चिंतामण आत्राम म्हणजेच एक लढवय्ये नेतृत्व!

चिंतामण आत्राम म्हणजेच एक लढवय्ये नेतृत्व!

(३१ ऑक्टोबर रोज मंगळवार २०२३ला सेवेतून मुक्त होत आहेत त्याबद्दल दोन शब्द)

भद्रावती :-

गेली अनेक दशकापासून राष्ट्रीय स्तरावरील आंदोलन ,मोर्चे , सभा व आदिवासींच्या तळागाळातील शेवटच्या टोकावर असलेल्या बांधवाला न्याय मिळवून देण्यासाठी न्यायिक बाजू सातत्याने मांडून आदिवासींचे आरक्षण अबाधित ठेवणारे आदिवासी समाजाचे पितामह आदिवासी समाजाचे  नेते स्वर्गीय बाबुरावजी मडावी माजी राज्यमंत्री यांच्या तालमीत चळवळीत युवा अवस्थेपासून तयार झालेला. चंद्रपूर जिल्ह्यातील भद्रावती तालुक्यात ग्रामीण माजरी विभागात सर्व आदिवासी बांधवांना एकत्रित करीत सातत्याने कुठलाही उपक्रम असो त्यात आक्रमक शैलीने अग्रेसर असलेला. काम करणारा हाडामासाचा कणखर कार्यकर्ता म्हणजेच चिंतामण आत्राम या परिसरात नावारूपास आलेलं अलौकिक व्यक्तिमत्व .वेळप्रसंगी अधिकारी असो अथवा राजकारणी राजकारणांनाही नतमस्तक व्हायला भाग पाडणार, आक्रमक व आंदोलनकारी नेतृत्व विविध आदिवासी समाज संघटना, सहित अखिल भारतीय आदिवासी युवा विकास परिषद त्यानंतर विदर्भ व राज्य कमिटीवर नाना विविध पदभार भूषवित समाजाचे नेतृत्व करीत. माजरी व इतर परसरातील जिल्हा परिषद पंचायत समिती लोकप्रतिनिधित्व बहुसंख्येने मिळवत पंचायत समिती सदस्य म्हणून उत्तम व प्रामाणिकपणे कर्तव्यशील बाजू मांडीत वेळप्रसंगी न्याय हक्कासाठी लढा उभारून व ग्रामीण विभागाच्या विकासासाठी सातत्याने प्रयत्न केले व अद्यावत करीत आहेत. त्यामुळे ते त्या परिसरात बहु आयामी संघर्षाशील नेतृत्व म्हणून नावारूपास आले. मागच्या निवडणुकीच्या टप्प्यात चंद्रपूर जिल्ह्यातील एकमेव काँग्रेसचे भद्रावती पंचायत समिती सदस्य म्हणून निवडून आले होते हे मात्र विशेष (WCL)डब्लू. सी. एल. माजरी येथे पाणीपुरवठा विभाग प्रमुख या पदावर सेवेत कर्तव्यात प्रामाणिकपणे कार्यरत राहून त्यांनी उत्तम कामगिरी केली आहे. त्याचबरोबर मजदूर युनियन मध्ये देखील बरेचदा निवडून आले व संचालक राहिले व कामगारांसाठी संघटित रित्या नाळ जोडीत बरेच वर्ष काम केले. सध्या अखिल भारतीय ग्रामीण पत्रकार संघातील सामाजिक विभाग जिल्हा संघटक, महाराष्ट्र अंनिस तालुका पदाधिकारी म्हणून काम पाहत आहेत . असे बहुआयामी लढवय्ये झुंजार नेतृत्व आपल्या सेवेतील कालावधी उत्तमपणे पूर्ण करीत दिनांक ३१  ऑक्टोबरला२०२३ सेवेतून मुक्त होत आहेत. त्यानिमित्त त्यांना त्यांच्या पुढील आयुष्याच्या वाटचालीसाठी  व विविध सामाजिक उपक्रम, चळवळीतील कार्याला भरभरून शुभेच्छा!

मान. चिंतामणजी आत्राम साहेब आपणाला सामाजिक कार्य करण्यासाठी उदंड आयुष्य लाभो हीच याप्रसंगी शुभेच्छा!

प्रासंगिक

रवींद्र तिराणिक, चंद्रपूर

९८२२७२८९४०

बोर्डा ग्रा.पं. सदस्यांचा मासिक सभेला बहिष्कार.

बोर्डा ग्रा.पं. सदस्यांचा मासिक सभेला बहिष्कार

सरपंचाच्या मनमानी कारभारामुळे बोर्डा ग्रा. पं. सदस्य व ग्रामवासीयांकडून टीका टीपणीला झाले उगम

वरोरा
तालुक्यातील बोर्डा ग्रामपंचायत मध्ये आज दिनांक 30 ऑक्टोंबर रोजी होणाऱ्या मासिक सभेला सरपंच , सचिव वगळता बहुतांश सदस्यांनी बहिष्कार टाकला आहे.
माहे सप्टेंबर महिन्यात बोर्डा -सूर्ला गट ग्रामपंचायत मध्ये एकूण तेरा सदस्य संख्या असुन या मध्ये मासिक सभा घेण्यात आली होती. या मासिक सभेमध्ये अनेक विषय घेण्यात आले होते, सभेत झालेल्या ठरावाबाबत घेण्यात आलेल्या निर्णयाबाबत अद्यापही कोणतीही पूर्तता करण्यात आली नाही. ग्रामपंचायत स्थानिक स्वराज्य संस्था असून या माध्यमातूनच गावाच्या विकासाची कामे केले जातात, मात्र सरपंच, व त्यांचे साथी यांच्या हेकेखोर पणा मुळे गावाच्या विकासाला खीळ बसलेली आहे. त्याच प्रमाणे मासिक सभा घेऊनही जर जनतेचे कामे होत नसतील तर ही मासिक सभा घेण्यात काहीच अर्थ उरलेला नसल्याने ग्रामपंचायत सदस्यांनी आज दिनांक 30 ऑक्टोबर रोजी होणाऱ्या मासिक सभेवर राहुल ठेंगणे उपसरपंच, आ.मु .वानखेडे र.म. देसाई, प्री. वी. भोयर, प्रं. अ.r जिवतोडे, भा. ल. इंगळे, गो. मो. परचाके, नंदा.बा. हीवरकर यांनी बहिष्कार टाकला आहे, एव्हढेच नव्हे तर
याबाबतचे निवेदनहि गट ग्रा.पं. सदस्यांनी दिले आहे.

आमटे परीवार आमच्या समाजकारणाचे प्रेरणास्थान : रविंद्र शिंदे

*आमटे परीवार आमच्या समाजकारणाचे प्रेरणास्थान : रविंद्र शिंदे*

*हिंदु हृदयसम्राट बाळासाहेब ठाकरे व श्रद्धेय बाबा आमटे कुटुंबियांतील जुन्या आठवणींना उजाळा*

*महारोगी सेवा समिती आनंदवनचे सचिव विकासभाऊ आमटे यांचा जन्मदिवस शिवसेनेतर्फे (ऊबाठा) साजरा*

आनंदवन (वरोरा) : 

महारोगी सेवा समिती आनंदवन, वरोराचे सचिव, ज्येष्ठ समाजसेवक, आमचे मार्गदर्शक, विकासभाऊ आमटे यांचा जन्मदिवस आज (दि.२७) ला शिवसेना (उध्दव बाळासाहेब ठाकरे) पक्षातर्फे साजरा करण्यात आला. 

