणार : शिवसेना (उद्धव बाळासाहेब ठाकरे) युवासेना अभिजित कुडे यांचा इशारा*

वरोरा:-  तालुक्यातील उखर्डा ते नागरी रस्त्यासाठी शिवसेना (उध्दव बाळासाहेब ठाकरे) वरोरा-भद्रावती विधानसभा प्रमुख रविंद्र शिंदे यांच्या मार्गदर्शनात युवासेना अभिजित कुडे यांच्या नेतृत्वात अनेकदा आंदोलने करण्यात आली. यात प्रामुख्याने भजन आंदोलन, झाडे लावा आंदोलन,  झोपा काढा आंदोलन,  निषेध आंदोलन,  नामकरण आंदोलन अशी होती. याचे फलीत बांधकाम विभागाला उशीरा का नको पण जाग आली व  उखर्डा ते नागरी रत्याचे बांधकाम सुरु करण्यात आले.

सतत पाठपुरावा केल्यावर खुप दिवसांच्या प्र्रतिक्षेनंतर या 3 किलोमीटर रस्त्याचे नुकतेच काम सुरू झाले. आता चांगला रस्ता मिळेल या आशेवर गावकऱ्यांनमध्ये आनंद बघायला मिळाला. परंतु पाहणी केली असता रस्त्याचे काम हे एकदम निकृष्ठ दर्जाचे दिसून येत आहे. कुठे गिट्टी व्यवस्थीत नाही, डांबराचा पत्ता नाही, वरुन थातुरमातुर लिपापोती करुन नवरीचे मेकअप केल्यासारखे रस्ता सुंदर दाखविण्याचे प्रयत्न बांधकाम विभाग व ठेकेदार करीत आहेत. रस्त्याचे काम पुर्ण होण्याआधीच ठोकळ गिट्टी बाहेर वर निघालेली आढळून येत आहे.

आता नागरीकही रस्त्याचे काम बघुन हैराण झालेले आहे. डांबर कुणी खाल्ल काय? गिट्टी कुणाच्या घश्यात गेली असेल? कोण आपले घर भरताय, ठेकेदार की बांधकाम विभाग असे अनेक प्रश्न गावकऱ्याना पडलाय. पाहणी करायला आलेले अधिकारी  झोपेत होते काय? असा सवाल विधानसभा प्रमुख रविंद्र शिंदे यांनी उपस्थिती केला आहे.

उपविभागीय बांधकाम अभियंता काम बघून गेले पाहणी करून गेले त्यांना त्रुटी दिसल्या नाही काय? असा सवाल अभिजित कुडे यांनी केला आहे. कामात भ्रष्टाचार होत असल्याचे स्पष्ठ निदर्शनास येत आहे. खुप आंदोलने, पाठपुरावा व संघर्ष नंतर काम मंजूर झाले पण काम निकृष्ठ दर्जाहीन होत असेल तर शांत बसणार नाही. तात्काळ कामाचा दर्जा सुधारुन करावा, डांबर प्रमाणात टाकून रस्ता शासकिय नियमास धरुन दर्जेदार रस्ता तयार करावे, बांधकाम अभियंता यांनी तात्काळ दखल घेत संबंधित ठेकेदारास तशा सूचना कराव्या, अन्यथा काम बंद पाडू असा इशारा अभिजित कुडे यांनी दिला आहे. अन्यथा शिवसेना (उद्धव बाळासाहेब ठाकरे) विधानसभा प्रमुख रविन्द्र शिंदे तसेच तालुका प्रमुख दत्ता बोरेकर यांच्या मार्गदर्शनाखाली युवा सैनिक आक्रमक भूमिका घेतील असा निर्वानीचा इशारा युवासैनिक अभिजित कुडे यांनी दिलेला आहे.