सोयाबीन शेताचे सर्वे करून शेतकऱ्यांना त्वरित नुकसान भरपाई द्या - तुलसी अलाम यांची चंद्रपूरचे जिल्हाधिकारी विनय गौडा यांचे कडे मागणी.

सोयाबीन शेताचे सर्वे करून शेतकऱ्यांना त्वरित नुकसान भरपाई द्या -  तुलसी अलाम यांची चंद्रपूरचे जिल्हाधिकारी विनय गौडा यांचे कडे मागणी.

वरोरा :- वरोरा तालुक्यामध्ये सोयाबीन पिकावर आलेल्या रोगावर कृषी अधिकारी यांनी त्यांचे सर्व्हे मधून सदर पिकावर येलोमो जॅक (व्हायरस) रोगाने बऱ्याच शेतकऱ्याचे सोयाबीन पूर्णता शेंगा भरण्याआधीच पाने पिवळे होऊन शेंगा कमी प्रमाणात लागून त्या शेंगामध्ये   कुठल्याही प्रकारचा दाना नसून पूर्णता उध्वस्त झालेले निवेदन तुलसी अलाम यांनी चंद्रपूरचे जिल्हाअधिकारी मा. श्री. विनय गौडा यांना देण्यात आले. यावर्षीच्या हगामात सोयाबीन व पराठीचे पीक फार जोमाने सुव्यवस्थेत वाढलेले होते यावर्षी सर्व शेतकरी उत्सवात होते की यावर्षी दिवाळी जोमाने साजरी होईल अशी आशा शेतकरी बांधवानी उराशी बाळगुण होती परंतु निसर्गाने आपला प्रकोप दाखवत सोयाबीन पिकावर पूर्ण प्रताप दाखवून सोयाबीन हे पीक पूर्णता उद्धवस्त केलेले आहे.

अशा वेळेस शेतकरी वर्ग पूर्ण विवचेत असून काही शेतकऱ्यांनी आपल्या उभ्या पिकामध्ये गुरे ढोरे सोडून सोयाबीन पीक उध्वस्त केलेले आहे. या बाबतीत शासन स्थळी सरसकट सर्वे करून शेतकऱ्यांना सोयाबीन पिकाचा झालेले नुकसान शासनाने शेतकऱ्याला मदत म्हणून हेक्टरी 50 हजार रुपये देण्याचे त्वरित आश्वासन शासकीय दरबारी देण्यात यावे अशी अपेक्षा सर्वत्र शेतकऱ्यामार्फत व्यक्त होत आहे.

 त्याच प्रकारे तालुक्यातील

शेतकरी लोकांनी शंभर टक्के पीक विमा काढलेला आहे पंतप्रधानानी घोषणा केली की सर्व शेतकऱ्यांनी पीक विमा काढून या पीक विमाचा लाभ घ्यावा या हेतूने प्रधानमंत्री फसलं पीक विमा योजना या नावाने सर्व शेतकऱ्यांनी काढलेला आहे. जो पीक विमा काढला त्या अधिकाऱ्यांनी शेतकऱ्याचे पूर्णतः सोयाबीन शेताचे सर्वे करून त्यांचा नुकसानीचा भरणा त्वरित शेतकऱ्यांना देण्यात यावा.

फार मोठ्या गाजावाजाने सरकारने दर्शनीय भागावर करो अपनी फसलं का बिमा फसलं नष्ट होणे पर सरकार देंगे लाखो का मुआवजा काय हे घोषवाक्य कृती मध्ये सरकार उतरवेल का ??

यावर पिक विमा धारकांचा प्रश्नचिन्ह उभा राहत सदर निवेदन तुलसी अलाम याच्या ने्तृत्वात व कार्यकर्त्यांसह सर्व शेतकरी बांधवाचा उपस्थितीत निवेदन देण्यात आले..

भद्रावतीत दिवंगत खासदार बाळू धानोरकरांच्या स्मृतिप्रित्यर्थ रक्तदान शिबिर.

भद्रावतीत दिवंगत खासदार बाळू धानोरकरांच्या स्मृतिप्रित्यर्थ रक्तदान शिबिर.

वाल्मिकी गणेश मंडळाचा उपक्रम :60 रक्तदात्यांनी केले रक्तदान.

भद्रावती :-  दिवंगत खासदार बाळू धारूरकरांच्या स्मृती प्रित्यर्थ शहरातील भोजवाड येथील वाल्मिकी गणेश मंडळातर्फे वाल्मिकी चौकात रक्तदान शिबिर घेण्यात आले या शिबिरात 60 रक्तदात्यांनी रक्तदान करून आपल्या समाजाप्रती असलेल्या भावना स्पष्ट केल्या.