यानिमित्ताने शिवसेना (उद्धव बाळासाहेब ठाकरे) पक्षांतर्गत त्यांना वाढदिवसाच्या शुभेच्छा देण्यात आल्या. सोबतच त्यांचा शाल श्रीफळ प्रदान करून स-सन्मान सत्कार करण्यात आला तथा स्व. श्रीनिवास शिंदे मेमोरिअल रविंद्र शिंदे चॅरीटेबल ट्रस्ट, चंद्रपूर तर्फे आनंदवनातील अपंग तथा विकलांगांना सायकल वाटप करण्यात आल्या.

 

विकासभाऊ आमटे यांच्यासोबत चर्चा करताना ठाकरे कुटुंब व आमटे कुटुंब यांच्यातील जिव्हाळ्याच्या जुन्या गोष्टींना उजाळा देण्यात आला. विकासभाऊंनी ठाकरे कुटुंबीयांसोबत त्यांच्या कुटुंबीयांचे असलेले सख्य व जुन्या गोड अनुभवांना उजाळा देत अनेक अनुभव कथन केले. यावेळी बोलत असताना विकास भाऊ भावनिक होऊन गेले होते आणि शिवसेनेचे कार्य हे या क्षेत्रात जोरदार सुरू असून ते असंच तेवत ठेवावं, असा आशीर्वादही दिला.

यावेळी महारोगी सेवा समितीचे विश्वस्त कडु सर, सदाशिवराव ताजणे, शकिल पटेल, शिवसेना (उध्दव बाळासाहेब ठाकरे) वरोरा विधानसभा प्रमुख रविंद्र शिंदे, स्व. श्रीनिवास शिंदे मेमोरिअल रविंद्र शिंदे चॅरीटेबल ट्रस्टचे कार्यकारी अध्यक्ष धनराज आस्वले, शिवसेना वरोरा तालुका प्रमुख दत्ताभाऊ बोरेकर, शहर अध्यक्ष खेमराज कुरेकार, विधानसभा समन्वयक वैभव डहाणे, माजी नगरसेवक प्रशांत कारेकार, हरिभाऊ रोडे, वरोरा तालुका संघटीका सौ. सरलाताई मालोकर, प्रा. प्रितीताई पोहाणे, शाखा प्रमुख ललिता बोथले, शुभांगी अहिरकर, मुक्ता हजारे मॅडम आदी उपस्थित होते.

सर्पदंशाने बैलाचा जागीच मृत्यू, शेतकरी संकटात शेतकर्‍याला तात्काळ भरीव मदत करा:- अभिजित कुडे

सर्पदंशाने बैलाचा जागीच मृत्यू, शेतकरी संकटात 

शेतकर्‍याला तात्काळ भरीव मदत करा:- अभिजित कुडे

वरोरा:- तालुक्यातील उखर्डा येथील शेतकरी सुधाकर कुडे यांचा बैल शेतात बांधुन असताना सर्पदंश झाल्याने जागीच मृत्यू झाला.  शेतकरी संकटात सापडला असून या हंगामात बैल मरण पावल्याने शेतकर्‍यांच्या समोर खूप मोठी समस्या उभी राहिली आहे.  या बाबत शेतकऱ्याने शिवसेना (उद्धव बाळासाहेब ठाकरे) युवासेना सैनिक अभिजित कुडे यांना कॉल करुन या घटनेची माहिती दिली.  विधानसभा प्रमुख रविन्द्र शिंदे व तालुका प्रमुख दत्ता बोरेकर यांच्या सूचनेनुसार अभिजित कुडे यांनी तात्काळ शेतात जावून पाहणी केली. पशु वैद्यकीय अधिकारी यांनी तात्काळ पंचनामा केला. अंदाजे 70 हजार रुपयाचा बैल मरण पावला त्यामुळे शेतकरी आर्थिक अडचणीत सापडला आहे. आधीच सोयाबीन गेले पाऊस गेल्याने कापसाचे उत्पादन कमी होणार वीज पुरवठा खंडित होत असल्याने ओलीत  कसे करावे असे अनेक प्रश्न निर्माण  झाले आहे व बैल गेल्याने शेतकरी कोलमडून गेला आहे शासनाची मदत  तुटपुंजी आहे. संबंधित विभागाला तश्या सूचना करून तात्काळ भरीव मदत करावी अशी मागणी अभिजित कुडे यांनी केली आहे.  खरीप हंगामात बैल नसले तर शेतकरी शेती कसा करेल त्याला बैल शिवाय पर्याय नाही त्यामुळे दुसरा बैल घ्या साठी या हंगामात शेतकर्‍याची आर्थिक परिस्थिती नसते त्यामुळे मिळणारी मदत ही भरीव व तात्काळ देण्यात यावी अशी मागणी अभिजित कुडे यांनी केली. शेतकर्‍याला जास्तीत जास्त मदत मिळवून देऊ अशी हमी दिली.  शेतकर्‍यांच्या पाठीशी खंबीरपणे शिवसेना उभी आहे असा विश्वास व्यक्त करून शेतकर्‍याला धीर दिला.  डॉक्टर शेंन्द्रे, डॉक्टर  माहुरे , स्वप्निल कुडे,वीनोद कुडे. शेतकरी उपस्थित होते.

खेडा पद्धतीने शेतमाल खरेदी केल्यास कायदेशीर कारवाई करणार :

*खेडा पद्धतीने शेतमाल खरेदी केल्यास कायदेशीर कारवाई करणार :* 

*भद्रावती कृषी उत्पन्न बाजार समितीचा निर्णय*

भद्रावती = स्थानिक कृषी उत्पन्न बाजार समितीच्या  उपबाजार आवार चंदनखेडा या हद्दीत विनापरवाना व्यापाऱ्यांनी खेडा पद्धतीने शेतकऱ्यांच्या मालाची खरेदी करू नये.अन्यथा असा प्रकार आढळल्यास त्या व्यापाऱ्यांवर कायदेशीर कारवाई करण्याचा इशारा स्थानिक कृषी उत्पन्न बाजार समितीत  नुकत्याच आयोजित केलेल्या संचालक मंडळाच्या   बैठकीत घेतलेला आहे.

        स्थानिक कृषी उत्पन्न बाजार समितीच्या वतीने पाठविलेल्या पत्रकात असे नमुद करण्यात आले की,  शेतकऱ्यांचे सोयाबीन, धान,तुरी,व चना या मालाचे खरेदी- विक्रीचे व्यवहार उपबाजार आवार,चंदनखेडा येथे लिलाव पद्धतीने सुरू करण्यात येणार आहे. काही  व्यापारी मंडळींकडून  विनापरवाना शेतकऱ्यांना भुलथापा देऊन निघालेला माल खरेदी करण्याचा प्रकार तालुक्यातील काही भागात सुरू करण्यात आल्याचे निदर्शनास आले आहे. याकरिता नुकतीच कृषी उत्पन्न बाजार समिती ,भद्रावतीचे उपबाजार आवार,चंदनखेडा हद्दीतील व्यापाऱ्यांची व शेतकऱ्यांची संयुक्त बैठक कृषी उत्पन्न बाजार समितीचे सभापती भास्कर ताजने यांच्या अध्यक्षतेखाली व उपसभापती  अश्लेषा (भोयर) जीवतोडे आणि सर्व संचालक तसेच  सचिव  नागेश पुनवटकर यांच्या उपस्थितीत आयोजित करण्यात  आली. उपबाजार आवार ,चंदनखेडा येथे लवकरच शेतमालाच्या खरेदी- विक्रीचे व्यवहार लिलाव पद्धतीने सुरू करण्यात येणार आहे .खेड्या पद्धतीने मोठ्या प्रमाणात शेतकऱ्यांची लूट होत असते.त्यामुळे शेतकऱ्यांच्या शेतमालाला भाव मिळत नाही. त्यात सर्वसामान्य शेतकरी मोठ्या प्रमाणात भरडला जातो. या प्रकाराला आळा बसावा, यासाठी भद्रावती तालुक्यातील सर्व शेतकऱ्यांनी आपला शेतमाल कृषी उत्पन्न बाजार समिती,भद्रावतीचे उपबाजार आवार, चंदनखेडा येथे विक्रीस आणावा, यासंबंधीच्या सुचना शेतकरी बांधव आणि  व्यापाऱ्यांना दिल्याची माहिती सभापती  भास्कर ताजने ,उपसभापती अश्लेषा (भोयर ) जीवतोडे व सचिव नागेश पुनवटकर यांनी संयुक्तपणे  दिली आहे.

नागपूर-चंद्रपूर रस्त्यावर खड्डेवरोरा शहराला जोडणाऱ्या बोर्डा चौक मुख्य रस्त्यावर खड्डेच - खड्डे

नागपूर-चंद्रपूर  रस्त्यावर खड्डे

वरोरा शहराला जोडणाऱ्या बोर्डा चौक मुख्य रस्त्यावर खड्डेच - खड्डे

नागपूर-चंद्रपूर  रस्त्यावर खड्डे

वरोरा शहराला जोडणाऱ्या बोर्डा चौक मुख्य रस्त्यावर खड्डेच - खड्डे

वरोरा :- येथील बोर्डा चौक रस्त्यावर खड्डे पडले आहेत.  बोर्डा गावच्या दिशेने जाणाऱ्या रस्त्यावर खड्डे पडले आहेत. बोर्डा चौक - बोर्डा गावच्या वडणावर खड्डा पडल्याने समोरून वाहन आल्यावर अपघाताची शक्यता आहे. हा खड्डा लवकरात लवकर बुजवावा अशी मागणी होत आहे...

मेरी माटी मेरा देश कलश यात्रा उपक्रमाचे विधानसभा प्रमुख रमेश राजूरकर यांच्याकडून स्वागत*

   *मेरी माटी मेरा देश कलश यात्रा उपक्रमाचे विधानसभा प्रमुख रमेश राजूरकर यांच्याकडून स्वागत*

*वरोरा* :-   मेरी माटी मेरा देश* या राष्ट्रव्यापी उपक्रमांतर्गत आयोजित कलश यात्रा दिल्ली येथील पंतप्रधान नरेंद्र मोदी यांच्या उपस्थितीत दिनांक ०१ नोव्हेंबर २०२३ रोजी होणाऱ्या कार्यक्रम स्थळी नेण्यात येणार आहे, या उपक्रमांतर्गत पहिल्या टप्प्यात यशस्वी नियोजन करिता *वसुंधरा वंदन, शिलापथक, पंचप्राण शपथ, शहीद वीरांच्या कुटुंबांचा सन्मान* असे नानाविध उपक्रम स्वरूपात राबविण्यात आले आहे. चंद्रपूर जिल्ह्यातील अमृत कलशाची उत्सव स्वरूपात यात्रा काढून विभागातील घरोघरी जाऊन सर्व विधानसभा निहाय कलशाची विभागणी करण्यात आली असुन सदर मिट्टी कलश नेहरू युवा केंद्र चंद्रपूर माध्यमातून चंद्रपूर जिल्ह्यातील सर्व तालुक्यात स्वयंसेवकांच्या व युवकांच्या सहभागातून प्रथमः  मुंबई येथे तदनंतर दिल्ली येथे नेण्यात येणार आहे, त्या कलश यात्रे चे वरोरा शहरांमध्ये श्री रमेश राजुरकर, विधानसभा प्रमुख, ७५- वरोरा विधानसभा क्षेत्र,  यांनी नेहरू युवा केंद्र चंद्रपूर चे स्वयंसेवकांचे व युवकांचे स्वागत केले व त्यांच्या पुढील वाटचाली करिता शुभेच्छा दिल्या. या उपक्रमांतर्गत पहिला टप्पा म्हणून *२७ ऑक्टोबर २०२३ रोजी क्रांती मैदान, मुंबई* येथे सर्व मिट्टी कलश संकलित करण्यात येणार असून त्यानंतर शासनामार्फत *०१ नोव्हेंबर २०२३ रोजी दिल्ली* येथे माननीय *नरेंद्र मोदी, पंतप्रधान, भारत सरकार* यांचे उपस्थित होणाऱ्या कार्यक्रमास्थळी संकलित करण्यात येणार आहे.

आपल्या मातीचा आणि देशाचा अभिमान बाळगा

*आपल्या मातीचा आणि देशाचा अभिमान बाळगा* 

*आमदार प्रतिभाताई धानोरकर यांच्याहस्ते थाटात उद्घाटन*

*चंद्रपूर जिल्हा परिषदेत जिल्हास्तरीय सांस्कृतिक स्पर्धा*

चंद्रपूर, : भारताच्या स्वातंत्र्याचा ७५ वा अमृत महोत्सव साजरा करण्याच्या पार्श्वभूमीवर चंद्रपूर जिल्हा परिषदेत जिल्हास्तरीय सांस्कृतिक स्पर्धा घेण्यात आली. या स्पर्धेचे उद्घाटन आमदार प्रतिभा धानोरकर यांच्या हस्ते झाले.

याप्रसंगी जिल्हा परिषद  मुख्यकार्यकारी अधिकारी विवेक जॉन्सन, माध्यमिक शिक्षणाधिकारी कल्पना चव्हाण, प्राथमिक  शिक्षणाधिकारी राजकुमार हिवारे यांची उपस्थिती होती. 

आज़ादी का अमृत महोत्सव महाराष्ट्र शासनाच्या सूचने नुसार चंद्रपूर जिल्हा परिषद, चंद्रपूर शिक्षण विभाग यांच्यातर्फे “मिट्टी को नमन, वीरों को वंदन" अंतर्गत जिल्हास्तरीय सांस्कृतिक स्पर्धा आयोजित करण्यात आली. ही स्पर्धा प्रियदर्शिनी सांस्कृतिक सभागृह, पाण्याच्या टाकीजवळ, चंद्रपूर येथे २० ते २२ ऑक्टोबर २०२३ या कालावधीत पार पडली.

स्पर्धेच्या उद्घाटनप्रसंगी आमदार प्रतिभा धानोरकर उपस्थित होत्या. त्यांनी विद्यार्थ्यांना मार्गदर्शन केले. त्यांनी सांगितले की, आपल्या मातीचा आणि देशाचा अभिमान बाळगणे हे प्रत्येक नागरिकाचे कर्तव्य आहे. या स्पर्धेमुळे विद्यार्थ्यांमध्ये सांस्कृतिक अभिरुची विकसित होईल आणि त्यांना आपल्या देशाच्या इतिहास आणि परंपरेची माहिती होईल.