या शिबिराचे उद्घाटन नगराध्यक्ष आणि धारणकर यांच्या शुभहस्ते करण्यात आले यावेळी प्रमुख पाहुणे म्हणून काँग्रेसचे शहराध्यक्ष सुरज गावंडे नगरसेविका शितल गेडाम माजी नगरसेवक प्रमोद नागोसे प्रशांत झाडे तसेच गणेश मंडळाचे पदाधिकारी व सदस्य उपस्थित होते.

रक्त हे मानवी शरीरातच तयार होते ते कृत्रिमरीत्या बनविता येत नाही त्यामुळे आजच्या काळातील अपघाताचे प्रमाण पाहता रक्ताची आवश्यकता नेहमी भासत असते त्यामुळे तरुण वर्गाने रक्तदान करून आपली समाजाप्रती असलेली बांधिलकी जपावी असे आवाहन नगराध्यक्ष अनिल धानोरकर यांनी केले अन्य मान्यवरांनी याप्रसंगी आपले विचार व्यक्त केले या आव्हानाला प्रतिसाद देत परिसरातील 60 युवकांनी रक्तदान केले रक्त संकलनासाठी नागपूर येथील आयुश रक्तपेढीच्या पथकाने सहकार्य केले शिबिराच्या यशस्वीते करता मंडळाचे अध्यक्ष विनोद गुळघाणे, शंकर होकम, सचिन पचारे, सनी धामदेरे,अमलाश कुमरे, संदीप कुमरे ,बाळू पतरंगे, सनी लोहकरे, अभिनय लोहकरे, लखन चटपलीवार, नेहाल हाडे ,विकास माधवी, मारोती माढरे, विनोद नागपुरे आदींनी मोलाचे सहकार्य केले.

  टेमुर्डा येथे शेतकऱ्यांचे चक्काजाम आंदोलन

सोयाबीन पिकाचे झालेले नुस्कानीची पाहणी करून पीक विम्यात सामील करून हेक्टरी पन्नास हजार रुपये मदत देण्यात यावी.तसेच चालू शेतकरी यांना प्रोत्साहन पर रक्कम देण्यात यावे :- किशोर डुकरे.

वरोरा तालुक्यातील शेतकरी यांनी मोठया प्रमाणात सोयाबीन पीक घेत आहे मात्र काही दिवसा अगोदर मोझ्याक रोगाने थैमान घातले होते त्यामध्ये पन्नास टक्के सोयाबीन पिकाचे नुस्कान झाले होते तरी शेतकरी आशा बाळगून होता मात्र दोन ते तीन दिवसात बुरशी सारखा रोग आला आणि पूर्ण सोयाबीन पीक नष्ट झाले तरी झालेल्या पिकाचे पंचेनामे करून पीक विम्यात सामावून घेऊन शेतकरी यांना हेक्टरी पन्नास हजार रुपयाची मदत करावी, नुस्कान झालेल्या शेतकरी पीक विमा कंपनी सोबत संपर्क करत आहे मात्र तो अजून त्या शेतकरी यांच्या तक्रारीची नोंद होत नाही तरी अश्या शेतकरी यांचा नोंदणी कशी घेता येईल या साठी आपण प्रयत्न करावे.

आपल्या महाराष्ट्र सरकारने महात्मा जोतिबा फुले कर्ज माफी जाहीर केली मात्र या यादी मधून काही शेतकरी यांचे नावेच नाही तर काही शेतकरी यांना अजूनही कर्ज माफिचा लाभ दिलेला नाही तरी मी शेतकरी यांच्या वतीने आपणास विनंती करतो कि आपण सदर निवेदनाची दोन ते तीन दिवसात दखल घेऊन शेतकरी यांना न्याय मिळवून द्यावा. आज टेमुर्डा येथे शेतकरी यांच्या वतीने आंदोलन करण्यात आले मात्र या आंदोलनाची सदर दखल न घेतल्यास जिल्हाधिकारी कार्यालय चंद्रपूर येत टाला ठोको आंदोलन करण्यात येईल.                    

टेमुर्डा येथे किशोर डुकरे यांच्या नेतृत्वा खाली शेकडो शेतकरी यांच्या उपस्थिती मध्ये टेम्रूडा येथे चक्कजाम  शेतकरी समस्या घेऊन पार पडला या वेळी नायब तहसीलदार हे आंदोलन स्थळी पोहचून शेतकरी निवेदन स्वीकार केले आणि शासन पर्यंत पोहचून शेतकरी यांना न्याय मिळवून देईल अशी ग्वाही दिली या वेळी, पुरुषोत्तम पावडे, संदीप वासेकर, श्रीकृष्ण देवतळे, आकाश धवने, राजू डुकरे, लक्ष्मण आसुटकर, मोतीराम  जांभुळे, आशिष जांभूळे, महेंद्र गारघटे, उमेश टोंगे, धर्मदास डुकरे, अशोक मगरे, प्रभाकर मगरे, अंकुश चौधरी, रघु खापणे तसेच परिसरातील शेतकरी हजर होते