या स्पर्धेत जिल्ह्यातील विविध शाळांमधील विद्यार्थ्यांनी सहभाग घेतला. स्पर्धेत गायन, नृत्य, नाट्य, कविता, वादविवाद अशा विविध प्रकारच्या सांस्कृतिक कार्यक्रमांचे सादरीकरण करण्यात आले.  स्पर्धेतील विजेत्यांना आमदार प्रतिभा धानोरकर यांच्या हस्ते पारितोषिके देण्यात आली. यावेळी त्यांनी विद्यार्थ्यांना मार्गदर्शन केले. या स्पर्धेमुळे विद्यार्थ्यांमध्ये देशभक्तीचे भाव जागृत झाले. तसेच, त्यांना सांस्कृतिक कार्यक्रमांमध्ये सहभागी होण्याची संधी मिळाली.

कृषी उत्पन्न बाजार समिती, भद्रावती द्वारे शेतमाल खरेदी प्रारंभ*

*कृषी उत्पन्न बाजार समिती, भद्रावती द्वारे शेतमाल खरेदी प्रारंभ*

कृषी उत्पन्न बाजार समिती, भद्रावतीचे उपबाजार आवार नंदोरी अंतर्गत मे अदिती कॉटन इंडस्ट्रीज टाकळी येथे मे. शेंडे ऍग्रो ट्रेडर्स अंतर्गत सोयाबीन खरेदीचा शुभारंभ दि. 24/10/2023 ला करण्यात आला. पहिल्याच दिवशी 105 क्विंटल सोयाबीनची खरेदी करण्यात आली व शेतमालाला भाव 4651/-रूपये देण्यात आला. याप्रसंगी आयोजित करण्यात आलेल्या कार्यक्रमाच्या अध्यक्षस्थानी चंद्रपूर जिल्हा मध्यवर्ती सहकारी बँकेचे माजी अध्यक्ष तथा शिवसेना (उध्दव बाळासाहेब ठाकरे) वरोरा भद्रावती विधानसभा प्रमुख मा. श्री रविंद्र भाऊ शिंदे व उद्घाटक म्हणून बाजार समितीचे सभापती तथा उप-जिल्हा प्रमुख वरोरा भद्रावती विधानसभा मा  श्री भास्कर ताजने, उपसभापती तसेच भद्रावती तालुका संघटीका सौ.अश्लेषा (भोयर) जिवतोडे यांच्यासह उप-तालुका प्रमुख तथा भद्रावती कृ.उ.बा.समिती संचालक श्री. गजानन उताणे, संचालक श्री. कान्होबाजी तिखट, श्री.परमेश्वर ताजणे, श्री राजेंद्र डोंगे, श्री प्रवीण बांदुरकर, श्री राजु आसुटकर व बाजार समितीचे सर्व संचालक तसेच बाजार समितीचे सचिव श्री नागेश पुनवटकर यांच्यासह मे. अदिती काँटन इंडस्ट्रीजचे श्री अविश बाहे, सुभाष बाहे, किशोर वालदे, मे. शेंडे ऍग्रो ट्रेडर्सचे श्री गुणवंत शेंडे उपस्थित होते. याप्रसंगी उपस्थित मान्यवरांच्या हस्ते शाल व श्रीफळ देऊन पहिल्या दिवशी सोयाबीन विक्रीसाठी आलेल्या पाच शेतकरी श्री हरिदास रोडे कांसा, अरुण राजूरकर कोंढा, पुरुषोत्तम आसुटकर मासळ, श्री संजय ताजणे जेना, श्री संदीप ढेंगळे टाकळी यांचा सत्कार करण्यात आला. कार्यक्रमाच्या आयोजनासाठी बाजार समितीचे कर्मचारी श्री  विठ्ठल टोंगे, विलास पालकर, रमेश सकिनवार व गणेश नागोसे यांनी सहकार्य केले. 

चंद्रपूर जिल्ह्यातील शेतकरी बांधवांनी आपआपला शेतमाल उपबाजार आवार नंदोरी येथे मे. अदिती काँटन इंडस्ट्रीज टाकळी येथे विक्रीस आणावे असे संयुक्त आवाहन कृषी उत्पन्न बाजार समिती, भद्रावतीचे सभापती श्री भास्कर ताजने, उपसभापती सौ अश्लेषा (भोयर )जिवतोडे आणि सचिव नागेश पुनवटकर यांनी केले.

माजरी येथील शिवशक्ती दांडिया उत्सवाला उदंड प्रतिसाद*

*माजरी येथील  शिवशक्ती  दांडिया उत्सवाला उदंड प्रतिसाद* 

*शिवसेना (उध्दव बाळासाहेब ठाकरे) वरोरा-भद्रावती विधानसभा प्रमुख रविंद्र शिंदे यांच्या शुभहस्ते उद्घाटन*

भद्रावती = तालुक्यातील माजरी कॉलरी  येथील शिव - पार्वतीश्वर मंदिर , सबएरिया कार्यालयासमोर  दि. २१ ते २३ऑक्टोंबर या कालावधीत  स्व. श्रीनिवास शिंदे मेमोरियल रविंद्र शिंदे चॅरिटेबल ट्रस्टच्या वतीने  महिला - भगिनिंसाठी शिवशक्ती  दांडिया उत्सव आयोजित करण्यात आला. या उत्सवाला उदंड प्रतिसाद मिळत आहे.  

      काल दि. २१ ऑक्टोंबर रोजी सायंकाळी   शिवसेना ( उध्दव बाळासाहेब ठाकरे ) वरोरा -भद्रावती विधानसभा प्रमुख रविंद्र शिंदे यांच्या शुभहस्ते  माता संतोषी मातेचे पुजन करून  या उत्सवाचे उद्घाटन करण्यात आले. याप्रसंगी माजरी ग्रा.पं. सरपंच छाया जंगम,स्व. श्रीनिवास शिंदे मेमोरियल रविंद्र शिंदे चॅरिटेबल ट्रस्टचे कार्यकारी अध्यक्ष प्रा. धनराज आस्वले, ट्रस्टच्या विश्वस्त  सुषमा शिंदे, उत्सव आयोजन समितीचे अध्यक्ष रविशंकर रॉय व कार्याध्यक्ष रवि भोगे, शिवसेना(उध्दव बाळासाहेब ठाकरे) पक्षाचे भद्रावती  तालुकाप्रमुख नरेंद्र पढाल, वरोरा तालुका प्रमुख  दत्ता  बोरेकर, तालुका सघंटिका अश्लेषा  जिवतोडे (भोयर), भद्रावती शहर समन्वयक  भावना  खोब्रागडे, माजरी शहर सघंटिका गायत्री यमलावार,प्रमोद ढगे, सुबोध तिवारी,गोला कुमकिया, वीण बहादे, मधु सिंग, उषा परमार, वनिता मानुसमारे, दिपीका मानुसमारे, कांक्षीनी निशाने, सुनीता गौतम प्रसाद, बेबी चांदेकर, वैशाली पिंपळकर, रुचिता ढगे आणि  अश्विनी कोहळे प्रामुख्याने उपस्थित होत्या.

*परंपरागत उत्सवातून सामाजिक एकात्मतेचे दर्शन घडावे : रविंद्र शिंदे*

*भारत देश विविधतेने नटला आहे. आपल्या देशात विविध परंपरागत उत्सव साजरे केल्या जातात. या   उत्सवातून बंधू -भगिनींच्या सुप्त कला गुणांना वाव मिळत असते. प्रत्येकांनी आपआपले परंपरांगत उत्सव साजरे करतांना परस्परांचा आदर सन्मान कायम ठेवून या उत्सवातून सामाजिक एकात्मतेचे दर्शन घडावे. असे आवाहन रविंद्र शिंदे यांनी केले.*

दसऱ्याला रावण दहन प्रथा बंद करा.. तुलसी अलाम

दसऱ्याला रावण दहन प्रथा बंद करा.. तुलसी अलाम 

वरोरा - महात्मा राजा रावण अत्यंत समृद्ध संस्कृतीचा वैभवशाली वारसांचा देदीप्यमान अस्मरणीय ठेवा आहे. राजा रावण विविध गुणांचा समुच्चय आहे महान दर्शनी, संगीत आयुर्वेदाचार्य, उत्कृष्ट रचनाकारतज्ज्ञ, राजनितीतज्ञ, शिल्पकार, समताधिष्ट समाज व्यवस्थेचा उद्घाता, न्यायप्रिय राजा असा अनेक गुणांचा आविष्कार करणारा महात्मा राजा होता. अशा रावणाबद्दल काही षडयंत्रकारी व्यवस्थेने बदनाम करण्याचा कोणताही कसूर ठेवलेला नाही.वास्तविक राजा रावणासारखा महापराक्रम योद्धा झाला नाही यापुढेही होणार नाही.
तामिळनाडूमध्ये रावणाची २५२ मंदिरे आहेत. सर्वात मोठे मंदिर व मूर्ती मध्यप्रदेशात मंदसौर येथे अंदाजे १५ मीटर उंची इतकी मूर्ती आहे. महाराष्ट्रात अमरावती जिल्ह्यात मेळघाट छत्तीसगड मध्यप्रदेश, झारखंड येथे राजा रावणाची पूजा केली जाते. रावण हे आदिम जमातीचे र्शद्धास्थान व दैवत आहे. मूळनिवासी आदिवासी समाज महात्मा राजा रावण यांना दैवत राजा मानतो, परंतु आदिवासींचा समताधिष्टीत समाज व्यवस्थेचा उद्घाता असलेल्या न्यायप्रिय राजा रावणाला जाळण्याचे प्रथा व परंपरा जाणीवपूर्वक निर्माण करण्यात आली आहे. त्यामुळे देशातील आदिवासी समाजाच्या भावना दुखावल्या जातात म्हणून राजा रावण दहन करण्याची परवानगी देऊ नये व हे प्रथा बंद करण्यात यावी, याबाबत निवेदन पोलिस अधीक्षक चंद्रपूर  यांना देण्यात आले.

 दसर्‍याच्या दिवशी रावण दहन करण्याचा प्रयत्न केला तर सर्व आदिवासी संघटना कडून तीव्र जाहीर निषेध व्यक्त करण्यात येईल. याविरोधात जो कोणी त्यांचे सर्मथन करतील आमच्या भावना दुखावतील आमच्या न्याय राजाचा अपमान करतील, अशा लोकांविरुद्ध अनुसूचित जाती-जमाती प्रतिबंधक कायदा १९८९ अंतर्गत तसेच भारतीय दंड संहिता ८६0 अंतर्गत १५३, १३४, १३५ नुसार फौजदारी गुन्हा दाखल करण्यात यावी अशी निवेदनातून मागणी केली आहे.

आमदार प्रतिभाताई धानोरकर यांच्या प्रयत्नाने एक शाळा एक गणवेश मागणी पूर्ण.

*आमदार प्रतिभाताई धानोरकर यांच्या प्रयत्नाने एक शाळा एक गणवेश मागणी पूर्ण**

चंद्रपूर : महाराष्ट्र राज्यातील सर्व शासकीय व खासगी शाळांमध्ये एक शाळा एक गणवेश अशी मागणी आमदार प्रतिभाताई धानोरकर यांच्या प्रयत्नाने पूर्ण झाली आहे. राज्याच्या शिक्षण विभागाने या मागणीला मंजुरी दिली आहे. अनेकदा आमदार प्रतिभाताई धानोरकर यांनी विधानसभेत प्रश्न उपस्थित केला होता. त्यांचं प्रमाणे शिक्षणमंत्री दीपक केसरकर यांना निवेदन देऊन विनंती केली होती. 

आमदार प्रतिभाताई धानोरकर यांनी गेल्या काही महिन्यांपासून या मागणीसाठी पाठपुरावा केला होता.  त्यांच्या प्रयत्नांमुळे राज्य सरकारने या मागणीला मंजुरी दिली आहे.

या निर्णयामुळे महाराष्ट्रातील सर्व शाळांमध्ये एकसमान गणवेश असेल. यामुळे विद्यार्थ्यांमध्ये एकता आणि समरसता वाढेल, असा विश्वास आमदार प्रतिभाताई धानोरकर यांनी व्यक्त केला आहे.

महाराष्ट्र राज्यातील शाळांमध्ये विविध प्रकारचे गणवेश असल्याने विद्यार्थ्यांमध्ये भेदभाव होता. यामुळे विद्यार्थ्यांच्या मनात द्वेष आणि मतभेद निर्माण होत होते. यावर उपाय म्हणून आमदार प्रतिभाताई धानोरकर यांनी एक शाळा एक गणवेशची मागणी केली होती.

-------------------------------------------------------

*आमदार प्रतिभाताई धानोरकर यांचे आभार*

या निर्णयामुळे विद्यार्थी आणि पालकांनी आमदार प्रतिभाताई धानोरकर यांचे आभार मानले आहेत. त्यांनी म्हटले आहे की, आमदार प्रतिभाताई धानोरकर यांच्यामुळे महाराष्ट्रातील विद्यार्थ्यांना एकसमान गणवेश मिळणार आहे. यामुळे विद्यार्थ्यांमध्ये एकता आणि समरसता वाढेल.

शिवसेना ( उध्दव बाळासाहेब ठाकरे ) वरोरा भद्रावती विधानसभा मध्यवर्ती कार्यालय ‘शिवालय’ येथे घटस्थापना*

*शिवसेना ( उध्दव  बाळासाहेब  ठाकरे  ) वरोरा भद्रावती विधानसभा  मध्यवर्ती कार्यालय ‘शिवालय’  येथे घटस्थापना* 

 *विविध कार्यक्रमांचे आयोजन*

वरोरा = ७५ वरोरा -भद्रावती विधानसभा मध्यवर्ती कार्यालय  ‘शिवालय’ वरोरा येथील नवरात्री उत्सवा- निमित्य शिवसेना महिला आघाडीच्या वतीने  आई तुळजा भवानी मंदीरात  घटस्थापना करण्यात आली. 

    नवरात्री प्रसंगी विविध कार्यक्रमांचे आयोजन करण्यात आले. शिवसेना महिला आघाडीच्या महिला कार्यकर्त्यांनी सप्तशती पाठ केला. तसेच आई तुळजा भवानी मातेला सर्वांसाठी सुख, शांती , समृध्दी, समाधान , आनंद मिळावा यासाठी सामुहिक प्रार्थना करण्यात आली.

    याप्रसंगी जेष्ठ सामाजिक कार्यकर्त्या सुषमा शिंदे, निलिमा शिंदे,महिला आघाडी वरोरा तालुका संघटीका सरला मालोकर, शहर प्रमुख प्रभा राखुंडे, उपशहर प्रमुख दुर्गा खनके, शाखा प्रमुख शुभांगी धनवे, शुभांगी अहिरकर, भद्रावती शहर समन्वयक भावना खोब्रागडे,  लक्ष्मी विंधाने, खिरटकर, इंदु दडमल, संगीता दडमल, लता कोरडे, पुष्पा काकांडे, ताई सातपूते, वंदना इंगळे, किरण वनकर, स्मिता ताटेवार आदी उपस्थित होत्या.