धनगर समाजाला अनुसूचित जमातीचे आरक्षण दिल्यास रस्त्यावर उतरू__ तुलसी अलाम

धनगर समाजाला अनुसूचित जमातीचे आरक्षण दिल्यास रस्त्यावर उतरू__ तुलसी अलाम 

सरकारला इशारा : गोंडवाना संग्राम परिषदेची भूमिका

वरोरा :- धनगर समाजाला अनुसूचित जमातीचे आरक्षण देऊ नका, तसे झाले तर आदिवासी बांधवावर अन्याय होईल, अशी भूमिका गोंडवाना संग्राम परिषदेने घेतली धनगर बांधवाना अनूसूचित जमातीचे आरक्षण दिल्यास ताकद दाखवू असा इशारा निवेदनाद्वारे सत्ताधारयांना दिला आहे. धनगर हे आदिवासी नाहीत हे अनेक कसोट्यांवर सिद्ध झाले आहे. टाटा इन्स्टिट्यूट ऑफ सोशल सायन्सेसने सुध्दा अभ्यास करून धनगर आदिवासी नसल्याचा अहवाल दिला आहे. मात्र मताच्या राजकारनासाठी राजकीय पक्ष आदिवासीच्या आरक्षनाला नवा वाटेकरी तयार करत असल्याचा आरोप गोंडवाना संग्राम परिषदेने केला आहे...

धक्कादायक ! बोर्डा ग्रामपंचायत कडून दुषित पाणी पुरवठा

धक्कादायक ! बोर्डा  ग्रामपंचायत कडून दुषित पाणी पुरवठा

वरोरा तालुक्यातील बोर्डा येथील वार्ड क्रमांक 1मध्ये  गेले एक दोन  आठवड्या पासून व काही भागात दूषित पाणीपुरवठा होत असताना आता जंतू मिळत असल्याने नागरिकांच्या आरोग्याला धोका निर्माण झाला असून ग्रामविकास अधिकारी यांची भेट घेऊन याबाबत जाब विचारणार असल्याचे तुलसी अलाम यांनी सांगितले. 

 बोर्डा परिसरात ग्रामपंचायत कडून पुरवण्यात येणाऱ्या नळाच्या पाण्यात जंतू मिळत असल्याचे  तुलसी अलाम यांनी ग्रांमपंचायत पाणीपुरवठा कर्मचाऱ्यांच्या निदर्शनास आणून दिले. गेले एक दोन आठवड्या पासुन काही भागात दूषित पाणीपुरवठा होत असताना आता जंतू मिळत असल्याने नागरिकांच्या आरोग्याला धोका निर्माण झाला असून ग्रामविकास अधिकारी यांची भेट घेऊन याबाबत जाब विचारणार असल्याचे अलाम यांनी सांगितले. श्री. तुलसी अलाम यांनी याबाबत पत्रक प्रसिद्धीस दिले असून त्यात त्यांनी गेले दोन आठवड्या पासुन    बोर्डा गावातील काही भागात दूषित व गढूळ पाणीपुरवठा होत आहे. याबाबत ग्रामपंचायतचे वेळोवेळी लक्ष वेधले आहे. दोन दिवसापूर्वी बोर्डा परिसरामध्ये नळ ग्राहकांच्या पाण्यातून जंतुसह काळपट गढूळ पाणी येत होते. हा प्रकार संबंधित नागरिकांनी आपल्या निदर्शनास आणून दिल्यानंतर आपण वस्तुस्थितीची पाहणी केली व ग्रामंचायतच्या नळ पाणी कर्मचाऱ्यांना घटनास्थळी पाचारण करून खरी परिस्थिती निदर्शनास आणून दिली.जंतूयुक्त पाणी बोर्डाग्रांमवासियाना येत असल्याने हा प्रकार आरोग्याच्या दृष्टीने धोकादायक आहे.    शहराला दोन आठवड्यापासुन दूषित पाणीपुरवठा होतो हे नागरिकांच्या आरोग्याच्या दृष्टीने चांगले नाही. ग्रापंचायतने याबाबत गांभीर्याने विचार करणे गरजेचे आहे. बऱ्याच वेळा गढूळ गंजलेले व चिखलयुक्त पाणीही ग्राहकांना येत आहे. आता त्यात जंतूही सापडू लागल्याने तात्काळ यावर उपाययोजना होणे गरजेचे आहे. नागरिकांच्यावतीने ग्रामविकास अधिकारी यांची भेट घेणार असून याबाबत त्यांना जाब विचारला जाणार आहे.