खांबाडा परीसरात विजेचा लंपडाव सुरूच : जनता त्रस्त*

*खांबाडा परीसरात विजेचा लंपडाव सुरूच  : जनता त्रस्त*

*शिवसेना (उध्दव बाळासाहेब ठाकरे) पक्षाचा रविद्र शिदे विधानसभाप्रमुख यांचे नेतृत्वात आंदोलनात्मक पवित्रा*

*आठवडयात समस्या निकाली न निघाल्यास कंपणीला कुलुप ठोकणार : दत्ता बोरेकर*

 

वरोरा :

     तालुक्यातील खांबाडा परीसरात विजेचा लंपडाव सुरुच आहे. महाराष्ट्र राज्य विज वितरण कंपनीने हा लंपडाव तात्काळ थांबवावा. तसेच खांबाडा परीसरातील  म.रा.वि.वि. कंपनीच्या संबंधात असलेल्या सामान्य जनता व शेतकऱ्यांच्या समस्या ताबडतोब निकाली काढा, अन्यथा विधानसभा प्रमुख रविंद्र शिंदे यांच्या मार्गदर्शनात शिवसेना स्टाईलने उग्र आंदोलन छेडण्यात येईल, असा इशारा शिवसेना (उध्दव बाळासाहेब ठाकरे) पक्षाच्या वतीने तालुका प्रमुख दत्ता बोरेकर यांनी दिला आहे. उपरोक्त मागणीचे निवेदन शिवसेना (उध्दव बाळासाहेब ठाकरे ) वरोरा-भद्रावती विधानसभा क्षेत्र प्रमुख रविंद्र शिंदे यांच्या मार्गदर्शनात तसेच तालुका प्रमुख दत्ता बोरेकर यांच्या संयोजनात उप-तालुका प्रमुख सुधाकर बुराण यांच्या नेतृत्वात खांबाडा उपविभागातील म.रा.वि.वि. कंपनीचे कनिष्ठ अभियंत्या यांना नुकतेच  दिले आहे.

     सदर निवेदनात असे नमुद केले आहे की, सध्या पावसाळा संपत असल्यामुळे पिकांना पाणी द्यावे लागत आहे. पाण्याअभावी शेत पिक नष्ट  होण्याच्या मार्गावर आहे. परंतु विद्युत विभागामार्फत थ्री फेज पुरवठा हा रात्री करीत असल्यामुळे शेत पिकांना ओलीत करणे कठीण जात आहे. त्यामुळे आठवडाभर दिवसा थ्री फेज विद्युत पुरवठा करण्यात यावा. शेत पिकांना पाणीपुरवठा करणाऱ्या बंद असलेल्या नादुरुस्ती कनेक्शनची तात्काळ दुरुस्ती करण्यात यावी. पावसाळ्यात अतिरिक्त पावसामुळे शेत शिवारातील वाकलेले विद्युत पोल  आणि  पडलेले विद्युत पोल यामुळे या परिसरातील विद्युत पुरवठा वारंवार खंडित होत आहे. सदर पोल ताबडतोब सुरळीत करण्यात यावे.

     बोपापुर येथील ट्रान्सफॉर्मर नादुरुस्त असल्यामुळे या परिसरातील विद्युत पुरवठा नेहमीच खंडीत होत असतो. या ट्रान्सफॉर्मर वरील डी.ओ. नेहमी पडत आहे. याचा परिणाम म्हणून या परीसरातील  विद्युत पुरवठा वारंवार  खंडित होत असते. या समस्येवर संबंधीत विभागाने कायमस्वरूपी उपाययोजना करावी. पावसाळा संपल्यानंतर विद्युत विभागामार्फत विद्युत वायरवर आलेल्या झाडांची कटाई करावी. परंतु खांबाडा विभागात  बऱ्याच ठिकाणी विद्युत वायर झाडाला स्पर्श करून असल्याचे दिसून येते. यामुळे येथील विद्युत पुरवठा वारंवार खंडित होत असतो.ज्या शेतकरी बांधवांनी त्यांच्या शेतात विद्युत पुरवठा होण्यासाठी ए.जी. कनेक्शन डिमांड भरले आहे. त्या सर्व शेतकरी बांधवांना तसेच घरगुती विद्युत पुरवठा अर्ज केलेल्या नागरिकांना ताबडतोब विद्युत कनेक्शन पुरवण्यात यावे

     सदर निवेदन देत असताना उप-तालुका प्रमुख सुधाकर बुराण, विभागीय समन्वय प्रमुख प्रमोद वाघ, शिवसेना विभाग संघटक नितीन मायकरकार, शिवसेना विभाग प्रमुख विनोद लोहकरे, शिवसेना विभाग समन्वयक अंकुश थाटे, सागर धोटे ,अरुण धोटे, बंडू धोटे, प्रमोद चौधरी, आकाश जोगी, प्रमोद पाकमोडे, मारुती धोटे, पवन धोटे, संजय धोटे, गजानन तेजने, देविदास किनेकर, नानाजी गुडघाने, अरविंद ठाकरे, आशिष गोहणे, मोरेश्वर ठाकरे, विकास कोसरे, प्रशांत मेश्राम, शिवाजी पंधरे, नामदेव सोयाम, ऋतिक आत्राम, संतोष आडकिने, रवींद्र बुराण, खुशाल लडके आणि विठ्ठल बारेकर यांच्यासह असंख्य शिवसैनिक उपस्थित होते.

माढेळी येथे ' होऊ द्या चर्चा ' अंतर्गत चौक सभा..

माढेली येथे ' होऊ द्या चर्चा ' अंतर्गत चौक सभा..

वरोरा 

पक्षप्रमुख उद्धव बाळासाहेब ठाकरे यांच्या आदेशाने आज दी. 09/10/2023 केंद्र व राज्य शासनाविरोधात होऊद्या चर्चा जनसंवाद या माध्यमातून भांडाफोड ...

माढेली होऊ द्या चर्चा(शिवसेना उद्धव बाळासाहेब ठाकरे).

75 वरोरा-भद्रावती विधानसभा क्षेत्रातील वरोरा तालुक्यातील माढेली शहरात शहरातील बाजारपेठेत सर्व शेतकरी शेतमजूर छोटे-मोठे व्यापारी बांधवांची भेट घेऊन होऊ द्या चर्चा याविषयी जनसंवाद साधताना विधानसभा प्रमुख रवींद्र श्रीनिवास शिंदे,तालुकाप्रमुख दत्ताभाऊ बोरकर, उपतालुकाप्रमुख गोपाल देवतळे,बळीराम चवले नागरी विभागीय समन्वयक, ओंकेश्वरभाऊ टोंगे नागरी उपविभागीय समन्वयक , अरुण महल्ले उपतालुकाप्रमुख , प्रफुल दोबे माधव जिल्हा परिषद जिल्हा परिषद क्षेत्रातील संपूर्ण शिवसैनिक पंकज वानखेडे आशिष खडसे गोलू देवतळे अतुल देवतळे ,हिमेश कोरडे , वैभव धात्रक,वैभव देवतळे,मारुती पातोडे, अंकुश कोंडेवार,दिनेश दुर्गे, सुनील भांडेकर, मंगेश कुंडलकर, अनुप डफ, आनंद ठाकरे विठ्ठल वाढई, गजानन चिंचोलकर, दिनेश दुर्गे गणेश इरपाते, गणेश मडावी सुमित कडपे महेश देवतळे गोपाल गानपाडे निलेश के राम हरीश उमाटे संघ कांबळे, सुरज पाटील आशिष खडसे मंगेश कुंडलकर, स्वप्निल गारघटे, भोजराज तडस रवींद्र पावडे अक्षय दोडके, सागर भोयर ,शुभम सराटे, प्रवीण बसूने, व इतर कार्यकर्ते शिवसैनिक उपस्थित होते.

ॲड.प्रिया ताडाम उच्च शिक्षणासाठी लंडनला.

• ॲड.प्रिया ताडाम उच्च शिक्षणासाठी लंडनला.
  
• भानापूर (चंद्रपूर) च्या आदिवासी तरुणीची साता समूद्रापार भरारी.
• 
  
  

चंद्रपूर : मोठ्या शहरात शिक्षण घेण्याचे अनेकांचे स्वप्न असते. त्यातच परदेशातील शिक्षण म्हणजे दिवास्वप्नच. मात्र जिद्द आणि चिकाटीच्या जोरावर आपणही उंच भरारी घेऊ शकतो, असा आत्मविश्वास असणाऱ्यांपुढे आकाश ठेंगणे असते. असाच अनुभव सावली तालुक्यातील भानापूर येथील आदिवासी लेकीला आला. परदेशात उच्च शिक्षण घेण्याच्या तिच्या जिद्दीला बळ देण्याचे काम राज्याचे वने, सांस्कृतिक कार्य, मत्स्यव्यवसाय मंत्री तसेच जिल्ह्याचे पालकमंत्री सुधीर मुनगंटीवार यांनी केले आहे. त्यामुळे आता एक आदिवासी मुलगी शिक्षणाकरिता लंडनवारी करण्यासाठी सज्ज झाली आहे

मुनगंटीवार यांच्या पाठपुराव्यामुळे या तरुणीचा शिष्यवृत्तीचा रखडलेला प्रस्ताव मार्गी लागला आणि तिला लंडन येथे उच्च शिक्षणासाठी ३७ लक्ष ६१ हजार १८३ रुपयांची वार्षिक शिष्यवृत्ती मंजूर झाली. ही कथा आहे सावली तालुक्यातील भानापूर (पो. पाथरी) या गावातील प्रिया यशवंत ताडाम या तरुणीची. एकतर पूर्णपणे जंगलव्याप्त आणि १०० टक्के आदिवासी गाव. जेमतेम ४० कुटुंबांची लोकवस्ती. अशा या गावातील प्रिया आता एल.एल.एम. करण्यासाठी लंडनच्या क्वीन मेरी युनिर्व्हसिटीमध्ये जाणार आहे. त्यासाठी आदिवासी विकास विभागाकडून प्रियाच्या शिक्षणासाठी ३७ लक्ष ६१ हजार १८३ रुपयांची वार्षिक शिष्यवृत्ती मंजूर करण्यात आली आहे. विशेष म्हणजे, प्रियाच्या शिष्यवृत्तीचा प्रस्ताव अनेक दिवस रेंगाळत होता. ही बाब भाजप महिला मोर्चाच्या प्रदेश महामंत्री अल्का आत्राम यांनी जिल्ह्याचे पालकमंत्री मुनगंटीवार यांच्या लक्षात आणून दिली. त्यानंतर मुनगंटीवार यांनी याबाबत पाठपुरावा केला व प्रियाचा परदेशातील उच्चशिक्षणाचा मार्ग सुकर झाला.

आदिवासी लेकीचा प्रवास असा…

प्रिया ताडामचे प्राथमिक शिक्षण आसोलामेंढा (ता. सावली) येथे झाले असून इयत्ता पाचवी ते सातवीपर्यंतचे शिक्षण तिने जि.प.शाळा पाथरी येथे घेतले. त्यानंतर इयत्ता आठवी ते बारावीपर्यंत सावली येथील विश्वशांती कनिष्ठ महाविद्यालय येथे शिक्षण घेतल्यानंतर बी.ए.एल.एल.बी.ची पदवी तिने शासकीय विधी महाविद्यालय नागपूर येथे ७१ टक्के गुणांसह प्राप्त केली.

शिवसेना (उध्दव बाळासाहेब ठाकरे) पक्षप्रमुख मा. उध्दव बाळासाहेब ठाकरे साहेब यांचे उपस्थितीत “मातोश्री”वर

शिवसेना (उध्दव बाळासाहेब ठाकरे) पक्षप्रमुख मा. उध्दव बाळासाहेब ठाकरे साहेब यांचे उपस्थितीत “मातोश्री”वर

शिवसेना (उध्दव बाळासाहेब ठाकरे) पक्षाचे सचिव शिवसेना नेते खासदार अनिलजी देसाई साहेब, शिवसेना नेते खासदार विनायक राऊत साहेब यांनी चंद्रपुर-आर्णी लोकसभा क्षेत्राचा आढावा घेतला. वरोरा-भद्रावती विधानसभा संदर्भत सुद्धा आढावा घेवुन सदर ७५ वरोरा-भद्रावती विधानसभा क्षेत्रात सुरु असलेल्या सामाजिक व राजकीय कार्याची सपुर्ण माहीती घेतली. “होऊ द्या चर्चा” जनसवांद बाबत माहीती दिली तसेच वरोरा-भद्रावती विधानसभेत सत्तत सुरु लोकभिम्मुख कार्याबाबत पक्षप्रमुख उध्दव बाळासाहेब ठाकरे व शिवसेना नेते खासदार अनिलभाऊ देसाईसाहेब, खासदार विनायक राऊत साहेब यांनी विशेष नोंद घेतली. याप्रसंगी याप्रसंगी चंद्रपूर जिल्हा सघंटीका सौ नर्मदा बोरेकर, वरोरा-भद्रावती विधानसभाप्रमुख रविद्रं शिदे, उपजिल्हाप्रमुख भास्कर पाटील ताजने, भद्रावती तालुका प्रमुख नरेद्रं पढाल, वरोरा तालुकाप्रमुख दत्ता बोरेकर, वरोरा शहरप्रमुख खेमराज कुरेकार, भद्रावती शहरप्रमुख घनश्याम आस्वले तसेच पदअधिकारी यांची उपस्थिती होती.

वरोरा शहरातील डॉक्टरांनी ज्यादा पैसे कमवीण्याच्या नादात गरीब जनतेची आर्थिक लूट थांबवावी … तुलसी अलाम सामाजिक कार्यकर्ता वरोरा.

वरोरा शहरातील डॉक्टरांनी ज्यादा पैसे कमवीण्याच्या नादात गरीब जनतेची आर्थिक लूट थांबवावी … तुलसी अलाम  सामाजिक कार्यकर्ता वरोरा... 

 डॉक्टर , वैद्यकीय अधिकारी यांचा मनमानी कारभार

वरोरा :-  वरोरा शहरातील तसेच परिसरात असलेल्या ग्रामीण भागात साथीच्या रोगाची लागण सुरू असून प्रत्येक घरामध्ये डेंग्यू , मलेरिया , टायफॉइड , ताप. सर्दी , खोकला , अश्या अनेक आजार प्रत्येक गावात गावातील प्रत्येक कुटुंबात चार ते पाच रुग्ण दररोज पाहायला मिळत आहे .

      गोर गरीब शेत मजूर यांच्या देखील घरात सर्वच सदस्य आजाराने ग्रासले असून त्यांना उपचार करण्यासाठी मोठी दररोज कसरत करावी लागत आहे तर प्रत्येक रुग्णाला दोन ते तीन वेळा उपचार करावा लागत आहे त्यामुळे प्रत्येक कुटुंबात पैश्याची फार मोठी चणचण भासत आहे .. असले नसले पैसे सर्व पैसे उपचाराकरिता दवाखान्यात लागत असल्याने अनेकांना दोन वेळच्या जेवणाची शिक्षणाची , व्यवस्था करणे देखील कठीण झाले असल्याचे काही रुग्णांनी सांगितले .

आजाराने रुंगांची कंबरडे मोडून दिवाळ निघालं तर वरोरा शहरातील  डॉक्टर वैद्यकीय अधिकारी यांची मात्र दररोज दिवाळी दसरा साजरा होत असून त्यांच्या तिजोरीत भर पडत आहे .आरोग्य सेवा ही सेवा नसून गोरख धंदा बनला असल्याचे महा भयानक चित्र डोळ्या समोर दिसत आहे तेव्हा पैसे वाल्याचा इलाज कुठे ही होतो परंतु गरीब जनतेला रुग्णाला उपचारविनाच मरणागती जावे लागते.

          उपचारासाठी आलेल्या प्रत्येक गोर गरीब जनतेला रुग्णाला एक दवाखाना एक उपचार किमान १५०० ते २००० रुपयांचा खर्च येत असून आर्थिक भुर्दंड सहन करावा लागतो.  वरोरा शहरात सर्वात मोठी बाजारपेठ आहे शिवाय या गावाशी ५० ते ६० गावाचा संपर्क येत असतो वैद्यकीय उपचाराकरिता देखील रुग्णाला वरोरा येथेच यावे लागते .

सद्या परिसरात रोगाचे थैमान असल्याने प्रत्येक दवाखान्यात रुग्णाची लाईन असून सर्वच दवाखाने रुग्णांनी भरलेले असल्याचे पाहायला मिळत आहे . तर या ठिकाणी छोटे मोठे पकडून अनेक खाजगी रुग्णालय दवाखाने आहेत . सर्वस्वी डॉक्टर वैद्यकीय अधिकारी हे सलाईन , औषधी , इंजेक्शन , गोळ्या , इत्यादी देऊन रुग्णकडून मुबोली रक्कम वसूल करीत असल्याचा प्रकार समोर येत आहे . तेव्हा गोर गरीब , मजूर यांच्या मिळकतीचा विचार लक्षात घेऊन गरीब जनतेची होणारी आर्थिक पिळवणूक थांबविण्यात यावी अशी मागणी श्री तुलसी अलाम यांनी केली आहे .

 

वरोरा तालुक्यात बोर्डा येथे 'होऊ द्या चर्चा!' उपक्रमाला जनतेचा जोरादार प्रतिसाद.

वरोरा तालुक्यात बोर्डा येथे 'होऊ द्या चर्चा!' उपक्रमाला जनतेचा जोरादार प्रतिसाद.

शिवसेना (उद्धव बाळासाहेब ठाकरे ) उपनेते मनोज जमसूतकर सूर्यकांत पाटील यांच्या मार्गदर्शनातं

वरोरा-भद्रावती विधानसभा क्षेत्र प्रमुख रविंद्र शिंदे यांच्या ने्तृत्वात.

वरोरा - तालुक्यात शिवसेना (उद्धव बाळासाहेब ठाकरे )पक्षाचे उपनेते तथा मुंबईचे माजी. नगरसेवक चंद्रपूर लोकसभा क्षेत्राचे निरीक्षण मनोज जमसूतकर आणि मुंबईचे माजी. नगरसेवक सूर्यकांत पाटील यांच्या मार्गदर्शनातं 75 वरोरा-भद्रावती विधानसभा क्षेत्रात केंद्र व राज्य शासनाच्या विरोधात होऊ घा चर्चा!'उपक्रम राबविण्यात येत आहे.

या उपक्रमाका जनतेचा ठीक ठिकाणी जोरदार प्रतिसाद मिळत आहे दि.3 आक्टोबर रोजी बोर्डा -शेगाव जि. प. क्षेत्रात बोर्डा येथे उपक्रम आयोजित करण्यात आला 75 वरोरा -भद्रावती विधानसभा क्षेत्र प्रमुख रवींद्र शिंदे यांच्या ने्तृत्वात सुरु असलेल्या होऊ घा चर्चा उपक्रमात दत्ताभाऊ बोरेकर वरोरा तालुका प्रमुख, खेमराज कुरेकार वरोरा शहर प्रमुख, किशोर उत्तरवार, रमेश ठाकरे, तुलसी अलाम, निखिल मांडवकर.याच्या सह फार मोठ्या संख्येत  शिवसेनिक वरोरा तसलुक्यात 'होऊ घा चर्चा!'उपक्रमाची जनतेला माहिती देत जनसवाद साधत आहे..

राजुरा येथे आदिवासींचा चक्का जाम आंदोलन.

राजुरा येथे  आदिवासींचा चक्का जाम आंदोलन 

राजुरा तहसीलदार यांना दिले निवेदन.

राजुरा येथील संविधान चौक येथे आदिवासींनी शासनाचे विरोधात चक्का जाम आंदोलन करण्यात आले. आदिवासी मध्ये धनगर जातीला समाविष्ठ करण्याचा निर्णय नुकताच शासन जाहीर केल्याने यांचे तीव्र पडसाद उमटत असून या निर्णयामुळे आदिवासी शासनाचे विरोधात संताप व्यक्त करीत असून आता नौकरीत खाजगीकरण शासन आणत असल्याने आदिवासींचा आरक्षण धोक्यात आल्याने आदिवासी संतप्त झाल्याचे चित्र दिसत आहे. मोर्चात अखिल भारतीय आदिवासी विकास परिषदेचे नेते महीपाल मडावी श्रमिक एल्गर संघटनेचे उपाध्यक्ष तथा ट्रायबल डेव्हलोपमेंट कल्चरल फौन्डेशन चे अध्यक्ष *घनशाम मेश्राम, भारत आत्राम, मधुकर कोटनाके, धीरज मेश्राम* यांनी उपस्थितांना मार्गदर्शन केले. यानंतर बोगस हटाव-आदिवासी बचाव, एक तीर एक कमान आदिवासी एक समान, अशा घोषणा देत पंचायत समिती ते तहसील कार्यालय असा मोर्चा काढून नायब तहसिलदार तेलंग यांना विविध मागण्याचे निवेदन देण्यात आले. प्रामुख्याने धनगर जातीला आदिवासी मध्ये समाविष्ठ करू नये, नौकर भरतीतील खाजगीकरण बंद करुन आदिवासींचे आरक्षण कायम ठेवण्यात यावे, पेसा कायद्याची काटेकोरपणे अंमलबजावणी करावी, पेसा क्षेत्रातील रिक्त पदे तातडीने भरण्यात यावे, आदिवासीच्या नौकरीतील अनुशेष तत्काळ भरण्यात यावा यासह इत्यादी मागण्या घेऊन आदिवासींनी आंदोलन केले. यावेळी *महीपाल मडावी, घनशाम मेश्राम, शुभम आत्राम, रवींद्र आत्राम, विनोद गेडाम, अमृत आत्राम, अंकुश कुळमेथे, मधुकर कोटनाके, धीरज मेश्राम , बंडू मडावी, भारत आत्राम,अंकिता मडावी, शुभांगी उईके, लक्ष्मी मडावी, मालताबाई मडावी, सुरेश पुसाम, सुचिता आडे, वचला  सिडाम, मंदा आत्राम, यासह इत्यादींनी मोर्चात सहभागी होहून शासनाचे लक्ष वेधले*